ព្រឹត្តិការណ៍ - នយោបាយ ព្រឹត្តិការណ៍

12/06/2023 - 08:09

ពន្លឿនការផ្លាស់ប្តូរឌីជីថលលើវិស័យការងារជនជាតិ

អនុរដ្ឋមន្ត្រី អនុប្រធានគណៈកម្មាធិការជនជាតិ ណុងក្វឹកត្វឹង អនុប្រធានគណៈចង្អុលការ ផ្លាស់ប្តូរឌីជីថលរបស់គណៈកម្មាធិការជនជាតិ ទើបដឹកនាំកិច្ចប្រជុំផ្តល់មតិលើពង្រាងសេចក្តីសម្រេចប្រកាសឱ្យប្រើបញ្ជីឈ្មោះមូលដ្ឋាន ទិន្នន័យរបស់គណៈកម្មាធិការជនជាតិនិងពង្រាងគោលការណ៍មូលដ្ឋានលើគម្រោង បង្កើនផ្លាស់ប្តូរឌីជីថលក្នុងប្រព័ន្ធស្ថាប័នបំពេញការងារជនជាតិ។

ទិដ្ឋភាពកិច្ចប្រជុំ។

តាមរយៈនោះ ទិសដៅជាក់ស្តែង៣យ៉ាងរបស់គម្រោងខាងលើ គឺ៖ បង្កើនកម្រិតហេដ្ឋារចនាសម្ព័ន្ធព័ត៌មានវិទ្យានៅគណៈកម្មាធិការជនជាតិ ស្ថាប័នបំពេញការងារជនជាតិ និងវិនិយោគហេដ្ឋារចនាសម្ព័ន្ធតភ្ជាប់រវាងគណៈកម្មាធិការជនជាតិនិងស្ថាប័នបំពេញការងារជនជាតិ; អនុវត្តព័ត៌មានវិទ្យានិងអភិវឌ្ឍប្រភពធនធានមនុស្សព័ត៌មានវិទ្យាសម្រាប់ស្ថាប័នបំពេញការងារជនជាតិ។

ក្នុងកិច្ចប្រជុំ ជាសារវន្តអ្នកតំណាងទាំងឡាយបានឯកភាពលើពង្រាងនេះ។ ក្រៅពីនោះ អ្នកតំណាងទាំងឡាយនៅទាំងប្រមូលផ្តុំ ពិភាក្សាលើខ្លឹមសារនៃពង្រាងសេចក្តីសម្រេច ប្រកាសឱ្យប្រើបញ្ជីឈ្មោះមូលដ្ឋានទិន្នន័យរបស់គណៈកម្មាធិការជនជាតិ ដូច៖ ស្នើបូកបញ្ចូលនូវកថាខណ្ឌមួយចំនួនដែលជាន់លើគ្នា ក្នុងមូលដ្ឋានទិន្នន័យ ទន្ទឹមនឹងនោះ បំពេញបន្ថែមនូវកថាខណ្ឌមួយចំនួនលើវិស័យដទៃទៀត ដើម្បីធានាមូលដ្ឋានទិន្នន័យទូទាំងផ្នែកបានគ្រប់សព្វ និងគ្រប់ជ្រុងជ្រោយ។

សេចក្តីសន្និដ្ឋានក្នុងកិច្ចប្រជុំ អនុរដ្ឋមន្ត្រី អនុប្រធានគណៈកម្មាធិការជនជាតិ ណុងក្វឹកត្វឹង ស្នើមជ្ឈមណ្ឌលផ្លាស់ប្តូរឌីជីថលវាយតម្លៃ ពិតអំពីគុណសម្បត្តិ និងភាពកង្វះខាតរបស់ពង្រាង ទទួលយកទាំងស្រុងនូវមតិរួមយោបល់របស់អ្នកតំណាងទាំងឡាយ ដើម្បីបំពេញបន្ថែម ធ្វើឱ្យសុក្រឹតនូវខ្លឹមសារវិទ្យាសាស្រ្ត ក្បោះក្បាយ ជៀសវាងន័យជាន់គ្នា ខ្វែងគ្នាពន្លឿនសម្រេចជាស្ថាពរនូវពង្រាងសេចក្តីសម្រេចប្រកាសឱ្យប្រើបញ្ជីឈ្មោះមូលដ្ឋាន និន្នន័យរបស់គណៈកម្មាធិការជនជាតិ និងពង្រាងគោលការណ៍មូលដ្ឋានលើគម្រោង បង្កើនផ្លាស់ប្តូរឌីជីថលក្នុងប្រព័ន្ធស្ថាប័នបំពេញការងារជនជាតិ៕

យោង៖ កាសែតជនជាតិនិងអភិវឌ្ឍន៍ - វិមាន

ចែករំលែកអត្ថបទ

ពាក្យគន្លឹះ