ព្រឹត្តិការណ៍ - នយោបាយ ព្រឹត្តិការណ៍ - នយោបាយ

10/04/2023 - 16:43

ព្រះឧបជ្ឈាយ៍ចៅទី ត្រូវបានតែងតាំងជាអគ្គមហាសង្ឃរាជាធិបតីរង ក្រុមប្រឹក្សាវិន័យធរនៃសមាគមពុទ្ធសាសនាវៀតណាម

គណៈអភិបាលសមាគមពុទ្ធសាសនាវៀតណាមខេត្តអាងយ៉ាង ទើបរៀបចំយ៉ាងមហោឡារិក អបអរសាទរ ព្រះឧបជ្ឈាយ៍ ចៅទី ព្រះចៅអធិការវត្តស្វាយសទំនើប ឃុំណូយតូ ស្រុកទ្រីតូង ខេត្តអាងយ៉ាង មានកិត្តិយសបានមហាសន្និបាតសមាគមពុទ្ធសាសនាទូទៅប្រទេស លើកទី IX (អាណត្តិកាល ២០២២-២០២៧) តែងតាំងជាអគ្គមហាសង្ឃរាជាធិបតីរង ក្រុមប្រឹក្សាវិន័យធរនៃសមាគមពុទ្ធសាសនាវៀតណាម។

ថ្នាក់ដឹកនាំខេត្តអាងយ៉ាង អបអរសាទរព្រះឧបជ្ឈាយ៍ចៅទី (អង្គទ្រង់ឈរទី ២ រាប់ពីឆ្វេង)។

ព្រះឧបជ្ឈាយ៍ចៅទី ប្រសូតិនៅថ្ងៃទី ១៥ ខែមីនា ឆ្នាំ ១៩៤១ មានស្រុកកំណើតនៅឃុំណូយតូ។ ព្រះអង្គសាងផ្នួសជាង ៦០ វស្សា ព្រះអង្គបានរួមចំណែកយ៉ាងសំខាន់ៗជាច្រើន ជាសមណៈគំរូក្នុងការកសាងទំនាក់ទំនង សាមគ្គីសាសនារវាងទក្ខិណានិកាយនិងឧត្តរនិកាយ រវាងពុទ្ធសាសនាវៀតណាមនិងសាសនាផ្សេងៗ។

ព្រះឧបជ្ឈាយ៍ចៅទី ព្រះអង្គមានថ្វីព្រះហស្តដ៏ចំណានខាងចារសាស្ត្រាស្លឹករឹត (ទ្រាំង) បានប្រធានរដ្ឋនៃសាធារណៈរដ្ឋសង្គមនិយមវៀតណាម ប្រទានកិត្តិនាម “សិប្បករឆ្នើម” នៅថ្ងៃទី ១២/១១/២០១២; កិត្តិនាម “សិប្បករប្រជាជន” នៅថ្ងៃទី ០៨/៣/២០១៩ ពីព្រោះព្រះអង្គ “បានរួមចំណែកយ៉ាងឆ្នើមក្នុងការរក្សានិងអភិរក្សបេតិកភណ្ឌវប្បធម៌អរូបីរបស់ជនជាតិ”។ ព្រះឧបជ្ឈាយ៍ចៅទី បានសមាគមពុទ្ធសាសនាវៀតណាមស្ងើចសរសើរពីគុណសម្បត្តិជាច្រើនលើក; បានបក្ស រដ្ឋប្រទានបណ្ណសរសើរនិងលិខិតសរសើរជាច្រើន៕

យោង៖ angiang.gov.vn-មុនី

ចែករំលែកអត្ថបទ

ពាក្យគន្លឹះ