ព្រឹត្តិការណ៍ - នយោបាយ ព្រឹត្តិការណ៍

25/11/2024 - 15:14

បូកសរុបការបង្រៀនអក្សរខ្មែរនិងចិន រដូវវិស្សមកាលឆ្នាំ២០២៤

រដូវវិស្សមកាលឆ្នាំ ២០២៤ ការិយាល័យជនជាតិស្រុក និងក្រុងកាម៉ាវ ខេត្តកាម៉ាវ រៀបចំទីតាំងបង្រៀនអក្សរខ្មែរ ២៣ កន្លែង ដោយមានគ្រូបង្រៀន ៣០ នាក់ បើកបង្រៀនបាន ៣៤ បន្ទប់ (ថ្នាក់ទី១ ចំនួន២៣បន្ទប់ ថ្នាក់ទី២ ចំនួន៩បន្ទប់ និងថ្នាក់ទី៣ចំនួន២ បន្ទប់) ដោយមានសិស្សចំនួន ៥៩៥ នាក់ និងទីតាំងបង្រៀនអក្សរចិន ១ កន្លែង ដោយមានគ្រូបង្រៀន ៧ នាក់ បើកថ្នាក់បង្រៀនបាន៩បន្ទប់ ដោយមានសិស្ស ៩៤ នាក់នៅស្រុកត្រឹងវ៉ាន់ថើយ ដឹមយើយ អ៊ូមិញ ថើយប៊ិញ និងក្រុងកាម៉ាវ។ ដោយឡែកចំពោះការបង្រៀននិងរៀនអក្សរចិននៅមជ្ឈមណ្ឌលយុកតាយ សង្កាត់២ ក្រុងកាម៉ាវ ថ្នាក់រៀនតែងរក្សាបានការបង្រៀនជាប្រចាំក្នុងរយៈពេល ៩ ខែ។ មូលដ្ឋានសម្ភារៈតែងធានាលក្ខណៈបង្រៀននិងរៀនតាមរយៈកម្មវិធីសិក្សារបស់ក្រសួងអប់រំនិងបណ្តុះបណ្តាល។

គណៈជនជាតិខេត្ត ជូនលិខិតសរសើរដល់សមូហភាពចំនួន ៣ ដែលមានស្នាដៃឆ្នើម
ក្នុងការចលនាផ្សព្វផ្សាយដល់កូនចៅជនរួមជាតិចូលរួមរៀនអក្សរខ្មែរ អក្សរចិនក្នុង
រដូវវិស្សមកាល។

គណៈជនជាតិខេត្ត បានឧបត្ថម្ភថវិកាដល់គ្រូបង្រៀន និងនៅតាមទីតាំងបង្រៀនអក្សរខ្មែរ អក្សរចិន តាមសេចក្តីកំណត់ ព្រមទាំងឧបត្ថម្ភសៀវភៅពុម្ព សៀវភៅសរសេរ ប៊ិច ដល់ប្អូនៗទៀតផង គិតជាទឹកប្រាក់សរុបជាង ៤០០ លានដុង។ ទន្ទឹមនឹងនោះ ដើម្បីលើកកម្ពស់មុខជំនាញវិជ្ជាជីវៈ គណៈជនជាតិខេត្ត បានសហការជាមួយសាកលវិទ្យាល័យត្រាវិញ រៀបចំបើកវគ្គហ្វឹកហ្វឺន បំពាក់បំប៉នបំណិនគរុកោសល្យដល់គ្រូបង្រៀនអក្សរខ្មែរ សម្រេចទិសដៅតាមខ្លឹមសារនៃផែនការដាក់ចេញ៕

យោង៖ កាសែតកាម៉ាវ -ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ