ព្រឹត្តិការណ៍ - នយោបាយ ព្រឹត្តិការណ៍

08/04/2024 - 17:00

ទទួលស្គាល់វត្តឥន្ទកោសិយសិរីឡាបាច ជាពុទ្ធសាសនាទក្ខិណនិកាយខ្មែរ

គណៈអភិបាលសមាគមពុទ្ធសាសនាវៀតណាមខេត្តសុកត្រាំង បានប្រកាសសេចក្តីសម្រេចទទួលស្គាល់វត្តឥន្ទកោសិយសិរីឡាបាច ស្ថិតនៅភូមិណាមហាយ ឃុំដាយហាយ ស្រុកកេសាច់ គឺជាមូលដ្ឋានសមាគមពុទ្ធសាសនាវៀតណាម ចំណុះប្រព័ន្ធគ្រប់គ្រងនៃគណៈអភិបាលសមាគមពុទ្ធសាសនាវៀតណាមខេត្តសុកត្រាំង។

ព្រះឧបជ្ឈាយ៍ តាំងណោ ប្រធានគណៈអភិបាលពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង ប្រទានសេចក្តីសម្រេចទទួលស្គាល់វត្តឥន្ទកោសិយសិរីឡាបាចដល់ព្រះចៅអធិការវត្ត។

យោងតាមសេចក្តីសម្រេចលេខ ០៥៣/QĐ/BTS-TS របស់គណៈអភិបាលពុទ្ធសាសនាវៀតណាមខេត្តសុកត្រាំង ចុះថ្ងៃ២៧ ខែកក្កដា ឆ្នាំ២០២៣ ទទួលស្គាល់វត្តឥន្ទកោសិយសិរីឡាបាច គឺជាមូលដ្ឋានរបស់សមាគមពុទ្ធសាសនាវៀតណាម ដូច្នេះ បង្កើនចំនួនវត្តទក្ខិណនិកាយខ្មែរលើភូមិសាស្ត្រខេត្តសុកត្រាំងសរុប៩៣វត្ត។ វត្តឥន្ទកោសិយសិរីឡាបាច មុននឹងទទួលស្គាល់ទីតាំងនេះគឺជាសាលាឆទាន ត្រូវបានកសាងតាមបែបស្ថាបត្យកម្មវប្បធម៌ខ្មែរ ស្ថិតក្នុងបរិវេណប្រមាណ៣.០០០ម៉ែត្រការ៉េ។ ម្យ៉ាងទៀត ប្រជុំស្ថាបត្យកម្មក្នុងវត្ត រួមមាន៖ ព្រះវិហារ សាលាឆទាន សមណៈ កុដិ ៘ គឺជាកន្លែងសម្រាប់ព្រះសង្ឃនិងពុទ្ធបរិស័ទក្នុងភូមិស្រុក ងាយស្រួលក្នុងការប្រារព្ធធ្វើបុណ្យទានផ្សេងៗរបស់ជនរួមជាតិខ្មែរ៕

លីធាន- លីសៀ

ចែករំលែកអត្ថបទ

ពាក្យគន្លឹះ