វប្បធម៌-សិល្បៈ វប្បធម៌

19/10/2023 - 17:29

ថែរក្សាភូមិរបរប្រវេណីរបស់ជនរួមជាតិខ្មែរ

ភូមិរបរប្រវេណីរបស់ជនរួមជាតិខ្មែរនៅឃុំភូតឹង ស្រុកចូវថាញ់ ខេត្តសុកត្រាំង ត្រូវបានរក្សាមក ជាច្រើនជំនាន់។ បច្ចុប្បន្ន គុណភាពផលិតផលរបស់ភូមិរបរបានកើនឡើងពីមួយថ្ងៃទៅមួយថ្ងៃ រួមចំណែកបង្កើនប្រាក់ចំណូល លំនឹងជីវភាពរបស់ប្រជាជន។

មានផលិតផលសិប្បវិចិត្រកម្មជាច្រើនត្រូវបានសហករណ៍ប្រមូលទិញ
ពីភូមិរបរប្រវេណីនៅឃុំភូមិភូតឹង។

អាស្រ័យប្រកបមុខរបរត្បាញបន្ទោះ ទើបប្ដីប្រពន្ធលោកលីហេនរក
បានប្រាក់ចំណូលលំនឹងសម្រាប់ផ្គត់ផ្គង់ជីវភាព។

បច្ចុប្បន្ន មានគ្រួសារជាច្រើនបានផ្សារភ្ជាប់នឹងមុខរបរត្បាញបន្ទោះនេះជាច្រើនជំនាន់មកហើយ។ សព្វថ្ងៃ ទោះបីប្រជាជនមាននិន្នាការប្រើប្រាស់របស់របរធ្វើអំពីជ័រ ប៉ុន្តែមាមីងជនរួមជាតិខ្មែរនៅតែផ្សារភ្ជាប់នឹងមុខរបរត្បាញបន្ទោះ ដែលបានបង្ហាត់បង្រៀន បន្តពីជំនាន់មួយទៅជំនាន់មួយ។ បងគឹមង្វៀង នៅភូមិភឿកក្វើយ ឱ្យដឹង៖ “គ្រួសារខ្ញុំប្រកបមុខរបរត្បាញបន្ទោះនេះ៣ជំនាន់មកហើយ ហេតុនេះនៅជុំវិញផ្ទះដាំសុទ្ធតែឫស្សី ពកសម្រាប់ ត្បាញកញ្ជើ កញ្ឆេ កៅអី គ្រែ។ល។ លក់តាមការបញ្ជាទិញរបស់ឈ្មួញនិងមាមីងខ្មែរ។ មុខរបរត្បាញបន្ទោះ បានជួយគ្រួសារខ្ញុំរកបានប្រាក់ចំណូល និងមានជីវភាពលំនឹង”។ ចំណែកលោកលីហេន នៅភូមិភឿកក្វើយ ឱ្យដឹង៖ “គ្រួសារខ្ញុំប្រកបមុខរបរត្បាញកញ្ជើ កញ្ឆេ បង្គី ល្អី ២ជំនាន់មកដែរ។ល។ ដើម្បីត្បាញបានផលិតផលនីមួយៗ គឺត្រូវពុះឫស្សី ពកជាចម្រៀកតូចៗ បិតរំលីង ហាលឱ្យស្ងួត។ល។ ម្ល៉ោះហើយ មានការនឿយហត់ខ្លាំងណាស់។ ការត្បាញទៀតសោតត្រូវតែផ្ចិតផ្ចង់ទើបសម្រេចបានផលិតផលល្អ ប្រើប្រាស់បានយូរនិងលក់បានថ្លៃខ្ពស់។ ផលិតផលនីមួយៗលក់ក្នុងតម្លៃខុសៗគ្នា មធ្យមភាគមានតម្លៃចាប់ពី៤០.០០០ដុងដល់៥០.០០០ដុង/ផលិតផល។ ដោយឡែកតុកៅអី គ្រែ អង្រឹង។ល។ មានតម្លៃចាប់ពី១០០.០០០ដុងឡើង។ ប្ដីប្រពន្ធខ្ញុំមានវ័យ ចំណាស់ អាស្រ័យមានមុខរបរត្បាញបន្ទោះ ទើបរកបានប្រាក់ចំណូលសម្រាប់ផ្គត់ផ្គង់ជីវភាព”។

ជាច្រើនឆ្នាំមកនេះ ផលិតផលរបស់ភូមិរបរក្រៅពីលក់តាមលិខិតបញ្ជាទិញរបស់ឈ្មួញ គឺមាមីងខ្មែរដឹកទៅលក់នៅគ្រប់ស្រុក ទីរួមខេត្តនិងក្រុងក្នុងខេត្ត។ ព្រោះតែលំបាកក្នុងការរកច្រកចេញសម្រាប់ផលិតផល ម្ល៉ោះហើយមានគ្រួសារមួយចំនួនបានបោះបង់មុខរបរត្បាញបន្ទោះទៅធ្វើការក្រុមហ៊ុននៅក្នុងនិងក្រៅខេត្ត ដើម្បីគិតគូរជីវភាព។ ឆ្នាំ២០២២ សហករណ៍ត្បាញបន្ទោះដឹកភឿងណាមបានបង្កើតឡើង ទាក់ទាញសមាជិកចូលរួមជិត៣០នាក់។ សហករណ៍ផ្គត់ផ្គង់វត្ថុធាតុដើម ប្រមូលទិញផលិតផលរបស់ប្រជាជន ម្ល៉ោះហើយ បង្កជំហានអភិវឌ្ឍន៍ថ្មីជូនភូមិរបរប្រវេណីរបស់ឃុំភូតឹង។

លោកត្រឿងដាក់ផាប ប្រធានគណៈកម្មាធិការប្រជាជនឃុំភូតឹង ឱ្យដឹង៖ “ទន្ទឹមនឹងប្រមូលទិញផលិតផលប្រវេណីរបស់ភូមិរបរ សហករណ៍នៅទាំងប្រមូលទិញផលិតផលសិប្បវិចិត្រកម្មជាង៥០០ផលិតផលដែលធ្វើអំពីឫស្សី ពក ម្ល៉ោះហើយ ជួយមាមីងខ្មែរបង្កើនប្រាក់ចំណូល។ បច្ចុប្បន្ន សហករណ៍ទើបតែកសាងសម្រេចអាគារដាក់តាំងផលិតផលសិប្បវិចិត្រកម្មរបស់ភូមិរបរ សម្រាប់ភ្ញៀវមកទស្សនា ទិញផលិតផល។ ដើម្បីថែរក្សាភូមិរបរប្រវេណីរបស់ជនជាតិ ជួយមាមីងខ្មែរបង្កើនប្រាក់ចំណូល ស្រុកចូវថាញ់បានកសាងគម្រោងអភិរក្ស ពង្រីកតម្លៃវប្បធម៌ពិសេសរបស់ភូមិរបរប្រវេណីផ្សារភ្ជាប់នឹងការអភិវឌ្ឍទេសចរណ៍។ នេះជាឱកាសសម្រាប់ផ្សព្វផ្សាយភូមិរបរពិសេសរបស់ជនរួមជាតិខ្មែរ; បង្កចំណុចសម្គាល់ក្នុងការទាក់ទាញភ្ញៀវទេសចរណ៍មកទស្សនានិងស្វែងយល់ពីដំណាក់ការនៃការត្បាញបានផលិតផលនីមួយៗរបស់ភូមិរបរ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ