ព្រឹត្តិការណ៍ - នយោបាយ ព្រឹត្តិការណ៍

03/01/2023 - 16:35

យកចិត្តទុកដាក់ជាងទៀតចំពោះកងជួរអ្នកមានប្រជាប្រិយ

* គណៈកម្មាធិការជនជាតិ ទទួលជួបគណៈប្រតិភូតំណាងអ្នកមានប្រជាប្រិយក្នុងជនរួមជាតិភាគតិចខេត្តសុកត្រាំង

ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ឌោវ៉ាន់ចៀង ទទួលស្វាគមន៍ដល់គណៈប្រតិភូតំណាង។

លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ឌោវ៉ាន់ចៀង ទើបមានកិច្ចជំនួបជាមួយគណៈប្រតិភូអ្នកមានប្រជាប្រិយគំរូក្នុងជនរួមជាតិភាគតិចខេត្តសុកត្រាំង ដឹកនាំដោយសមមិត្ត ឡឹមវ៉ាន់ម៉ឹង លេខាគណៈកម្មាធិការបក្សខេត្តសុកត្រាំង។

សមមិត្ត ឌោវ៉ាន់ចៀង វាយតម្លៃខ្ពស់ចំពោះគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង បានរៀបចំគណៈប្រតិភូអ្នកមានប្រជាប្រិយគំរូ មកកាន់រដ្ឋធានីហាណូយ រួមគ្នាចែករំលែកពីវិធីសាស្រ្តធ្វើល្អៗ និងបង្ហាញពីគោលបំណងរបស់ខ្លួនចំពោះថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាម។ នេះគឺជាទង្វើដ៏មានអត្ថន័យ បង្ហាញពីការយកចិត្តទុកដាក់យ៉ាងជ្រាលជ្រៅរបស់ខេត្ត ចំពោះកងជួរអ្នកមានប្រជាប្រិយក្នុងជនរួមជាតិភាគតិច។

សមមិត្ត ឌោវ៉ាន់ចៀង ផ្ញើក្តីសង្ឃឹមចំពោះអ្នកមានប្រជាប្រិយខេត្តសុកត្រាំង ជាមួយនឹងតួនាទីរបស់ខ្លួនអាចនឹងពង្រីកនូវលទ្ធផលដែលសម្រេចបាន ជម្នះការលំបាក និងបន្តជាកងជួរស្នូល សាមគ្គីរួមជាមួយនឹងជនរួមជាតិភាគតិចអនុវត្តល្អនូវគោលការណ៍របស់បក្ស គោលនយោបាយច្បាប់របស់រដ្ឋ និងគោលនយោបាយរបស់ភូមិភាគ ដើម្បីកសាងជីវភាពពីមួយថ្ងៃទៅមួយថ្ងៃកាន់តែសុខដុមរមនា សុភមង្គល ហើយអ្នកគ្រប់គ្នានឹងទទួលបាននូវសមិទ្ធផលនៃការអភិវឌ្ឍរបស់ប្រទេសជាតិ។ សមមិត្ត ឌោវ៉ាន់ចៀង គូសបញ្ជាក់៖ គណៈកម្មាធិការរណសិរ្សមាតុភូមិវៀតណាមនឹងសហការជាមួយស្ថាប័នសមត្ថកិច្ច ប្រមូលយកនូវមតិយោបល់របស់គណៈប្រតិភូ ដើម្បីរាយការណ៍ជូនថ្នាក់ដឹកនាំបក្ស រដ្ឋ ជាសន្សឹមៗកែតម្រូវគោលនយោបាយមួយចំនួនចំពោះអ្នកមានប្រជាប្រិយ ធ្វើយ៉ាងណា ដើម្បីធានាសមស្របជាមួយនឹងលក្ខណៈជាក់ ស្តែង៕

*នៅទីស្នាក់ការនៃគណៈកម្មាធិការជនជាតិ អនុរដ្ឋមន្ត្រី អនុប្រធានគណៈកម្មាធិការជនជាតិ ឡេសើុងហាយ ទើបទទួលបដិសណ្ឋារៈយ៉ាងស្និទ្ធស្នាល គណៈប្រតិភូតំណាងអ្នកមានប្រជាប្រិយក្នុងជនរួមជាតិភាគតិចខេត្តសុកត្រាំង ដឹកនាំដោយលោកលីរដ្ឋា ប្រធានគណៈជនជាតិខេត្ត។

អនុរដ្ឋមន្ត្រី អនុប្រធានគណៈកម្មាធិការជនជាតិ ឡេសើុងហាយ ជូនអំណោយនិងថតរូបអនុស្សាវរីយ៍ ជាមួយគណៈប្រតិភូតំណាង។

ជំនួសមុខគណៈប្រតិភូ លោកលីរដ្ឋា បានរបាយការណ៍សង្ខេបអំពីការងារជនជាតិនិងការអនុវត្តគោលនយោបាយជនជាតិចំពោះអ្នកមានប្រជាប្រិយនៅភូមិភាគក្នុងរយៈពេលកន្លង។ ទូទាំងខេត្ត មានអ្នកមានប្រជាប្រិយក្នុងជនរួមជាតិភាគតិច ៦០៦ រូប។ អ្នកមានប្រជាប្រិយនៅខេត្តសុកត្រាំង តែងពង្រីកនូវតួនាទីជាស្ពានតភ្ជាប់ ដើម្បីទទួលយកនិងផ្ដល់ជូនព័ត៌មាន និងឆ្លុះបញ្ចាំងបានទាន់ពេលពីអារម្មណ៍និងបំណងប្រាថ្នារបស់មាមីងដល់រដ្ឋអំណាចគ្រប់លំដាប់ថ្នាក់។ តាមរយៈសកម្មភាពនេះ អ្នកមានប្រជាប្រិយបានរួមចំណែកដ៏សំខាន់ក្នុងការឃោសនា សម្រុះសម្រួលផ្ដល់ជូនព័ត៌មានគ្រប់សព្វ ដើម្បីជនរួមជាតិមានការយល់ដឹងត្រូវតាមគោលការណ៍ និងជឿជាក់លើការដឹកនាំរបស់បក្ស ការគ្រប់គ្រងរបស់រដ្ឋ។

ថ្លែងក្នុងឱកាសទទួលជួបសំណេះសំណាល អនុរដ្ឋមន្ត្រី អនុប្រធានគណៈកម្មាធិការជនជាតិ ឡេសើុងហាយ បានកត់សម្គាល់និងស្ងើចសរសើរចំពោះការរួមចំណែករបស់កងជួរអ្នកមានប្រជាប្រិយខេត្តសុកត្រាំង ក្នុងការចលនាមាមីងជនរួមជាតិ សកម្មអភិវឌ្ឍន៍សេដ្ឋកិច្ច-សង្គម អភិរក្សអត្តសញ្ញាណវប្បធម៌ រក្សាសន្តិសុខសណ្ដាប់ធ្នាប់ ចូលរួមរាល់ការចលនានៅភូមិភាគ។ រំពឹងថា កងជួរអ្នកមានប្រជាប្រិយ បន្តពង្រីកនូវលទ្ធផលដែលសម្រេចបាន; ជានិច្ចកាលគឺជាបុគ្គលគំរូ ជាទីបង្អែករបស់ភូមិស្រុក; បន្តជាជំនួយការរបស់រដ្ឋអំណាចភូមិភាគចំពោះប្រជាជន ជួយជនរួមជាតិបណ្ដាជនជាតិភាគតិចលើភូមិសាស្រ្តខេត្តសុកត្រាំង មានជីវភាពកាន់តែរីកចម្រើនពីមួយថ្ងៃទៅមួយថ្ងៃ; ចូលរួមយ៉ាងមានប្រសិទ្ធភាពក្នុងដំណាក់ការផ្សព្វផ្សាយគោលនយោបាយជនជាតិក្នុងដំណាក់កាលថ្មី៕

ប្រភព៖ កាសែតប្រជាជន - ច្រកទ្វារអេឡិកត្រូនិចគណៈកម្មាធិការជនជាតិ - ប្រែសម្រួលៈ លីសៀ -ពេជ្រសឿន

ចែករំលែកអត្ថបទ

ពាក្យគន្លឹះ