ព្រឹត្តិការណ៍ - នយោបាយ ព្រឹត្តិការណ៍

07/08/2023 - 16:48

គណៈប្រជាចលនាមជ្ឈិម ត្រួតពិនិត្យការអនុវត្តសេចក្តីប្រកាស បទបញ្ជាជាប់ពាក់ព័ន្ធដល់អ្នកកាន់សាសនាហ្វាហាវ និងជនរួមជាតិខ្មែរ

(កឹងធើ) - គណៈប្រតិភូត្រួតពិនិត្យរបស់គណៈប្រជាចលនាមជ្ឈិម ដឹកនាំដោយសមមិត្ត ឌោវ៉ាន់ភើយ អនុប្រធានគណៈប្រជាចលនាមជ្ឈិម បានអញ្ជើញមកធ្វើការជាមួយនឹងថ្នាក់ដឹកនាំក្រុងកឹងធើ អំពីលទ្ធផល២៥ឆ្នាំអនុវត្តសេចក្តីប្រកាសលេខ ១៦៥-TB/TW របស់គណៈអចិន្ត្រៃយ៍នៃការិយាល័យនយោបាយ ស្តីពីគោលការណ៍ចំពោះសាសនាហ្វាហាវក្នុងស្ថានភាពថ្មី និង៥ឆ្នាំអនុវត្តបទបញ្ជាលេខ ១៩-CT/TW របស់គណៈលេខា ស្តីពីបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី។

សមមិត្តឌោវ៉ាន់ភើយ អនុប្រធានគណៈប្រជាចលនាមជ្ឈិម ថ្លែងយោបល់ក្នុងឱកាសធ្វើការ។
រូបថត៖ ង៉ុកក្វៀង។

អនុវត្តសេចក្តីប្រកាសលេខ ១៦៥-TB/TW គណៈកម្មាធិការបក្ស រដ្ឋអំណាច រណសិរ្ស និងអង្គការនយោបាយ-សង្គមគ្រប់លំដាប់ថ្នាក់ បានពង្រីកតួនាទី ការទទួលខុសត្រូវ អនុវត្តប្រកបដោយភាពបត់បែននិងធ្វើឱ្យជាក់ស្តែងនូវគោលការណ៍របស់បក្ស គោលនយោបាយ ច្បាប់របស់រដ្ឋ សមស្របជាមួយនឹងស្ថានភាពជាក់ស្តែងនៅភូមិភាគ អង្គភាព។ តួនាទីរបស់រណសិរ្ស អង្គការនយោបាយ-សង្គមនានាក្នុងការឃោសនា ចលនា ប្រមូលផ្តុំអ្នកមុខអ្នកការ អ្នកកាន់សាសនាហ្វាហាវ ចូលរួមចលនាអភិវឌ្ឍសេដ្ឋកិច្ច វប្បធម៌សង្គម នៅភូមិភាគត្រូវបានពង្រីក រួមចំណែកយ៉ាងសំខាន់ក្នុងការអនុវត្តជោគជ័យទិសដៅអភិវឌ្ឍរបស់ក្រុង។

ក្នុងអំឡុង៥ឆ្នាំអនុវត្តបទបញ្ជាលេខ ១៩-CT/TW គណៈកម្មាធិការបក្ស រដ្ឋអំណាច រណសិរ្ស និងអង្គការនយោបាយ-សង្គមក្រុង គ្រប់លំដាប់ថ្នាក់ តែងយកចិត្តទុកដាក់គិតគូរ ជំរុញអភិវឌ្ឍសេដ្ឋកិច្ច-សង្គមនៅតំបន់ជនរួមជាតិខ្មែរ; ជីវភាពវប្បធម៌សម្ភារ ស្មារតីរបស់ជនរួមជាតិភាគតិចត្រូវបានលើកកម្ពស់ជាសន្សឹមៗកាត់បន្ថយភាពក្រីក្រប្រកបដោយប្រសិទ្ធភាព។ ដល់ចុងឆ្នាំ២០២២ ចំនួនគ្រួសារក្រីក្រក្នុងជនរួមជាតិខ្មែរថយចុះនៅត្រឹមតែ ៩៥ គ្រួសារ ស្រូបអត្រា១,៥% នៃចំនួនគ្រួសារខ្មែររួម។ តម្លៃវប្បធម៌ប្រពៃណីរបស់ជនរួមជាតិ បានថែរក្សានិងពង្រីក; ជនរួមជាតិអនុវត្តបានល្អនូវកាតព្វកិច្ចពលរដ្ឋ ឧបត្ថម្ភគាំទ្រគ្នាក្នុងការផលិតនិងជីវភាព ហើយជនរួមជាតិខ្មែរជាច្រើនជាកម្មាភិបាល អ្នករដ្ឋការ បុគ្គលិក និងតំណាងក្រុមប្រឹក្សាប្រជាជនគ្រប់លំដាប់ថ្នាក់។

ថ្លែងក្នុងឱកាសធ្វើការ សមមិត្តឌោវ៉ាន់ភើយ បានវាយតម្លៃខ្ពស់នូវលទ្ធផលដែលសម្រេចបានរបស់គណៈកម្មាធិការបក្ស រដ្ឋអំណាច រណសិរ្ស អង្គការមហាជន នយោបាយ-សង្គមគ្រប់លំដាប់ថ្នាក់ក្នុងក្រុងកឹងធើ ដែលបានអនុវត្តសេចក្តីប្រកាសលេខ១៦៥-TB/TW និងបទបញ្ជាលេខ ១៩-CT/TW។ សមមិត្ត សំណូមពរថ្នាក់ដឹកនាំក្រុង បន្តការយកចិត្តទុកដាក់ក្នុងការឃោសនា ចលនា ពង្រីកតួនាទី អ្នកកាន់សាសនាហ្វាហាវ ក្នុងការកសាងប្រទេសជាតិ; ពង្រីកបក្ខជន ក៏ដូចជាកសាងកម្លាំងស្នូលរបស់អ្នកកាន់សាសនាហ្វាហាវ។ អំពីអនុវត្តបទបញ្ជាលេខ ១៩-CT/TW សមមិត្ត សំណូមពរថ្នាក់ដឹកនាំក្រុង ពង្រីកតួនាទីរបស់សមាគមព្រះសង្ឃសាមគ្គីស្នេហាជាតិក្រុងនិងព្រះសង្ឃ; ប្រមូលផ្តុំប្រភពធនធានគិតគូរដល់ជនរួមជាតិខ្មែរអំពីការកាត់បន្ថយភាពក្រីក្រចីរភាព បណ្តុះបណ្តាលវិជ្ជាជីវៈ ដោះស្រាយការងារធ្វើ យកចិត្តទុកដាក់ដល់ការបង្រៀនភាសា និងអក្សរសាស្រ្ត ដើម្បីអភិរក្សនិងពង្រីកវប្បធម៌ជនជាតិ៕

ថាញធី - វិមាន

ចែករំលែកអត្ថបទ

ពាក្យគន្លឹះ