សុខភាព - អប់រំ សុខភាព

18/09/2023 - 14:06

ដំណាក់សុខាភិបាលឃុំដុងប៊ិញ

ដំណាក់សុខាភិបាលឃុំដុងប៊ិញ ទីរួមខេត្តប៊ិញមិញ ខេត្តវិញឡុង ត្រូវបានកសាងថ្មីក្បែរដងផ្លូវប្រសព្វមុខគ្នារវាងដងផ្លូវធំចូលទៅមជ្ឈមណ្ឌលឃុំនិងផ្លូវចូលភូមិអង្គុលី១ អង្គុលី២-តំបន់ដែលមានជនរួមជាតិខ្មែររស់នៅកុះករ។

ដំណាក់សុខាភិបាលឃុំដុងប៊ិញរឹងមាំ ស្អាតបាតផ្តល់ការចាប់អារម្មណ៍
ដល់អ្នកជំងឺពេលមកពិនិត្យជំងឺ។

តាមប្រសាសន៍លោកស្រីង្វៀងធីថា ប្រធានគណៈកម្មាធិការប្រជាជនឃុំដុងប៊ិញ ឃុំមានជនរួមជាតិខ្មែររស់នៅច្រើនកុះករបំផុតនៃទីរួមខេត្ត ម្ល៉ោះហើយ ក្នុងការអនុវត្តកម្មវិធី គម្រោងផ្សេងៗ ភូមិភាគតែងយកចិត្តទុកដាក់គួបផ្សំនឹងគោលនយោបាយអនុគ្រោះដាច់ដោយឡែកដើម្បីសម្រេចបានលទ្ធផលកាន់តែខ្ពស់។ ក្នុងនោះ ផ្តោតទៅលើការថែទាំសុខភាពបឋមជូនប្រជាជននិយាយរួមនិងមាមីងជនជាតិភាគតិចនិយាយដោយឡែក។ អាស្រ័យហេតុនោះ ដំណាក់សុខាភិបាល គឺជាសំណង់មួយក្នុងចំណោមសំណង់ទាំងឡាយដែលកសាងសម្រេចដំបូងបង្អស់ក្នុងចង្កោមនៃសំណង់ហេដ្ឋារចនាសម្ព័ន្ធរបស់ឃុំ។

វេជ្ជបណ្ឌិតតូយ៉ាលិញ ប្រធានដំណាក់សុខាភិបាលឃុំដុងប៊ិញ ឱ្យដឹង៖ “អាស្រ័យបានភូមិភាគយកចិត្តទុកដាក់ ទើបដំណាក់កាលកសាងលក្ខឋានបទដ្ឋានជាតិរបស់ដំណាក់សុខាភិបាលមានភាពងាយស្រួលច្រើន។ តួយ៉ាង ដូចការស្នើឡើងថ្នាក់លើបែងចែកលក្ខឋានដើម្បីធានាមានបុគ្គលិកទទួលបន្ទុកការងារបម្រុង ឱសថ សម្ភព ពេទ្យបុរាណ។ល។ ពិសេស គឺការចាត់បុគ្គលិក២នាក់ជាជនជាតិខ្មែរ ដើម្បីដំណាក់សុខាភិបាលដំណើរការមានប្រសិទ្ធភាពជាង ខណៈអនុវត្តនូវកម្មវិធីសុខាភិបាលជាតិក្នុងតំបន់ជនជាតិ”។

ដោយការយកចិត្តទុកដាក់វិនិយោគព្រមៗគ្នា អំពីមូលដ្ឋានសម្ភារៈនិងធនធានមនុស្ស ដូច្នេះនៅពេលមូលដ្ឋានសម្ភារៈថ្មីសម្រេចរួចរាល់និងត្រូវបានដាក់ឱ្យប្រើប្រាស់ ដំណាក់សុខាភិបាលឃុំដុងប៊ិញ ក៏បានសម្រេចបទដ្ឋានជាតិ។ បច្ចុប្បន្ន ដំណាក់កំពុងឆ្ពោះទៅរកទិសដៅលើកកម្ពស់គុណភាពថែទាំសុខភាពជូនប្រជាជន។ វេជ្ជបណ្ឌិតតូយ៉ាលិញ ឱ្យដឹងបន្ថែម៖ “ក្រៅពីអនុវត្តល្អនូវកម្មវិធីសុខាភិបាលជាតិ ដំណាក់ថែមទាំងចាត់កម្មាភិបាល បុគ្គលិកពេទ្យ ច្បាមភូមិភាគ ដើម្បីផ្សព្វផ្សាយចលនាមាមីងអនុវត្តនូវការបង្ការប្រភេទជំងឺឆ្លងរាលដាលផ្សេងៗ។ យកចិត្តទុកដាក់បង្ការជំងឺគ្រុនឈាមក្នុងរដូវភ្លៀងជោកជាំដូចបច្ចុប្បន្ននេះ”។

ទន្ទឹមនឹងជំរុញការងារផ្សព្វផ្សាយដើម្បីបង្ការជំងឺ បុគ្គលិកថែមទាំងអនុវត្តល្អការងារពិនិត្យព្យាបាលជំងឺបឋមជូនប្រជាជនទៀតផង។ បងស្រីសើុងធីមិញ នៅភូមិអង្គុលី ឱ្យដឹង៖ “ថ្ងៃដែលខ្ញុំវិលមុខចូលទៅដំណាក់សុខាភិបាលទើបដឹងថាខ្លួនមានសម្ពាធឈាមខ្ពស់។ ក្រោយពីបានគ្រូពេទ្យក្នុងដំណាក់ពិនិត្យជំងឺ និងផ្តល់ពិគ្រោះ ខ្ញុំយល់ច្បាស់ពីជំងឺនេះ មិនត្រូវធ្វេសប្រហែសនឹងសុខភាពខ្លួនឯងដូចមុនទៀត ប៉ុន្តែ ក៏មិនត្រូវព្រួយបារម្ភរួចហើយទៅព្យាបាលនៅកន្លែងផ្សេងទៀតដែរ”៕

ហាថាញ-លីសៀ

ចែករំលែកអត្ថបទ

ពាក្យគន្លឹះ