ព្រឹត្តិការណ៍ - នយោបាយ ព្រឹត្តិការណ៍

24/07/2023 - 16:52

បង្កើនគុណភាពប្រសិទ្ធភាពនៃការរៀបចំ "ទិវាមហាសាមគ្គីទូទាំងជនជាតិ"

គណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុងកឹងធើ ទើបបានរៀបចំកិច្ចប្រជុំបូកសរុប២០ឆ្នាំនៃការរៀបចំ “ទិវាមហាសាមគ្គីទូទាំងជនជាតិ” ដំណាក់កាល ២០០៣ - ២០២៣។

សមមិត្តង្វៀងហ៊ឺវយ៉ុង អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម និងសមមិត្តង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ ជូនអាហារូបករណ៍និងអំណោយដល់សិស្សានុសិស្ស។

រយៈពេល២០ឆ្នាំកន្លង លើភូមិសាស្រ្តក្រុង មានតំបន់តាំងទីលំនៅដែលបានរៀបចំទិវាបុណ្យចំនួន១២.៤៤៥លើក ទាក់ទាញមនុស្សចូលរួមជាង៦៩៦.០០០លើកនាក់។ ក្នុងទិវានេះ មានសកម្មភាពវប្បធម៌ កីឡាអប់រំកាយផ្សារភ្ជាប់ជាមួយនឹងវប្បធម៌ប្រពៃណីជនជាតិ ភូមិភាគបានរៀបចំដោយមានការអញ្ជើញ ចូលរួមយ៉ាងកុះករពីសំណាក់កម្មាភិបាល ប្រជាជនគ្រប់ជាន់ស្រទាប់ មានដូច៖ ចាត់តាំងល្បែងប្រជាប្រិយ ចម្រៀងដើងកាតាយតឺ ធ្វើនំប្រពៃណី ដាក់តាំងផលិតផលផ្លែឈើប្រណីតរបស់ភូមិភាគ រៀបចំ “អាហារមហាសាមគ្គី” ។ល។ ញុាំងឱ្យមានភាពសប្បាយរីករាយ។ ទិវានេះ បានរួមចំណែកលើកកម្ពស់ស្មារតីរបស់ប្រជាជនគ្រប់ជាន់ស្រទាប់ខ្នះខ្នែងចូលរួមការកៀរគរ ការចលនាប្រឡងប្រណាំងស្នេហាជាតិដែលគ្រប់ថ្នាក់ គ្រប់ផ្នែកបំផុស មានដូច៖ បរិច្ចាគដី ដំណាំឈើហូបផ្លែ កសាង និងជួសជុលស្ពាន ផ្លូវថ្នល់; ជីកស្ដារប្រឡាយ; ដំឡើងអំពូលភ្លើង; កសាងបង្គោលទង់; ដាំឈើបៃតងគ្រប់ប្រភេទ; កសាងដងផ្លូវភ្លឺ-បៃតង -ជ្រះ-ស្អាត ចំនួន៥៧០ខ្សែ សរុបតម្លៃទឹកប្រាក់៦២៨ពាន់លានដុង និងកម្លាំងពលកម្មជាង២១.០០០ថ្ងៃ រួមចំណែកធ្វើឱ្យផ្លាស់ប្ដូរ មុខមាត់ជនបទលើកកម្ពស់គុណភាពក្រុងស៊ីវិល័យ លើកកម្ពស់ជីវភាពប្រជាជន។

ដើម្បីលើកកម្ពស់គុណភាព ប្រសិទ្ធភាពនៃទិវានេះ សមមិត្តង្វៀងវ៉ាន់ហីវ លេខាគណៈកម្មាធិការបក្សក្រុងកឹងធើ បានសំណូមពរដល់គណៈកម្មាធិការបក្សគ្រប់លំដាប់ថ្នាក់ បន្តការដឹកនាំផ្លាស់ថ្មីខ្លឹមសារ រូបភាពរៀបចំទិវាមហាសាមគ្គីទូទាំងជនជាតិ; ធ្វើជាកន្លែងអនុវត្តន៍គំរូនូវទម្រង់មួយចំនួន ពីរបៀបធ្វើថ្មី ក៏ដូចជាការសាងសង់សំណង់និងផ្នែកការងារទាំងឡាយ ដើម្បីទិវានេះកាន់តែមានភាពជាក់ស្ដែងនិងប្រកបដោយអត្ថន័យ; យកចិត្តទុកដាក់បង្កលក្ខណៈមូលដ្ឋានសម្ភារៈ ថវិកា ប្រភពធនធាន កៀរគរកងកម្លាំងចូលរួមជាមួយនឹងរណសិរ្សរៀបចំទិវានេះបានល្អ; បន្តការលើកតម្កើងតម្លៃដ៏ថ្លៃថ្លររបស់ជនជាតិ អំពីការកសាងផែនមហាសាមគ្គី ក្នុងនោះ រណសិរ្សគ្រប់លំដាប់ថ្នាក់បន្តការផ្លាស់ថ្មីខ្លឹមសាររូបភាព ផ្ដល់គំនិតយោបល់ដល់គណៈកម្មាធិការគ្រប់លំដាប់ថ្នាក់ រៀបចំសកម្មភាពជាក់ស្ដែង ប្រសិទ្ធភាព សាយភាយនៃស្មារតីសាមគ្គីក្នុងប្រជាសហគមន៍; ជំរុញការផ្សព្វផ្សាយលើកកម្ពស់ស្មារតីគ្រប់ថ្នាក់ គ្រប់ផ្នែកនិងប្រជាជនគ្រប់ជាន់ស្រទាប់ អំពីភារកិច្ចកសាងផែនមហាសាមគ្គីទូទាំងជនជាតិ បង្កើនការការចងសម្ព័ន្ធក្នុងសហគមន៍៕

ង៉ុកក្វៀង - ថាច់ធី

ចែករំលែកអត្ថបទ

ពាក្យគន្លឹះ