សុខភាព - អប់រំ អប់រំ

10/04/2023 - 16:43

ប្រឡងសញ្ញាបត្រមធ្យមសិក្សាចំណេះទូទៅឆ្នាំ ២០២៣៖ កែតម្រូវលក្ខន្តិកៈដើម្បីរឹតបន្តឹងវិន័យ

ក្រសួងអប់រំនិងបណ្តុះបណ្តាល ទើបប្រកាសឱ្យប្រើសារាចរធ្វើវិសោធនកម្មនូវមាត្រាមួយចំនួននៃលក្ខន្តិកៈប្រឡងសញ្ញាបត្រមធ្យមសិក្សាចំណេះទូទៅ។

សម័យប្រឡងសញ្ញាបត្រមធ្យមសិក្សាចំណេះទូទៅឆ្នាំនេះ នឹងមានការកែតម្រូវ
លក្ខន្តិកៈមួយចំនួន (រូបឯកសារ)។ រូប៖ ថាញតុង - TTXVN

ចំណុចថ្មីមួយគួរយកចិត្តទុកដាក់ចំពោះបេក្ខជន នោះគឺសេចក្តីកំណត់ពីឧបករណ៍ សម្ភារៈត្រូវបានអនុញ្ញាតឱ្យយកចូលបន្ទប់ប្រឡង រួមមាន៖ ប៊ិក ខ្មៅដៃ ដែកឈាន ជ័រលុប បន្ទាត់ បន្ទាត់គិតលេខ; ម៉ាស៊ីនគិតលេខ គ្មានមុខងារពង្រាងឯកសារ គ្មានកាតអង្គ ចងចាំ និងសៀវភៅផែនទីភូមិសាស្រ្តវៀតណាម ចំពោះវិញ្ញាសាភូមិសាស្រ្ត។ ដូច្នេះ បើប្រៀបជាមួយនឹងសេចក្តីកំណត់ពីមុន ក្រសួងអប់រំនិងបណ្តុះបណ្តាល បានលុបចោលសេចក្តីកំណត់អនុញ្ញាតឱ្យបេក្ខជនយកប្រភេទម៉ាស៊ីនថតសម្លេង ថតរូបដែលមានមុខងារកត់ត្រា ព័ត៌មានចូលបន្ទប់ប្រឡង ប៉ុន្តែមិនអាចស្តាប់មើល និងមិនអាចបញ្ជូន ទទួលព័ត៌មាន សញ្ញាសូរស័ព្ទ រូបភាពផ្ទាល់ ប្រសិនបើគ្មានបំពាក់សម្ភារៈជំនួយផ្សេងៗទៀត។

លក្ខន្តិកៈធ្វើសោធនកម្ម ក៏មានការកែតម្រូវមួយចំនួនទាក់ទងដល់បុគ្គលិកភាពរបស់ក្រុមប្រឹក្សាចេញវិញ្ញាសាប្រឡងផងដែរ។ ជាក់ស្តែង ក្នុងសេចក្តីកំណត់ថ្មី អ្នកចេញវិញ្ញាសាប្រឡងនិងធ្វើបដិវាទកម្មវិញ្ញាសាប្រឡង គឺជាអ្នករដ្ឋការ បុគ្គលិកផ្នែកអប់រំឬវិទ្យាស្ថានស្រាវជ្រាវ; គ្រូឧទ្ទេស គ្រូបង្រៀនជាប់កិច្ចសន្យា កំពុងបំពេញការងារនៅតាមគ្រឹះស្ថានអប់រំនានា។ លោកសាស្រ្តាចារ្យរង បណ្ឌិតហ្វិញវ៉ាន់ចឿង ប្រធាននាយកដ្ឋានគ្រប់គ្រងគុណភាព (ក្រសួងអប់រំនិងបណ្តុះបណ្តាល) ឱ្យដឹង៖ ការធ្វើវិសោធនកម្មដំណាក់ការនេះគឺសំខាន់ណាស់។ ក្រសួងបានកំណត់ច្បាស់អំពីអ្នកចូលរួមចេញវិញ្ញាសាប្រឡង និងធ្វើបដិវាទកម្មវិញ្ញាសាប្រឡង ត្រូវតែជាកម្មាភិបាល គ្រូឧទ្ទេស គ្រូបង្រៀនជាប់កិច្ចសន្យា កំពុងបំពេញការងារនៅតាមគ្រឹះស្ថានអប់រំនានា ជំនួសដល់ការអនុញ្ញាតឱ្យអ្នកធ្លាប់បានបំពេញការងារដូចសេចក្តីកំណត់ចាស់។

ការធ្វើវិសោធនកម្មដំណាក់ការចេញវិញ្ញាសាប្រឡងសញ្ញាបត្រមធ្យមសិក្សាចំណេះទូទៅ អាស្រ័យមានករណីគៃបន្លំមួយចំនួនកើតមានក្នុងសម័យប្រឡងកាលពីប៉ុន្មានឆ្នាំមុន។ ក្នុងលក្ខន្តិកៈថ្មី ក្រសួងអប់រំនិងបណ្តុះបណ្តាល ក៏បានកែតម្រូវនូវបញ្ហាបច្ចេកទេសមួយចំនួន ដើម្បីបង្កើនក្រឹត្យក្រម របៀបរៀបរយក្នុងបន្ទប់ប្រឡង ក៏ដូចជាធានាសុវត្ថិភាព សន្តិសុខក្នុងអំឡុងពេលប្រឡង; បង្កើនគុណភាពវិញ្ញាសាប្រឡង និងការងារសើុបអង្កេត ត្រួតពិនិត្យទាំងស្រុងផ្នែករៀបចំប្រឡង ដូច៖ ការថតចម្លង រក្សាទុកវិញ្ញាសាប្រឡង ធ្វើលេខកូដ រក្សាទុកមេរៀនប្រឡង និងកែវិញ្ញាសាប្រឡង។ លក្ខន្តិកៈក៏មានការកែតម្រូវសេចក្តីកំណត់មួយចំនួនឱ្យកាន់តែច្បាស់លាស់អំពីការបំពាក់ គ្រប់គ្រង ត្រួតពិនិត្យទូរស័ព្ទតុមួយគ្រឿង ឬទូរស័ព្ទដៃ កុំព្យូទ័រតភ្ជាប់បណ្តាញអ៊ីនធឺណិត ដែលបានប្រើប្រាស់នៅមណ្ឌលប្រឡងបម្រើក្នុងការប្រឡង ប៉ុន្តែធានាមិនប្រើប្រាស់ខុសគោលដៅ។

លោកសាស្រ្តាចារ្យរង បណ្ឌិតហ្វិញវ៉ានចឿង ចែករំលែក៖ ខ្លឹមសារជាក់ស្តែងមួយចំនួនដែលទាក់ទងដល់ការចុះឈ្មោះចូលរួមប្រឡងសញ្ញាបត្រមធ្យមសិក្សាចំណេះទូទៅ នឹងបានកំណត់ត្រង់សេចក្តីណែនាំរៀបចំប្រឡងសញ្ញាបត្រមធ្យមសិក្សាចំណេះទូទៅឆ្នាំ ២០២៣ ប្រកាសឱ្យប្រើក្នុងពេលខាងមុខ។ ក្រសួងអប់រំនឹងបណ្តុះបណ្តាលនៅតែមានគោលការណ៍អនុវត្តព័ត៌មានវិទ្យាខ្លាំងជាងមុននៅគ្រប់ផ្នែកក្នុងសម័យប្រឡង ក្នុងនោះ មានការចុះឈ្មោះចូលរួមប្រឡងអនឡាញ។ ព័ត៌មានរបស់បេក្ខជន រួមមានព័ត៌មានអំពីអាទិភាពតំបន់មុខសញ្ញាអមដោយភស្ដុតាងច្បាស់លាស់ ក៏បានធ្វើបច្ចុប្បន្នភាពតាំងពីផ្នែកចុះឈ្មោះប្រឡង៕

យោង៖ TTXVN-វិមាន

ចែករំលែកអត្ថបទ

ពាក្យគន្លឹះ