ព្រឹត្តិការណ៍ - នយោបាយ ព្រឹត្តិការណ៍

13/01/2025 - 16:00

យកចិត្តទុកដាក់ជ្រើសរើសនិងអាទិភាពកម្មាភិបាល បុគ្គលិក អ្នករដ្ឋការជាជនជាតិភាគតិច

គណៈជនជាតិក្រុងកឹងធើ រៀបចំកិច្ចប្រជុំបូកសរុបការងារជនជាតិ ឆ្នាំ២០២៤ ផ្សព្វផ្សាយភារកិច្ច ឆ្នាំ២០២៥។

នាយករដ្ឋមន្ត្រី ផាមមិញជិញ និងលោកង្វៀងវ៉ាន់ហីវ លេខាគណៈកម្មាធិការបក្សក្រុងកឹងធើ ជូនអំណោយដល់គ្រួសារជនជាតិភាគតិចក្រីក្រនិងគ្រួសារគំរូលើភូមិសាស្ត្រស្រុកកើ-ដ។

យោងតាមគណៈជនជាតិ ក្រុងកឹងធើ មានជនជាតិភាគតិចចំនួន ១៩ ជនជាតិ មានប្រជាជន ១០.០៥១ គ្រួសារ ដោយមានមនុស្សប្រមាណ ៣៦.៧៩៥ នាក់ ស្រូបអត្រា ២,៩% នៃចំនួនប្រជាជនទូទាំងក្រុង។ ក្នុងនោះ ជនរួមជាតិខ្មែរមានចំនួនច្រើនបំផុតមាន ២៣.៧៧៨ នាក់ ជនជាតិចិនមាន ១២.៥៨៩ នាក់ និងជនរួមជាតិភាគតិចផ្សេងៗមានចំនួន ៤២៨ នាក់។ ឆ្នាំ២០២៤ គណៈជនជាតិ បានធ្វើសេនាធិការជូនគណៈកម្មាធិការប្រជាជនក្រុង ប្រកាសដាក់ចេញនិងលើកជូនស្ថាប័នមានសមត្ថកិច្ចឯកសារ ចង្អុលការ ដឹកនាំ ផ្សព្វផ្សាយអនុវត្តការងារជនជាតិ។ តាមរយៈនោះ គណៈជនជាតិក្រុងបានសហការជាមួយស្ថាប័ននិងភូមិភាគនានា អនុវត្តសម្រេចរួចរាល់ភារកិច្ចទាំង ៧ តាមកម្មវិធីការងាររបស់គណៈកម្មាធិការប្រជាជនក្រុង អនុវត្តសម្រេចនិងសម្រេចលើស ១៨/១៨ ភាគកម្រិតដែលប្រគល់ឱ្យ។

ទន្ទឹមនឹងនោះ គោលនយោបាយចំពោះជនរួមជាតិភាគតិច ត្រូវបានគ្រប់ថ្នាក់ គ្រប់ផ្នែក និងភូមិភាគផ្សព្វផ្សាយយ៉ាងប្តូរផ្តាច់ ពេញលេញនិងមានប្រសិទ្ធភាព រួមចំណែកលើកកម្ពស់ជីវភាពសម្ភារៈនិងស្មារតីចំពោះជនរួមជាតិភាគតិច។ លេចធ្លោបំផុត គឺជនរួមជាតិភាគតិចមានអគ្គិសនីប្រើប្រាស់១០០%; ឃុំ សង្កាត់ ទីប្រជុំជនមានផ្លូវគមនាគមន៍រថយន្តបើកដល់មជ្ឈមណ្ឌលឃុំ សម្រេចអត្រា១០០%; ភូមិ មណ្ឌលមានផ្លូវគមនាគមន៍ងាយស្រួលធ្វើដំណើរទៅមកទាំងប្រាំងវស្សា សម្រេចអត្រា១០០%។ ទន្ទឹមនឹងនោះ បន្តការយកចិត្តទុកដាក់វិនិយោគ បង្កលក្ខណៈឧបត្ថម្ភស្តារឡើងវិញនិងថែរក្សាទម្រង់វប្បធម៌របស់ជនរួមជាតិបណ្តាជនជាតិ។ ក្រុង អនុវត្តល្អកម្មវិធីទិសដៅជាតិអំពីសុខាភិបាល កុមារជនជាតិភាគតិចអាយុក្រោម ១ ឆ្នាំ ត្រូវបានចាក់វ៉ាក់សាំងបង្ការគ្រប់ប្រភេទ ជំនួយបណ្តាវិធានការប្រឆាំងនឹងការខ្វះអាហារូបត្ថម្ភ កុមារអាយុ ៦ ឆ្នាំបានផ្តល់ប័ណ្ណធានារ៉ាប់រងសុខាភិបាលទាំង១០០%។ កៀរគរសិស្សជនជាតិភាគតិចចូលរៀន ត្រូវតាមកម្រិតអាយុ (ឆ្នាំសិក្សា ២០២៣-២០២៤) បឋមសិក្សាសម្រេចអត្រា ១០០% អនុវិទ្យាល័យសម្រេចអត្រា ៩៧,៩៤% វិទ្យាល័យសម្រេចអត្រា ៧៥,៧%។

គ្រប់ថ្នាក់ គ្រប់ផ្នែក ក៏បានឧបត្ថម្ភសាងសង់ផ្ទះ ៣៦ ខ្នង ជួសជុល១ ខ្នង ជូនគ្រួសារជនជាតិភាគតិចក្រីក្រ គ្រួសារមានស្ថានភាពលំបាក។ ធនាគារគោលនយោបាយសង្គម បានរំសាយថវិកាកម្មវិធីឥណទានជូនគ្រួសារជនជាតិភាគតិច ៦០៤ លើកគ្រួសារដែលបុលទុន សរុបដើមទុនជិត ២០ ពាន់លានដុង (រួមមានជនជាតិខ្មែរ ៥៥៧ គ្រួសារ ជនជាតិចិន ៤២ គ្រួសារ និងជនជាតិផ្សេងៗចំនួន៥គ្រួសារ)។ ចុងឆ្នាំ ២០២៤ គ្រួសារក្រីក្រជាជនជាតិភាគតិច នៅ ២៩ គ្រួសារ ស្រូបអត្រា ០,២៩ គ្រួសារ គ្រួសារប្រកៀកបន្ទាត់ក្រនៅ ៣៤៦ គ្រួសារ ស្រូបអត្រា ៣,៤៤% នៃចំនួនគ្រួសារជនជាតិ ភាគតិចសរុប៕

ក្វឹកថាយ-មុនី

ចែករំលែកអត្ថបទ

ពាក្យគន្លឹះ