ព្រឹត្តិការណ៍ - នយោបាយ ព្រឹត្តិការណ៍

18/03/2024 - 08:58

បើកការដ្ឋានសាងសង់ផ្ទះមហាសាមគ្គី១០០ខ្នង

គណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុងកឹងធើ ទើបធ្វើពិធីបើកការដ្ឋានសាងសង់ផ្ទះមហាសាមគ្គី ១០០ ខ្នង ជូនគ្រួសារក្រីក្រលើភូមិសាស្រ្តក្រុង។ ពិធីនេះ ត្រូវបានធ្វើឡើងនៅផ្ទះលោកពូលីវកេត ភូមិថើយធ្វឹង ទីប្រជុំជនថើយឡាយ ស្រុកថើយឡាយ។

តំណាងថ្នាក់ដឹកនាំ ធ្វើពិធីចុះគ្រឹះបើកការដ្ឋានសាងសង់ផ្ទះមហាសាមគ្គី។

នាឱកាសបើកការដ្ឋានសាងសង់ គណៈនាយកធានាគារពាណិជ្ជកម្មក្រៅប្រទេសនៃវៀតណាម-សាខាកឹងធើ ឧបត្ថម្ភ១ពាន់លាងដុងសម្រាប់សាងសង់ផ្ទះមហាសាមគ្គី២០ខ្នង ជូនគ្រួសារក្រីក្រលើភូមិសាស្រ្តក្រុង ក្នុងមួយខ្នងៗតម្លៃ៥០លានដុង។ គណៈចលនាមូលនិធិដើម្បីអ្នកក្រក្រុង បានសម្រេច បែងចែកប្រភពថវិកាឧបត្ថម្ភសាងសង់ផ្ទះមហាសាមគ្គីចំនួន ២០ ខ្នង ដល់គ្រួសារក្រីក្រដែលមានតម្រូវការចាំបាច់ខាងផ្ទះសម្បែងនៅស្រុកថើយឡាយនិងខណ្ឌថូកណូក។

ជាក់ស្ដែងនៃការអបអរសាទរមហាសន្និបាតតំណាងរណសិរ្សមាតុភូមិវៀតណាមក្រុង អាណត្តិកាល ២០២៤-២០២៩ គណៈកម្មាធិការរណសិរ្សមាតុភូមិវៀតណាមក្រុង គណៈចលនាមូលនិធិដើម្បីអ្នកក្រក្រុង បានឧបត្ថម្ភដល់មូលដ្ឋាននានាដើម្បីសាងសង់ផ្ទះមហាសាមគ្គី១០០ខ្នង។ ជាក់ស្ដែង ខណ្ឌនិញកេវ និងស្រុកវិញថាញ់ ក្នុងនោះ ខណ្ឌ ស្រុកនីមួយៗទទួលបាន១៥ខ្នង; ខណ្ឌកៃរុាំង ស្រុកកើ-ដ និងស្រុកផុងដៀង ក្នុងនោះ ខណ្ឌ ស្រុកនីមួយៗទទួលបាន១០ខ្នង៕

វ៉ាន់ទ្រៀង - ពេជ្រសឿន

ចែករំលែកអត្ថបទ

ពាក្យគន្លឹះ