កីឡា - ទេសចរណ៍ ទេសចរណ៍

30/12/2024 - 12:07

នឹកមុខម្ហូបញាំស្លឹក នៅកនតុម

ដូចជាទីក្រុងផ្សេងៗនៅតំបន់ខ្ពង់រាបដែរ ក្រុងកនតុមមានអាកាសធាតុដ៏អស្ចារ្យ រួមជាមួយមុខម្ហូបឆ្ងាញ់ៗជាច្រើន ក្នុងនោះ ម្ហូបដែលគួរចាប់អារម្មណ៍បំផុតប្រហែលជា “ញាំស្លឹក”។

ស្ពានយោល KonKlor។

ទូកលុងដែលជនជាតិបាណា ធ្លាប់ប្រើប្រាស់សម្រាប់អុំឆ្លងទន្លេ Đăk Bla។

ភ្ញៀវទេសចរភ្លក់រសជាតិម្ហូប “ញាំស្លឹកកនតុម”។

ហៅថា “ញាំស្លឹក”ពិតជាត្រឹមត្រូវ ពីព្រោះមុខម្ហូបនេះមានស្លឹកឈើពី៣០ទៅ៦០ប្រភេទ។ ក្នុងនោះ មានត្រួយស្លឹកឈើពិសេសមួយចំនួន ដូចជា៖ ត្រួយព្រីងទ្រមូង បាយម៉ាតនិងល្ងៀងក្រហមជាដើម ផ្សំជាមួយត្រួយស្លឹកឈើទូទៅ មានដូច៖ ត្រួយស្លឹកល្វា ត្របែក កន្ទួត ស្វាយនិងពោល្យំជាដើម ញាំស្លឹកហូបផ្ទាប់ជាមួយសាច់ជ្រូកបីជាន់ហាន់ស្តើងៗ បង្គាក្រៀមនិងស្បែកជ្រូក។ ម្ហូបស្បែកជ្រូកមើលទៅសាមញ្ញ ប៉ុន្តែរបៀបធ្វើក្និកក្នក់ ឆ្លងកាត់ច្រើនដំណាក់ការ ដូច៖ ស្បែកជ្រូកហាន់ស្តើងៗ បុករំដេងលាយផ្អួលនិងគ្រឿងទេស។ មុខម្ហូបនេះក៏មិនអាចខ្វះម្រេច អំបិលនិងម្ទេសចង្អុលមេឃដែលជាប្រភេទម្ទេសហឺរ មានព័ណ៌បៃតង ជាលក្ខណៈពិសេសនៃតំបន់ដីក្រហម។ វេចបន្លែព្រៃជាមួយសាច់ជ្រូកបីជាន់និងបង្គាក្រៀមជ្រលក់ជាមួយទឹកគ្រឿងធ្វើពីបាយអង្ករដំណើបឡើងដំបែឆ្ងាញ់ពិសា។ គេច្របល់ទឹកគ្រឿងជាមួយបង្គាក្រៀមនិងសាច់ជ្រូកបីជាន់កិនហ្មត់។ បន្ទាប់មក ចុងភៅបន្សុីខ្ទឹមស្ងួតរួចដាក់សាច់ដែលកិននោះចូល ហើយបង់គ្រឿងទេសបន្ថែម រួចដុតភ្លើងឱ្យឆេះរ៉ុយៗ។ ចុងភៅផ្តោតលើក្លិនចំហាយទឹកគ្រឿង ដើម្បីកំណត់ដឹងគ្រឿងផ្សំឆ្អិនដល់កម្រិតណារសជាតិល្មមមាត់ឬនៅ។ លោកអ្នកមិនអាចហូបបន្លែម្តងដល់ទៅ ៦០ មុខផ្សេងៗ គ្នាបានឡើយ ដូច្នេះពេលវេចបន្លែហូបម្តងៗ លោកអ្នកគួររើសស្លឹកឈើមួយចំនួនមុខហូបសាកមើល។ ម្ហូបញាំស្លឹកកនតុម នៅលើថាស មានត្រួយស្លឹកឈើដល់ទៅ ៦០ មុខ លោកអ្នកអាចទទួលបានរសជាតិនិងរសក្លិនផ្សេងៗ។ ម្ហូបញាំស្លឹកនេះ ទាក់ទាញអារម្មណ៍ភ្ញៀវទេសចរនឹកមិនភ្លេច។ នោះគឺរសជាតិប្រហាតម្លាន់នៃយស្លឹកល្វា រសចត់នៃត្រួយស្លឹកត្របែក រសជាតិជូរនៃត្រួយស្លឹកស្វាយ និងរសជាតិនៃបន្លែព្រៃតីង្វៀនយ៉ាងឆ្ងាញ់។

បន្ទាប់ពីបានភ្លក់រសជាតិមុខម្ហូបញាំស្លឹក ភ្ញៀវទេសចរគប្បីដើរកម្សាន្តតាមដងទន្លេ Đăk Bla ជាទីមនោរម្យ ទន្លេនេះនាំប្រភពទឹកហូរព័ទ្ធជុំភូមិ Kon K’lor ជាកន្លែងមានផ្ទះប្រពៃណីរបស់ជនជាតិបាណា។ ភូមិ Kon Klor នៅវិថីបាក់កាង សង្កាត់ថាំងឡើយ ក្រុងកនតុម ដែលដិតដាមដោយអត្តសញ្ញាណវប្បធម៌ដ៏ពិសេស។ នៅក្បែរភូមិក៏មានស្ពានយោល Kon Klor ចាប់ឆ្លងទន្លេ Đăk Bla ដ៏អស្ចារ្យ ហើយក្បែរនោះសោតគឺផ្ទះរ៉ុង Kon Klor មានស្ថាបត្យកម្មពិសេស ដំបូលប្រក់ស្បូវខ្ពស់ត្រដែត៕

ហាថាញ - មុនី

ចែករំលែកអត្ថបទ

ពាក្យគន្លឹះ