ព្រឹត្តិការណ៍ - នយោបាយ ព្រឹត្តិការណ៍

06/01/2025 - 16:00

អនុរដ្ឋមន្ត្រី អនុប្រធានគណៈកម្មាធិការជនជាតិ ណុងធីហា ទទួលជួបគណៈប្រតិភូតំណាងអ្នកមានប្រជាប្រិយក្នុងជនរួមជាតិភាគតិចខេត្តវិញឡុង

លោកស្រី ណុងធីហា អនុរដ្ឋមន្ត្រី អនុប្រធានគណៈកម្មាធិការជនជាតិ បានទទួលបដិសណ្ឋារៈយ៉ាងកក់ក្តៅ ចំពោះគណៈប្រតិភូតំណាងអ្នកមានប្រជាប្រិយក្នុងជនរួមជាតិភាគតិចខេត្តវិញឡុង ក្នុងឱកាសទៅទស្សនកិច្ចសិក្សានៅរដ្ឋធានីហាណូយ។

អនុរដ្ឋមន្ត្រី អនុប្រធានគណៈកម្មាធិការជនជាតិ ណុងធីហា ជូនវត្ថុអនុស្សាវរីយ៍និងថតរូប
ជាមួយតំណាងអ្នកមានប្រជាប្រិយក្នុងជនរួមជាតិភាគតិចខេត្តវិញឡុង។

ក្នុងកិច្ចជំនួបនេះ អនុរដ្ឋមន្ត្រី អនុប្រធានគណៈកម្មាធិការជនជាតិ ណុងធីហា បានវាយតម្លៃខ្ពស់ចំពោះតួនាទីរបស់អ្នកមានប្រជាប្រិយក្នុងជនរួមជាតិភាគតិចខេត្តវិញឡុងរយៈពេលកន្លង។ អនុរដ្ឋមន្ត្រី អនុប្រធានគណៈកម្មាធិការជនជាតិ ណុងធីហា បញ្ជាក់៖ កងជួរអ្នកមានប្រជាប្រិយខេត្តវិញឡុង អនុវត្តល្អការងារផ្សព្វផ្សាយ ចលនាមាមីងជនជាតិភាគតិចគោរពប្រតិបត្តិតាមគោលការណ៍ គោលមាគ៌ា គោលនយោបាយ ច្បាប់របស់បក្សនិងរដ្ឋ រក្សារឹងមាំមហាសាមគ្គីជនជាតិ; កសាងបក្ស កសាងរដ្ឋអំណាចរឹងមាំ អភិរក្សនិងពង្រីកតម្លៃវប្បធម៌ប្រពៃណី អភិវឌ្ឍសេដ្ឋកិច្ច-សង្គម ។ល។ ដែលបានសហគមន៍ទំនុកចិត្ត។

នៅពេលខាងមុខ អនុរដ្ឋមន្ត្រី អនុប្រធានគណៈកម្មាធិការជនជាតិ ណុងធីហា រំពឹងថា តំណាងអ្នកមានប្រជាប្រិយក្នុងជនរួមជាតិភាគតិចខេត្តវិញឡុង នឹងបន្តការពង្រីកស្មារតីគំរូឈានមុខក្នុងការអភិវឌ្ឍសេដ្ឋកិច្ច-សង្គម ខ្នះខ្នែងផ្សព្វផ្សាយដល់ជនរួមជាតិ នៅមូលដ្ឋានអនុវត្តល្អគោលការណ៍ គោលនយោបាយរបស់បក្សនិងច្បាប់របស់រដ្ឋ ជួយមាមីងបង្ខិតជិតការអនុវត្តវិទ្យាសាស្ត្រ-បច្ចេកវិទ្យា ជម្នះលំបាក ចលនាមាមីងខិតខំយ៉ាងពេញទំហឹងឈានឡើង ធ្វើសេដ្ឋកិច្ចពូកែ បន្តការរួមដំណើរជាមួយគណៈកម្មាធិការជនជាតិ ក៏ដូចជាទូទាំងប្រព័ន្ធនយោបាយ រដ្ឋអំណាចមូលដ្ឋាន អនុវត្តល្អគោលនយោបាយជនជាតិលើភូមិសាស្ត្រ ពង្រីកស្មារតីសាមគ្គីជនជាតិ៕

យោង៖http://cema.gov.vn/-មុនី

ចែករំលែកអត្ថបទ

ពាក្យគន្លឹះ