សុខភាព - អប់រំ សុខភាព

30/12/2024 - 12:07

រក្សាខ្ជាប់កិត្តិនាមដំណាក់សុខាភិបាលសម្រេចបទដ្ឋានជាតិ

អាស្រ័យបានរដ្ឋវិនិយោគមូលដ្ឋានសម្ភារៈ និងបំពាក់គ្រឿងបរិក្ខារពេទ្យគ្រប់សព្វ ម្ល៉ោះហើយ ដំណាក់សុខាភិបាលឃុំគីមហ្វា ស្រុកកូវង៉ាង ខេត្តត្រាវិញ បានទទួលស្គាល់ជាដំណាក់សុខាភិបាលសម្រេចបទដ្ឋានជាតិអំពីសុខាភិបាលច្រើនឆ្នាំបន្តបន្ទាប់។

វេជ្ជបណ្ឌិតកំពុងពិនិត្យជំងឺជូនប្រជាជននៅដំណាក់សុខាភិបាលឃុំគីមហ្វា។

លោកថាច់ទ្រឿង-ថ ប្រធានដំណាក់សុខាភិបាលឃុំគីមហ្វា ឱ្យដឹង៖ “អនុវត្តសេចក្តីសម្រេចលេខ ១៣០០/QĐ-BYT ចុះថ្ងៃទី ០៩ ខែមីនា ឆ្នាំ ២០២៣ របស់ក្រសួងសុខាភិបាល បានដាក់ឱ្យប្រើប្រាស់ក្រមលក្ខឋានជាតិអំពីសុខាភិបាល រៀងរាល់ឆ្នាំដំណាក់សុខាភិបាលឃុំគីមហ្វា តែងកសាងផែនការអនុវត្តនិងរក្សាខ្ជាប់លក្ខឋានជាឃុំសម្រេចបទដ្ឋានជាតិអំពីសុខាភិបាល”។

កម្មាភិបាលដំណាក់សុខាភិបាលឃុំគីមហ្វា កំពុងណែនាំអ្នកម្តាយ
ពីរបៀបថែទាំសុខភាពកុមារ។

ដើម្បីរក្សាខ្ជាប់កិត្តិនាមជាឃុំសម្រេចបទដ្ឋានជាតិអំពីសុខាភិបាលឃុំបានអនុវត្តល្អនូវការងារបង្ការរោគឆ្លងរាលដាលដល់ប្រជាជន ឆ្នាំ ២០២៤ ដំណាក់សុខាភិបាលបានពិនិត្យជំងឺជូនប្រជាជន ៥.២៧៦ លើកនាក់; ចាក់ថ្នាំបង្ការឱ្យកុមារក្រោមអាយុ ១ ឆ្នាំសម្រេចជិត ៩៧%; ឱ្យកុមារអាយុពី៦- ៣៦ ខែ លេបវីតាមីន A បាន ៣៤៤/៣៥០ នាក់ សម្រេចជាង ៩៨%។ ការថែទាំសុខភាពបន្តពូជ ផែនការគ្រួសារ ថែទាំ អប់រំកុមារនិងកម្មវិធីសកម្មភាពផ្សេងៗដើម្បីកុមារត្រូវបានយកចិត្តទុកដាក់ជានិច្ច; អត្រាកុមារក្រោមអាយុ ៥ ឆ្នាំ ខ្វះអាហារូបត្ថម្ភថយចុះនៅ ៧,៥៣% សម្រេច ១០៧,៥៧% នៃសេចក្តីសម្រេចចិត្ត។ បង្កើតសំណុំលិខិតសុខភាព អេឡិចត្រូនិក មកទល់ពេលនេះបាន ១.២០៦/ ១.៣២៤ សម្រេច ៩១% នៃផែនការ។ ធ្វើការពិនិត្យ អនាម័យសុវត្ថិភាពចំណីអាហារចំពោះ ៤៤ គ្រួសារ ធ្វើអាជីវកម្មចំណីអាហារ និងសេវាកម្មហូបចុកលើភូមិសាស្ត្រ លទ្ធផលគ្មានករណីប្រព្រឹត្តល្មើស។ ក្រៅពីនេះ ការចលនាប្រជាជនចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាព លទ្ធផលមកទល់នឹងថ្ងៃ ២៨ ខែវិច្ឆិកា ឆ្នាំ ២០២៤ ឃុំគីមហ្វា មានអត្រាអ្នកចូលរួមធានារ៉ាប់រងសុខាភិបាល បើប្រៀបនឹងចំនួនប្រជាជនសម្រេច ១០៣,៣៧%; អត្រាប្រជាជនចូលរួមធានារ៉ាប់រងសង្គម សរុបក្នុងចំណោមពលករសម្រេចជាង២៦%; អត្រាចូលរួមធានារ៉ាប់រងនិកម្មភាព បើប្រៀបនឹងកម្លាំងពលករសម្រេចជាង ២៤%។ ពូសើុង សុផាន់ នៅភូមិផ្នោរព្រាម ឃុំគីមហ្វា ឱ្យដឹង៖ “ខ្ញុំពេញចិត្តនឹងអាកប្បកិរិយាបម្រើការងាររបស់គ្រូពេទ្យនៅទីនេះណាស់”។

លោកថាច់ទ្រឿង-ថ ប្រធានដំណាក់សុខាភិបាលឃុំគីមហ្វា ឱ្យដឹងបន្ថែម៖ “រៀងរាល់ឆ្នាំ ដំណាក់សុខាភិបាលឃុំគីមហ្វា ថែមទាំងកសាងផែនការលម្អិតអំពីការងារពិនិត្យព្យាបាលជំងឺទៀតផង។ ទន្ទឹមនឹងនោះ ធ្វើសេនាធិការជូនរដ្ឋអំណាចឃុំ ជំរុញការផ្សព្វផ្សាយអនាម័យបរិស្ថាន សុវត្ថិភាពចំណីអាហារហូបឆ្អិនផឹកឆ្អិន អនុវត្តល្អការងារបង្ការ បង្រា្កបរោគរាតត្បាតទៀតផង”៕

សើុងម៉ាល័យ- លីសៀ

ចែករំលែកអត្ថបទ

ពាក្យគន្លឹះ