ព្រឹត្តិការណ៍ - នយោបាយ ព្រឹត្តិការណ៍

21/08/2023 - 17:03

គណៈកម្មាធិការអចិន្ត្រៃយ៍នៃរដ្ឋសភា រៀបចំកិច្ចប្រជុំលើកទី២៥

ប្រធានរដ្ឋសភា វឿងឌិញហ្វែ ទើបដឹកនាំកិច្ចប្រជុំលើកទី២៥របស់គណៈកម្មាធិការអចិន្ត្រៃយ៍នៃរដ្ឋសភា តាមរយៈប្រព័ន្ធអនឡាញ។ នេះគឺជាកិច្ចប្រជុំមួយក្នុងចំណោមកិច្ចប្រជុំដែលមានបរិមាណខ្លឹមសារច្រើនបំផុត ចាប់ពីដើមឆ្នាំមកទល់ពេលនេះ ដើម្បីត្រៀមលក្ខណៈសម្រាប់សម័យប្រជុំលើកទី៦នៃរដ្ឋសភា នីតិកាល XV ដោយមានខ្លឹមសារចំនួន ២០ដែលផ្តោតទៅលើការងារត្រួតពិនិត្យ បង្កើតច្បាប់និងបញ្ហាសំខាន់ៗមួយចំនួនទៀត។

ប្រធានរដ្ឋសភា វឿងឌិញហ្វែ ថ្លែងការណ៍ក្នុងកិច្ចប្រជុំ។

ក្នុងកិច្ចប្រជុំ គណៈកម្មាធិការអចិន្រ្តៃយ៍នៃរដ្ឋសភា បានចោទសួរដេញដោលរដ្ឋមន្រ្តីក្រសួងយុត្តិធម៌ ឡេថាញ់ឡុង ស្តីពីការអនុវត្តកម្មវិធីកសាងច្បាប់ បទប្បញ្ញតិ្តសម្រាប់នីតិកាលទាំងមូលរហូតមកដល់ពេលនេះ ការលើកកម្ពស់គុណភាពប្រព័ន្ធច្បាប់ កិច្ចការត្រួតពិនិត្យសិទ្ធិអំណាច និងការបង្ការ ប្រឆាំងអំពើពុករលួយ ភាពអសកម្មក្នុងការពង្រាងច្បាប់ ការងារត្រួតពិនិត្យលិខិតបទដ្ឋានច្បាប់ និងលើកកម្ពស់ប្រសិទ្ធភាពការងារដេញថ្លៃ ក៏ដូចជាការពិនិត្យវាយតម្លៃលើការងារយុត្តិធម៌។ ក្រៅពីនេះ ការចោទសួរដេញដោលរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទ ស្តីពីការដោះស្រាយការលំបាកសម្រាប់ការនាំចេញកសិផល សកម្មភាពទាញយកផលការពារនិងអភិវឌ្ឍន៍ប្រភពជលផល ដំណោះស្រាយបញ្ហាកាតលឿងរបស់គណៈកម្មាធិការអ៊ឺរ៉ុបចំពោះជលផល ការផ្លាស់ប្តូរទិសដៅប្រើប្រាស់ ដកហូតផ្ទៃដីផលិតស្រូវ ធានាសន្តិសុខស្បៀងអាហារ និងបញ្ហាតម្លៃអង្ករនិងការនាំចេញអង្ករក្នុងដំណាក់កាលនាបច្ចុប្បន្ន៘

គណៈកម្មាធិការអចិន្ត្រៃយ៍នៃរដ្ឋសភា ថែមទាំងផ្តល់មតិ យោបល់ជាជំហានដំបូង ស្តីពីលទ្ធផលនៃការត្រួតពិនិត្យបធានបទ “ការផ្សព្វផ្សាយអនុវត្តរាល់សេចក្តីសម្រេចរបស់រដ្ឋសភា ស្តីពីកម្មវិធីទិសដៅជាតិអំពីការកសាងជនបទថ្មីដំណាក់កាល ២០២១-២០២៥ កាត់បន្ថយក្រីក្រប្រកបដោយចីរភាព ដំណាក់កាល ២០២១-២០២៥ អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០”៘

ថ្លែងក្នុងកិច្ចប្រជុំ ប្រធានរដ្ឋសភា វឿងឌិញហ្វែ បានសំណូមពរដល់រដ្ឋមន្ត្រីក្រសួងយុត្តិធម៌ និងរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទ គប្បីទទួលយកមតិយោបល់របស់សមាជិករដ្ឋសភា; រួចប្រញាប់ជម្នះនូវចំណុចខ្វះខាត រយៈពេលកន្លង។ ទន្ទឹមនឹងនោះ សហការជាមួយក្រសួង ផ្នែកភូមិភាគនានា សកម្មធ្វើសេនាធិការជូនរដ្ឋាភិបាល នាយករដ្ឋមន្រ្តីនៃរដ្ឋាភិបាល ដាក់ជូនរដ្ឋសភាពិនិត្យសម្រេចនូវគោលការណ៍ គោលនយោបាយ សំដៅលើកកម្ពស់ប្រសិទ្ធភាពអភិបាលកិច្ចលើវិស័យយុត្តិធម៌ កសិកម្មនិងអភិវឌ្ឍន៍ជនបទ រយៈពេលខាងមុខ៕

យោង៖ quochoi.vn-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ