ព្រឹត្តិការណ៍ - នយោបាយ ព្រឹត្តិការណ៍

20/01/2025 - 15:20

គៀងយ៉ាង ៖ ទឹកប្រាក់ជាង ១៩៨ ពាន់លានដុង វិនិយោគនៅតំបន់ជនរួមជាតិភាគតិច

យោងតាមគណៈជនជាតិខេត្តគៀងយ៉ាង សរុបថវិកាអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច - សង្គម តំបន់ជនរួមជាតិភាគតិចនិងតំបន់ភ្នំរបស់ខេត្តគៀងយ៉ាង ឆ្នាំ២០២៤ ឡើងដល់ជាង ១៩៨,៥ ពាន់លានដុង ក្នុងនោះ ទឹកប្រាក់ជាង ៨៥ ពាន់លានដុង សម្រាប់ជាទុនវិនិយោគអភិវឌ្ឍន៍ និងទឹកប្រាក់ជាង ១១៣ ពាន់លានដុងសម្រាប់ជាទុនបុព្វហេតុ។ គិតមកដល់ចុងឆ្នាំ ២០២៤ ខេត្តបានរំសាយថវិកាជាង ៦៦ ពាន់លានដុង ទុនវិនិយោគអភិវឌ្ឍសម្រេចជាង ៧៧% និងទឹកប្រាក់ជាង ១៦ ពាន់លានដុងជាទុនបុព្វហេតុសម្រេចជាង ១៤%។ គិតមកដល់ចុងខែមករា ឆ្នាំ២០២៥ អត្រារំសាយថវិកាសម្រេច ១០០% សម្រាប់ទុនវិនិយោគអភិវឌ្ឍន៍និងទឹកប្រាក់ជាង ២០ ពាន់លានដុង សម្រាប់ទុនបុព្វហេតុ។

ជីវភាពរបស់ជនរួមជាតិភាគតិចលើភូមិសាស្ត្រខេត្តគៀងយ៉ាង ជាសន្សឹមៗរីកចម្រើន។

ខេត្តគៀងយ៉ាង ក៏បានសម្រេចជាស្ថាពរនូវភាគកម្រិតសំខាន់ៗក្នុងការឧបត្ថម្ភជនរួមជាតិភាគតិច កាត់បន្ថយអត្រាគ្រួសារក្រីក្រចាប់ពី ២,៤% ចុះនៅត្រឹម ១,៨៦% ។ ជាក់ស្តែង ខេត្តបានឧបត្ថម្ភលំនៅឋានដល់ប្រជាជន ២២០ គ្រួសារ និងដីសង់ផ្ទះ ៧ គ្រួសារ; បង្កើនកម្រិតបើកទូលាយសំណង់ ផ្គត់ផ្គង់ទឹកប្រើប្រាស់ប្រមូលផ្តុំ ៩ កន្លែង វិនិយោគកសាងផ្លូវគមនាគមន៍ជនបទប្រវែង ២៣,៩ គ.ម និងជួសជុលស្ពានជនបទ៩ខ្សែ។ ទន្ទឹមនឹងនោះ ភូមិភាគនីមួយៗបានកសាងស្ថាប័នវប្បធម៌ កីឡា ចំនួន ២១ កន្លែងនៅតាមភូមិនានាដែលមានជនរួមជាតិភាគតិច បង្កើត ១១ ទីតាំងជំនួយអនុវត្តបច្ចេកវិទ្យាព័ត៌មានដល់ប្រជាជន៕

យោង៖ កាសែតគៀងយ៉ាង - លីសៀ

ចែករំលែកអត្ថបទ

ពាក្យគន្លឹះ