ព្រឹត្តិការណ៍ - នយោបាយ ព្រឹត្តិការណ៍

07/08/2023 - 16:48

ព្រះឧបជ្ឈាយ៍ ហ៊ឺវហិន បន្តតែងតាំងជាប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ

សមាគមព្រះសង្ឃសាមគ្គីស្នេហាជាតិខេត្តបាកលីវ ទើបរៀបចំមហាសន្និបាតលើកទី៧ អាណត្តិកាល ២០២៣-២០២៨ ប្រកបដោយជោគជ័យ។

ថ្នាក់ដឹកនាំខេត្ត ជូនបាច់ផ្កាអបអរសាទរដល់គណៈប្រតិបត្តិការថ្មី។

សមាគមព្រះសង្ឃសាមគ្គីស្នេហាជាតិខេត្តបាកលីវ បានសាមគ្គី ជម្នះលំបាក ខ្នះខ្នែងផ្សព្វផ្សាយ ចលនាមាមីងពុទ្ធបរិស័ទអនុវត្តល្អគោលការណ៍របស់បក្ស គោលនយោបាយ ច្បាប់របស់រដ្ឋ; អនុវត្តល្អការងារអប់រំ ថែរក្សាអភិរក្សនិងពង្រីកទំនៀមទម្លាប់ប្រពៃណីដ៏ថ្លៃថ្លា អត្តសញ្ញាណ វប្បធម៌ជនជាតិ និងការគោរពជំនឿព្រះពុទ្ធសាសនាខ្មែរ។ ក្រៅពីនោះ សមាគមនៅទាំងអនុវត្តល្អការងារសុខុមាលភាពសង្គម បវារណាជនរួមជាតិរួមវិភាគទានដើម្បីសង់ផ្ទះ ឧបការគុណ ផ្ទះមេត្តាធម៌ ផ្ទះមហាសាមគ្គី រួមវិភាគទានមូលនិធិ “ដើម្បីអ្នកក្រ” មូលនិធិសុខុមាលភាពសង្គម មូលនិធិបង្ការប្រឆាំងជំងឺ Covid- ១៩; បរិច្ចាគដីសាងសង់សាលារៀន កសាងស្ពាន ផ្លូវជនបទ។ល។ សរុបជាទឹកប្រាក់ជាង ១២ ពាន់លានដុង។

អាណត្តិកាល ២០២៣-២០២៨ មហាសន្និបាតបានដាក់ចេញទិសដៅ គឺបន្តការកសាងពង្រឹង និងពង្រីកអង្គការសមាគមកាន់តែរឹងមាំ; ចលនាព្រះសង្ឃ គណៈកម្មការវត្តនិងមាមីងពុទ្ធបរិស័ទគោរពអនុវត្តល្អគោលការណ៍របស់បក្ស គោលនយោបាយ ច្បាប់របស់រដ្ឋ ពិសេសគឺគោលនយោបាយដែលជាប់ពាក់ព័ន្ធដល់សាសនា ជនជាតិ; អភិវឌ្ឍផលិតកម្ម លើកកម្ពស់ជីវភាពនិងថែរក្សាអភិរក្សអត្តសញ្ញាណវប្បធម៌ជនជាតិ។ល។ មហាសន្និបាត តំណាងសមាគមព្រះសង្ឃសាមគ្គីស្នេហាជាតិខេត្តបាកលីវ លើកទី៧ អាណត្តិកាល ២០២៣-២០២៨ បានតែងតាំងគណៈប្រតិបត្តិការរួម ២២ អង្គ គណៈប្រចាំការនៃសមាគម ៧ អង្គ។ ព្រះឧបជ្ឈាយ៍ ហ៊ឺវហិន បានបន្តតែងតាំងជាប្រធានសមាគមព្រះសង្ឃសាមគ្គីស្នេហាជាតិខេត្ត លើកទី៧ អាណត្តិកាល ២០២៣-២០២៨៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ