សុខភាព - អប់រំ សុខភាព

14/10/2024 - 16:12

បម្រើបានល្អការងារព្យាបាលជំងឺ

មន្ទីរពេទ្យយោធានិងប្រជាជនខេត្តបាកលីវ កំពុងខិតខំលើកកម្ពស់វិជ្ជាជីវៈនិងផ្លាស់ប្តូរអាកប្បកិរិយាបម្រើការដើម្បីអនុវត្តបានល្អនូវភារកិច្ចថែទាំសុខភាពជូនប្រជាជន។

វេជ្ជបណ្ឌិតមន្ទីរពេទ្យយោធានិងប្រជាជនខេត្តបាកលីវ ពិនិត្យជំងឺជូនប្រជាជន។

មន្ទីរពេទ្យយោធានិងប្រជាជនខេត្តបាកលីវ តែងជាចំណុចលេចធ្លោក្នុងការពិនិត្យព្យាបាលជំងឺជូនអ្នកជំងឺ ដោយមានអ្នកជំងឺមកពិនិត្យនិងព្យាបាលរាប់ពាន់នាក់។ ឆ្នាំ២០២៣ មន្ទីរពេទ្យបានធ្វើការពិនិត្យជំងឺដល់អ្នកជំងឺជាកងទ័ពជាង១.៥០០លើកនាក់ និងសម្រាកព្យាបាលជាង១៧៨ លើកនាក់; ពិនិត្យព្យាបាលជំងឺជូនប្រជាជនជាង២៨៥.៥០០លើកនាក់ និងសម្រាកព្យាបាលជាង១១.០០០លើកនាក់។ តាមប្រសាសន៍វរសេនីយ៍ឯកបម្រុង វេជ្ជបណ្ឌិត ម៉ាហុងអាញ នាយកមន្ទីរពេទ្យយោធានិងប្រជាជនខេត្តបាកលីវ៖ មន្ទីរពេទ្យទើបពង្រីកបន្ថែមផ្នែកវេជ្ជសាស្រ្តបុរាណ-ព្យាបាលដោយចលនា- ស្តារនីតិសម្បទាជូនកងទ័ពនិងប្រជាជន។ ចាប់ពីដើមឆ្នាំមកដល់ពេលនេះ ចំនួនអ្នកជំងឺជាកងទ័ពបានមកពិនិត្យព្យាបាលជំងឺ៥៩ករណី និងសម្រាកព្យាបាល៧ករណី; ចំណែកប្រជាជនបានពិនិត្យជំងឺជាង៨.១០០ករណី និងសម្រាកព្យាបាល៣៨០ករណី។ ពិសេស មន្ទីរពេទ្យអនុវត្តបានល្អការព្យាបាលរួមបញ្ចូលគ្នារវាងវេជ្ជសាស្រ្តបុរាណ និងសម័យវិនិយោគត្រូវតាមកម្រិត ត្រូវតាមប្រភេទសួនរុក្ខជាតិឱសថរបស់អង្គភាព។ វេជ្ជបណ្ឌិត ម៉ាហុងអាញ ឱ្យដឹង៖ “មន្ទីរពេទ្យបានអនុវត្តវិធីសាស្ត្រព្យាបាលគ្រួសក្នុងតម្រងនោមមានប្រសិទ្ធភាពខ្ពស់។ ឆ្លងតាមរយៈនោះ វិធីសាស្រ្តព្យាបាលដោយប្រើបច្ចេកទេសនេះមិនសូវរាតត្បាត បង្កលក្ខណៈថែរក្សាបានមុខងារ តម្រងនោមកម្រិតខ្ពស់បំផុត ជួយឱ្យអ្នកជំងឺជាសះស្បើយឆាប់រហ័ស អ្នកជំងឺអាចនឹងចុះពេទ្យបន្ទាប់ពី១ទៅ២ថ្ងៃ។ ឆ្នាំ២០២៤ មន្ទីរពេទ្យបានបើកទូលាយបន្ថែមពី១៥០គ្រែឡើង២៥០ គ្រែជំងឺ ដើម្បីបម្រើការព្យាបាលជំងឺឱ្យបានល្អប្រសើរ។

កម្មាភិបាលពេទ្យនៃមន្ទីរពេទ្យយោធានិងប្រជាជនខេត្តបាកលីវ ធ្វើការបរិច្ចាគឈាម។

ក្រៅពីពិនិត្យព្យាបាលជំងឺជូនកម្មាភិបាល យុទ្ធជនក្នុងកងកម្លាំងប្រដាប់អាវុធ មន្ទីរពេទ្យនៅទាំងអនុវត្តបានល្អការពិនិត្យព្យាបាលជំងឺជូនប្រជាជន ព្រមទាំងពិនិត្យជំងឺដោយប្រើប័ណ្ណធានារ៉ាប់រងទៀតផង។ បងស្រី ឡេធីបែបៃ នៅឃុំឡុងថាញ់ ស្រុកវិញឡើយ ឱ្យដឹង៖ “ខ្ញុំតែងតែជូនម្តាយមកពិនិត្យជំងឺនៅមន្ទីរពេទ្យ ឃើញវេជ្ជបណ្ឌិតនៅទីនេះ តែងយកអស់ពីចិត្តពិនិត្យព្យាបាលបានល្អ ចាត់ទុកអ្នកជំងឺដូចសាច់ញាតិ និងព្យាបាលមានប្រសិទ្ធភាព ម្ល៉ោះហើយគ្រួសារខ្ញុំស្ងប់ចិត្តក្រៃលែង”។ ចំណែកលោកសើុងឡុក នៅឃុំវិញត្រាច់ដុង ឱ្យដឹង ៖ “តាំងពីមុនមក ឮថាវេជ្ជបណ្ឌិតជាកងទ័ពព្យាបាលជំងឺ និងឱ្យថ្នាំផឹកពូកែ។ ក្រោយពីមកពិនិត្យជំងឺជាច្រើនលើក ខ្ញុំសង្កេតឃើញត្រឹមត្រូវណាស់ ពីព្រោះវេជ្ជបណ្ឌិត តែងសាកសួរពីស្ថានភាពជំងឺយ៉ាងស្និទ្ធស្នាល និងណែនាំយ៉ាងហ្មត់ចត់ពីរបៀបថែទាំសុខភាព បង្ការជំងឺសម្រាកនិងរបៀបផឹកថ្នាំជាដើម។

ក្រៅពីនោះ មន្ទីរពេទ្យយោធានិងប្រជាជនខេត្តបាកលីវ នៅទាំងសហការជាមួយមន្ទីរសុខាភិបាល ពិនិត្យជំងឺ និងផ្តល់ជូនឱសថដោយឥតគិតថ្លៃដល់ប្រជាជនទៀតផង។ ទន្ទឹមនឹងនោះ មន្ទីរពេទ្យក៏បានបង្កើតធនាគារឈាមដោយខ្លួនឯង ដើម្បីម្ចាស់ការបញ្ចូលឈាមជូនអ្នកជំងឺ។ ធនាគារឈាមនេះ ត្រូវបានកៀរគរស្តុកទុកលើរាងកាយរបស់គ្រូពេទ្យ វេជ្ជបណ្ឌិតនិងបុគ្គលិកពេទ្យដែលធ្វើការនៅមន្ទីរពេទ្យ។ ទង្វើនេះ សំដៅបម្រើបានល្អដល់ការព្យាបាលជំងឺនៅក្នុងមន្ទីរពេទ្យជំងឺធ្ងន់ ដើម្បីកាត់បន្ថយការហួសចំណុះដល់មន្ទីរពេទ្យថ្នាក់លើ៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ