មហាសាមគ្គីជនជាតិ ភូមិស្រុកផ្លាស់ថ្មី

23/09/2024 - 16:31

ចិញ្ចឹមសត្វល្មេចបន្ធាត់ក្នុងអាងកញ្ចក់ "ចំណេញខ្ពស់"

ជាមួយនឹងការចិញ្ចឹមសត្វល្មេច លើផ្ទៃដីចំនួន ៣.០០០ម២ បងដាំងឡុងហូ (អាយុ ៣០ ឆ្នាំ) នៅឃុំផុងថាញ់តី B ស្រុកភឿកឡុង ខេត្តបាកលីវ រកបានប្រាក់ចំណូលជិត ២ ពាន់លានដុងក្នុងមួយឆ្នាំ។

បងដាំងឡុងហូ បង្ហាញពីសត្វល្មេចពូជគុណភាពនៅនឹងមូលដ្ឋានរបស់គាត់។

បន្ទាប់ពីចិញ្ចឹមសត្វល្មេចបានជោគជ័យ ក្នុងអាងស៊ីម៉ងត៍ បងដាំងឡុងហូ បន្តសិក្សាស្រាវជ្រាវដើម្បីចិញ្ចឹមល្មេចបន្ធាត់ក្នុងអាងកញ្ចក់សម្រាប់ផ្គត់ផ្គង់ជាអាហារ។ មុនពេលដាក់ល្មេចចូលចិញ្ចឹម គាត់បានយកផ្លែចេកទុំនិងដើមចេកមកត្រាំក្នុងអាងពី ២-៤ សប្ដាហ៍។ បន្ទាប់មក លាងជម្រះអាង បញ្ចូលទឹកនិងប្រព្រឹត្តិកម្មទឹកឱ្យមានកម្រិត pH ប្រហែល ៧ អង្សា ទើបព្រលែងកូនពូជ។ បច្ចុប្បន្ន អាងស៊ីម៉ងត៍របស់បងមានចំនួន ៥០ អាង។ ដោយឡែកអាងកញ្ចក់មាន ១.០០០ អាង។ ក្នុងអាងមួយៗចិញ្ចឹមល្មេចត្រឹមតែ ១ ក្បាលសម្រាប់បន្ធាត់។ កម្រិតទឹកក្នុងអាងប្រហែល ១០ សង់ទីម៉ែត្រ ត្រូវបានដំឡើងប្រព័ន្ធ ផ្លាស់ប្ដូរទឹកសម្អាតអាងនិងប្រអប់ដាក់ចំណីដំណាលគ្នា។ សត្វល្មេចបន្តពូជត្រូវបានចិញ្ចឹមក្នុងអាងស៊ីម៉ងត៍ ចំណែកសត្វល្មេចចិញ្ចឹមបន្ធាត់សម្រាប់ផ្គត់ផ្គង់ជាអាហារត្រូវបានដាក់ក្នុងអាងកញ្ចក់។ ក្នុងអាងស៊ីម៉ងត៍ ចិញ្ចឹមជាលក្ខណៈប្រមូលផ្ដុំឬចិញ្ចឹមជាគូដោយព្រលែងមេ ៣ ក្បាល ឈ្មោល ១ ក្បាល ឱ្យនៅក្នុងអាងតែមួយដែលមានផ្ទៃពី ២-៤ម២។ ពេលសត្វល្មេចព្រលែងចិញ្ចឹមក្នុងអាងស៊ីម៉ងត៍សម្រេចទម្ងន់ប្រហែល ១ គីឡូក្រាម ខ្ញុំនឹងផ្លាស់ប្ដូរទៅចិញ្ចឹមក្នុងអាងកញ្ចក់ក្នុងអាងនីមួយៗគឺដាក់ល្មេច ១ ក្បាលសម្រាប់ចិញ្ចឹមបន្ធាត់” បងដាំងឡុងហូ បានបង្ហើបប្រាប់។ ពេលចិញ្ចឹមក្នុងអាងកញ្ចក់ ដាក់ចំណីកន្ទក់ឧស្សាហកម្ម (ប្រភេទប្រូតេអ៊ីន៤០%)។ ការចិញ្ចឹមប្រហែល ១ ឆ្នាំ ល្មេចមានទម្ងន់ពី ៧-៨ គីឡូក្រាមអាចលក់ជាសាច់បាន។ គុណសម្បត្តិចិញ្ចឹមក្នុងអាងកញ្ចក់ គឺងាយស្រួលសង្កេតថែទាំ កាត់បន្ថយអត្រាបង់ខាតគុណភាពសាច់ល្អជាងចិញ្ចឹមក្នុងអាងស៊ីម៉ងត៍។ បងដាំងឡុងហូ នៅទាំងស្រាវជ្រាវដោយជោគជ័យនូវប្រព័ន្ធផ្លាស់ទឹកនិងការផ្ដល់ចំណីដោយស្វ័យប្រវត្តិដើម្បីដំឡើងក្នុងអាងចិញ្ចឹម។ អាស្រ័យហេតុនោះ ជួយប្រិតសំចៃបានពេលវេលាថែទាំ។ សត្វល្មេចចិញ្ចឹមរយៈពេល ៣ ឆ្នាំកន្លះគឺអាចទុកបន្តពូជ។ សត្វល្មេចពង ៣ លើកក្នុងមួយឆ្នាំ ក្នុងមួយលើកមានពងពី ៨-១២ ពង។

ដើម្បីសត្វល្មេចពងបានល្អសម្រេចប្រសិទ្ធភាព ដំណាក់កាលជ្រើសពូជគឺសំខាន់ខ្លាំងណាស់ ជ្រើសរើសកូនណាមិនគមឥតពិការ មិនធាត់ពេក។ ជាពិសេស ដំណាក់កាលចិញ្ចឹមកូនពូជនិងចិញ្ចឹមសម្រាប់ផ្គត់ផ្គង់ជាអាហារគឺត្រូវមានរបៀបចិញ្ចឹមខុសគ្នា។ រៀងរាល់ឆ្នាំ បងហូលក់ កូនពូជពី ៣០.០០០ - ៤០.០០០ ក្បាល តម្លៃលក់ ៣៥០.០០០ ដុង/ក្បាល ល្មេចលក់ជាសាច់ ពី៤០០.០០០ - ៤៦០.០០០ ដុង/គីឡូក្រាម។ អាស្រ័យហេតុនោះ បងហូ រកបានប្រាក់ចំណូលជិត ២ ពាន់លានដុងក្នុងមួយឆ្នាំ។ បច្ចុប្បន្ន មូលដ្ឋានរបស់បងហូ កំពុងបានបំពេញឯកសារចាំបាច់ដើម្បីនាំសត្វល្មេចលក់ជាសាច់និងលក់ជាពូជទៅប្រទេសក្រៅ។ ក្នុងពេលខាងមុខ បងហូនឹងមានលិខិតបញ្ជាទិញដំបូងគេ គឺនាំចេញទៅប្រទេសជប៉ុន។

បងហូ នៅទាំងធ្វើការប្រមូលទិញល្មេចដើម្បីជំនួយប្រជាជនភូមិភាគមានច្រកចេញលំនឹងទៀតផង។ ក្រៅពីនោះ បងថែមទាំងជំនួយបច្ចេកទេសចិញ្ចឹមដល់យុវជនដែលចង់ផ្ដើមអាជីពពីការចិញ្ចឹមសត្វល្មេចជាដើម។ ក្រៅពីចិញ្ចឹមសត្វល្មេច បងហូ នៅទាំងចិញ្ចឹមសំពោចសម្រាប់លក់ពូជទៀតផង។ បច្ចុប្បន្ន បងកំពុងមានហ្វូងសំពោចពូជជាង ១០០ ក្បាល ដោយត្រៀមនាំចេញកូនពូជទៅកាន់ទីផ្សារ៕

កាសែតកឹងធើ - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ