ព្រឹត្តិការណ៍ - នយោបាយ ព្រឹត្តិការណ៍

06/03/2023 - 17:24

ជំរុញល្បឿន អនុវត្តមានប្រសិទ្ធភាពកម្មវិធីទិសដៅជាតិ

ឧបនាយករដ្ឋមន្ត្រីនៃរដ្ឋាភិបាល ត្រឹងលឺវក្វាង ទើបសំណូមពរដល់គ្រប់ក្រសួង ផ្នែក ភូមិភាគនានា ត្រូវដោះស្រាយបញ្ហាលំបាកឱ្យទាន់ពេល ដើម្បីជំរុញល្បឿន អនុវត្តមានប្រសិទ្ធភាពកម្មវិធីទិសដៅជាតិ ក្នុងសម័យប្រជុំលើកទី ៣ ជាមួយភូមិភាគនានាអំពីលទ្ធផលនៃការអនុវត្តកម្មវិធីទិសដៅជាតិ ឆ្នាំ ២០២២ និង ២ ខែដើមឆ្នាំ ២០២៣។ ឧបនាយករដ្ឋមន្ត្រី គូសបញ្ជាក់៖ កម្មវិធីទិសដៅជាតិ គឺជាគោលនយោបាយធំ ប្រភពកម្លាំងច្រើន គ្របដណ្តប់ទូលាយលើគ្រប់វិស័យនិងភូមិសាស្ត្រ ឧបនាយករដ្ឋមន្ត្រី បានស្នើឱ្យភូមិភាគនានាលើកកម្ពស់ស្មារតីទទួលខុសត្រូវខ្ពស់ ពិនិត្យផ្ទៀងផ្ទាត់យ៉ាងសកម្ម កាត់បន្ថយប្រគល់វិនិយោគិនទៅថ្នាក់ឃុំ ដើម្បីធានាលក្ខណៈប្រសិទ្ធភាព។

ឧបនាយករដ្ឋមន្ត្រី ត្រឹងលឺវក្វាង ប្រធានគណៈចង្អុលការមជ្ឈិមកម្មវិធីទិសដៅជាតិ ថ្លែងយោបល់ក្នុងសម័យប្រជុំលើកទី ៣ ។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ថ្លែងយោបល់ក្នុងសម័យប្រជុំលើកទី៣។

ឧបនាយករដ្ឋមន្ត្រី រំពឹងថា ក្រុមប្រឹក្សាជនជាតិនៃរដ្ឋសភាគណៈកម្មាធិការជនជាតិនៃរដ្ឋសភា រណសិរ្សមាតុភូមិវៀតណាម។ល។ បង្កើនការឃ្លាំមើល ឆ្លុះបញ្ចាំងពីបំណងប្រាថ្នារបស់ប្រជាជន ដើម្បីគណៈចង្អុលការក្តាប់ច្បាស់នូវបញ្ហាលំបាក ជាប់ទាក់ទិននៅមូលដ្ឋាន បានទាន់ពេល ស្វែងរកវិធានការដោះស្រាយ ដើម្បីកម្មវិធីទិសដៅជាតិពង្រីកបានប្រសិទ្ធភាពក្នុងការអនុវត្តជាក់ស្តែង។

យោងតាមរបាយការណ៍របស់គណៈកម្មាធិការជនជាតិ រហូតមកទល់ពេលនេះ មានភូមិភាគ ៥២/៥២ អនុវត្តសម្រេចរួចរាល់ការដាក់ចេញសេចក្តីកំណត់អំពីគោលការណ៍ លក្ខឋានកម្រិតបែងចែកទុនកម្មវិធីទិសដៅជាតិ; មានភូមិភាគ ៣៤/៥២ បានដាក់ចេញសេចក្តីកំណត់អំពីយន្តការផ្គួបបញ្ចូល; មានភូមិភាគ ៣០/៥២ បានដាក់ចេញសេចក្តីកំណត់អំពីយន្តការវិមជ្ឈការក្នុងការគ្រប់គ្រង រៀបចំអនុវត្តកម្មវិធីទិសដៅជាតិ; មានភូមិភាគ ២៨/៥២ បានដាក់ចេញឯកសារមួយចំនួនសម្រាប់អនុវត្តយន្តការពិសេសដោយឡែកក្នុងការគ្រប់គ្រង វិនិយោគចំពោះគម្រោងខ្នាតតូច បច្ចេកទេសមិនមានភាពស្មុគស្មាញ; មានភូមិភាគ ២៩/៥២ បានដាក់ចេញយន្តការរៀបចំអនុវត្ត ដំណើរការឧបត្ថម្ភអភិវឌ្ឍផលិតកម្ម។

លទ្ធផលរំសាយប្រភពទុនថវិការដ្ឋ ឆ្នាំ ២០២៣ គិតដល់ថ្ងៃទី ៣១ ខែមករា ឆ្នាំ ២០២៣ មានភូមិភាគចំនួន ១៤ បានរំសាយទុនជាង ៣១២ ពាន់លានដុង និងរហូតដល់ថ្ងៃទី ២៨ ខែកុម្ភៈ ឆ្នាំ ២០២៣ មានភូមិភាគចំនួន ១៧ រំសាយទុនសម្រេចជាង ៥៤៥ ពាន់លានដុង៕

យោង៖ កាសែតជនជាតិនិងអភិវឌ្ឍ-មុនី

ចែករំលែកអត្ថបទ

ពាក្យគន្លឹះ