ព្រឹត្តិការណ៍ - នយោបាយ ព្រឹត្តិការណ៍

17/06/2024 - 16:42

រដ្ឋសភា ផ្ដោតការយកចិត្តទុកដាក់ដល់ការងារជនជាតិ

សម័យប្រជុំលើកទី ៧ រដ្ឋសភានីតិកាលទី XV បានប្រព្រឹត្តឡើងចាប់ពីថ្ងៃទី ២០ ខែឧសភាដល់ថ្ងៃទី ២៨ ខែមិថុនា មានអត្ថន័យដ៏សំខាន់ទាំងការងារនីតិប្បញ្ញត្តិ ការឃ្លាំមើលកំពូល និងអនុម័តិនូវបញ្ហាសំខាន់ៗចំនួនរបស់ប្រទេសជាតិ។ ក្នុងនោះ រដ្ឋសភាបន្តយកចិត្តទុកដាក់ដល់ការងារជនជាតិ ពិសេសគឺការពិនិត្យផ្ទៀងផ្ទាត់ កែតម្រូវគោលការណ៍វិនិយោគកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១- ២០៣០ (កម្មវិធីទិសដៅជាតិ ១៧១៩)។

រដ្ឋសភាស្តាប់ការធ្វើរបាយការណ៍ អំពីកែតម្រូវគោលការណ៍វិនិយោគកម្មវិធីទិសដៅជាតិ ១៧១៩ អាស្រ័យដោយរដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន អនុវត្តតាមការប្រគល់សិទ្ធិរបស់នាយករដ្ឋមន្ត្រីនៃរដ្ឋាភិបាល។

ក្នុងក្របខ័ណ្ឌនៃកិច្ចប្រជុំ អនុវត្តតាមការប្រគល់សិទ្ធិរបស់នាយករដ្ឋមន្ត្រីនៃរដ្ឋាភិបាល របាយការណ៍អំពីការកែតម្រូវគោលការណ៍វិនិយោគកម្មវិធីទិសដៅជាតិ ១៧១៩ ដល់រដ្ឋសភា រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន គូសបញ្ជាក់៖ កម្មវិធីបានផ្តល់សច្ចានុម័តិ កែតម្រូវនឹងមានផលប៉ះពាល់ជាវិជ្ជមានដល់ការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ រួមចំណែកជម្នះការលំបាក បញ្ហាជាប់ជំពាក់នាបច្ចុប្បន្ន និងបង្កលក្ខណៈរំសាយថវិកាត្រូវតាមកំណត់។ ការកែតម្រូវគោលការណ៍ មិនបង្កើនកម្រិតវិនិយោគសរុប និងរចនាសម្ព័ន្ធដើមទុនដែលរដ្ឋសភាបានផ្តល់សច្ចានុម័តិឡើយ ធានាសម្រេចទិសដៅ សមស្របជាមួយនឹងតម្រូវការនិងស្ថានភាពជាក់ស្តែងរបស់ភូមិភាគនីមួយៗ។

ពិនិត្យបញ្ជាក់របាយការណ៍របស់រដ្ឋាភិបាលអំពីសំណើនេះ ប្រធានក្រុមប្រឹក្សាជនជាតិ អីថាញហាណេក្តាំ ឱ្យដឹង៖ ឯកសារដែលរដ្ឋាភិបាលដាក់ជូនរដ្ឋសភាស្នើកែតម្រូវ គោលការណ៍វិនិយោគកម្មវិធី ធានាគ្រប់សព្វទាំងបរិមាណ និងបញ្ជីឈ្មោះត្រូវតាមសេចក្តីកំណត់ និងត្រូវតាមសមត្ថកិច្ច គ្រប់លក្ខណៈដើម្បីលើកជូនរដ្ឋសភាពិនិត្យផ្ទៀងផ្ទាត់។ ដើម្បីពន្លឿនល្បឿនការងារនិងសម្រេចកម្មវិធីក្នុងបរិការណ៍ពេលវេលាអនុវត្តនៅតិចតួចនេះ ក្រុមប្រឹក្សាជនជាតិបានឯកភាពអំពីគោលការណ៍កែតម្រូវខ្លឹមសារមួយចំនួន ទាក់ទងនឹងគោលការណ៍វិនិយោគកម្មវិធី ដូច សំណើរបស់រដ្ឋាភិបាល ដើម្បីធានាមូលដ្ឋានគតិយុត្តិកាន់តែច្បាស់លាស់សម្រាប់ការអនុវត្ត។

ពិភាក្សានៅក្នុងក្រុមអំពីបញ្ហានេះ អ្នកតំណាងទាំងឡាយអំណះអំណាងកម្មវិធីទិសដៅជាតិ ១៧១៩ គឺជាគោលការណ៍ គោលនយោបាយធំរបស់បក្សនិងរដ្ឋ។ ក្រោយពីជាង ៣ ឆ្នាំអនុវត្ត បានរួមចំណែកកាត់បន្ថយភាពក្រីក្រយ៉ាងឆាប់រហ័ស ចីរភាព កាត់បន្ថយគម្លាតអំពីកម្រិតរស់នៅប្រាក់ចំណូលរបស់តំបន់ជនជាតិភាគតិច និងតំបន់ភ្នំ បើប្រៀបនឹងមធ្យមភាគរួមនៃទូទាំងប្រទេស។ល។ ថ្វីដ្បិតដូច្នេះក្តី ក្នុងដំណើរការរៀបចំផ្សព្វផ្សាយ អនុវត្តបានកើតឡើងនូវការលំបាក និងបញ្ហាជាប់ជំពាក់មួយចំនួន រងផលប៉ះពាល់ដល់ល្បឿនរំសាយថវិកា និងលទ្ធផលអនុវត្តកម្មវិធីផងដែរ។ អ្នកតំណាងទាំងឡាយ បានយល់ព្រមចំពោះការចាំបាច់កែតម្រូវគោលការណ៍ វិនិយោគកម្មវិធី៕

យោង៖ គណៈកម្មាធិការជនជាតិ-វិមាន

ចែករំលែកអត្ថបទ

ពាក្យគន្លឹះ