ព្រឹត្តិការណ៍ - នយោបាយ ព្រឹត្តិការណ៍

09/10/2023 - 16:00

សុកត្រាំង:

ឃោសនា ផ្សព្វផ្សាយអំពីការប្រើប្រាស់ បច្ចេកវិទ្យាព័ត៌មានដល់អ្នកមានប្រជាប្រិយ

គណៈជនជាតិខេត្តសុកត្រាំង ទើបសហការជាមួយស្រុក ទីរួមខេត្ត និងក្រុងនានា រៀបចំកិច្ចប្រជុំហ្វឹកហ្វឺនអំពីការបណ្តុះបណ្តាល ឃោសនា ផ្សព្វផ្សាយលើកកម្ពស់ការយល់ដឹងអំពីការប្រើប្រាស់បច្ចេកវិទ្យាព័ត៌មាន ដល់អ្នកមានប្រជាប្រិយក្នុងជនរួមជាតិភាគតិច ចំនួន ៣៥៦រូប។

ទិដ្ឋភាពនៃកិច្ចប្រជុំ។

ក្នុងវគ្គហ្វឹកហ្វឺន អ្នកតំណាងទាំងឡាយនឹងបានស្តាប់ឃោសនិកលើកឡើងអំពីខ្លឹមសារសំខាន់ៗ ដូចជា៖ ការបញ្ជ្រាប ផ្សព្វផ្សាយពីខ្លឹមសារនៃសេចក្តីសម្រេចលេខ ០៧-NQ/TU ចុះថ្ងៃទី ២៧/១០/២០២១ របស់គណៈប្រតិបត្តិការ បក្ខភាគខេត្តសុកត្រាំង នីតិកាល ១៤ ស្តីពីការផ្លាស់ប្តូរឌីជីថលខេត្តសុកត្រាំងដល់ឆ្នាំ ២០២៥ កំណត់ទិសដៅដល់ឆ្នាំ ២០៣០; ការបញ្ជ្រាប ផ្សព្វផ្សាយពីខ្លឹមសារនៃការប្រើប្រាស់បច្ចេកវិទ្យាព័ត៌មាន ឧបត្ថម្ភជនរួមជាតិភាគតិចអភិវឌ្ឍសេដ្ឋកិច្ច-សង្គម; ណែនាំប្រើប្រាស់ឧបករណ៍ បច្ចេកវិជ្ជាមូលដ្ឋាន កុំព្យួទ័រ ថេប្លេត ទូរស័ព្ទឆ្លាតវៃ; ណែនាំរបៀបដំឡើងនិងប្រើប្រាស់កម្មវិធីពលរដ្ឋឌីជីថល; ណែនាំ ស្វែងរកនិងទាញយកព័ត៌មានលើប្រព័ន្ធច្រកទ្វារព័ត៌មានអេឡិចត្រូនិក កាសែត វិទ្យុរបស់ខេត្ត ជួយដល់ជនរួមជាតិភាគតិចបានបង្ខិតជិតគោលការណ៍ ទស្សនៈរបស់បក្ស គោលនយោបាយ ច្បាប់របស់រដ្ឋ; ព័ត៌មានវិទ្យាសាស្ត្របច្ចេកវិទ្យា; ណែនាំចុះឈ្មោះគណនី ស្វែងរកសេវាកម្មសាធារណៈនិងប្រើប្រាស់សេវាកម្មកម្រិត ២ កម្រិត ៣ និងកម្រិត ៤ របស់ខេត្តស្រុក ឃុំ; ផ្សព្វផ្សាយចំណេះដឹងអំពីពាណិជ្ជកម្មអេឡិចត្រូនិក ណែនាំចុះឈ្មោះល្វែងដាក់លក់ទំនិញ ជួញដូរផលិតផលលើទីផ្សារដោះដូរ ពាណិជ្ជកម្មអេឡិចត្រូនិកជាដើម៕

លីធាន-មុនី

ចែករំលែកអត្ថបទ

ពាក្យគន្លឹះ