សុខភាព - អប់រំ សុខភាព

16/09/2024 - 16:11

សក្តានុភាពប្រឆាំងជំងឺទឹកនោមផ្អែមនៃផ្លែមង្ឃុត

មានការសិក្សាស្រាវជ្រាវមួយបានចុះផ្សាយលើទស្សនាវដ្តីឱសថគីមី European Journal of Medicinal Chemistry Reports បានបង្ហាញពីសក្តានុភាពប្រឆាំងជំងឺទឹកនោមផ្អែមនៃផ្លែមង្ឃុត។ តាមរយៈនោះ សារធាតុ Xanthones - សមាសធាតុ Polyphenolic ធម្មជាតិ មានលក្ខណៈរូបវិទ្យា រួមមានលក្ខណៈប្រឆាំងអុកស៊ីតកម្ម ការរលាកនិងប្រឆាំងជំងឺមហារីក បច្ចុប្បន្នត្រូវបានរកឃើញថា មានលទ្ធភាពអាចប្រើជាវិធីព្យាបាលថ្មី ដើម្បីព្យាបាលជំងឺទឹកនោមផ្អែម។ គួរសម្គាល់ថា Garcinia mangostana ជាសារធាតុសកម្មដ៏សំខាន់នៅក្នុងផ្លែមង្ឃុត គឺជាប្រភពនៃសារធាតុ xanthones ដ៏សម្បូរបំផុត ដោយមានសារធាតុ xanthones ២ប្រភេទសំខាន់បំផុតនៅក្នុងផ្លែមង្ឃុត គឺ α-mangostin និងγ-mangostin នេះបើយោងតាមគេហទំព័រវេជ្ជសាស្ត្រ News Medical ។

ផ្លែមង្ឃុត។ រូបៈ លីយ៉ាង

ក្រុមអ្នកសិក្សាស្រាវជ្រាវបានកត់សម្គាល់ថា ប្រសិទ្ធភាពប្រឆាំងជំងឺទឹកនោមផ្អែមដ៏ខ្លាំងក្លានៃសារធាតុ xanthones ទាំង២ប្រភេទដែលមានក្នុងផ្លែមង្ឃុត។ ក្រុមអ្នកសិក្សាស្រាវជ្រាវក៏រកឃើញថា សមាសធាតុទាំងនេះ មានប្រសិទ្ធភាពបង្កើនភាពរំញោចអាំងស៊ុយលីនសម្រួលដល់ការវិវត្តនៃជាតិស្ករ និងការពារភាពតានតឹងអុកស៊ីតកម្មនិងការរលាក នេះបើតាមការលើកឡើងរបស់គេហទំព័រវេជ្ជសាស្ត្រ News Medical ។

វិបត្តិជាតិខ្លាញ់ក្នុងឈាមច្រើនកើតឡើង រួមជាមួយនឹងជំងឺទឹកនោមផ្អែម។ សារធាតុ Xanthones បានបង្ហាញពីប្រសិទ្ធភាពក្នុងការរក្សាកម្រិតជាតិខ្លាញ់ក្នុងឈាមធម្មតា ដោយវិធីសម្រួលដល់ការវិវត្ត lipid បង្ការអាការៈប្រែប្រួលនៃបេះដូង។ លើសពីនេះ សារធាតុ xanthones មានអត្ថប្រយោជន៍ក្នុងការធ្វើឱ្យប្រសើរឡើងជំងឺសរសៃប្រសាទ ជំងឺទឹកនោមផ្អែមនិងអាការៈប្រែប្រួលនៃតម្រងនោមដោយសារជំងឺទឹកនោមផ្អែម អាស្រ័យឥទ្ធិពលការពារប្រព័ន្ធសរសៃប្រសាទនិងការការពារតម្រងនោមរបស់វា។

លទ្ធផលទាំងនេះបញ្ជាក់ឱ្យឃើញថា ការផ្សំសារធាតុ xanthone ជាមួយនឹងការព្យាបាលជំងឺទឹកនោមផ្អែមបែបបុរាណ ដូចជាថ្នាំអាំងស៊ុយលីន ឬថ្នាំជំងឺទឹកនោមផ្អែម អាចជួយគ្រប់គ្រងជាតិស្ករក្នុងឈាមបានល្អប្រសើរនិងបង្ការអាការៈប្រែប្រួលនៃជំងឺ។

ចំពោះអាការៈប្រែប្រួលនៃជំងឺតម្រងនោម៖ ចម្រាញ់ចេញពីទឹក Phenolic នៃផ្លែមង្ឃុត ក៏បានបង្ហាញពីប្រសិទ្ធភាពគួរឱ្យកត់សម្គាល់ក្នុងការកាត់បន្ថយអាការៈមិនទទួលយកជាតិស្ករ វិបត្តិក្នុងការដុតរំលាយអាហារក្នុងរាងកាយ ប៉ះពាល់ដល់តម្រងនោមដែលទាក់ទងនឹងស្ត្រេសអុកស៊ីតកម្ម និងមានការស្លាប់កោសិកាជាដើម។

ជំងឺរលាកបាតភ្នែកដោយសារទឹកនោមផ្អែម គឺជាការប្រែប្រួលធ្ងន់ធ្ងរចំពោះភ្នែកអ្នកជំងឺទឹកនោមផ្អែម។ ការសិក្សាស្រាវជ្រាវបានរកឃើញ ការបំពេញបន្ថែម alpha-mangostin មានប្រសិទ្ធភាពក្នុងការធ្វើឱ្យប្រសើរឡើងនៃជំងឺរលាកបាតភ្នែកដោយសារទឹកនោមផ្អែម។

ជំងឺសរសៃប្រសាទដោយសារទឹកនោមផ្អែម ត្រូវបានកត់សម្គាល់ដោយលក្ខណៈធ្វើឱ្យស្ពឹកនិងឈឺចាប់នៅអវយវៈខាងក្រោម ដែលតែងតែមានប្រមាណ៥០% លើអ្នកជំងឺទឹកនោមផ្អែម។ សារធាតុ Xanthone ក៏មានឥទ្ធិពលល្អចំពោះជំងឺសរសៃប្រសាទដែលបណ្ដាលមកពីទឹកនោមផ្អែមផងដែរ៕

ប្រភពៈ News Medical - មេងលី

ចែករំលែកអត្ថបទ

ពាក្យគន្លឹះ