ព្រឹត្តិការណ៍ - នយោបាយ ព្រឹត្តិការណ៍

26/12/2022 - 15:41

បណ្ដុះបណ្ដាលលើកកម្ពស់សមត្ថភាពដល់សហគមន៍និងកម្មាភិបាលផ្សព្វផ្សាយកម្មវិធីទិសដៅជាតិ

គណៈជនជាតិខេត្តវិញឡុង ទើបរៀបចំវគ្គហ្វឹកហ្វឺន “បណ្ដុះបណ្ដាលលើកកម្ពស់សមត្ថភាពដល់សហគមន៍ និងកម្មាភិបាល ផ្សព្វផ្សាយកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិច នៅគ្រប់លំដាប់ថ្នាក់” តាមសេចក្ដីសម្រេចលេខ ១៧១៩/QĐ-TTg ចុះថ្ងៃទី ១៤ ខែតុលា ឆ្នាំ ២០២១ របស់នាយករដ្ឋមន្រ្តីនៃរដ្ឋាភិបាល។ ចូលរួមវគ្គហ្វឹកហ្វឺនមានអ្នកតំណាងជាង ៣៣ រូប ដែលជាកម្មាភិបាលផ្សព្វផ្សាយកម្មវិធី ចាប់ពីថ្នាក់ខេត្ត ស្រុក រហូតដល់ថ្នាក់ឃុំ កម្មាភិបាលអង្គការមហាជន គណៈកម្មការវត្ត និងអ្នកមានប្រជាប្រិយ។

វាគ្មិនកំពុងផ្សព្វផ្សាយខ្លឹមសារនៃកម្មវិធីបណ្ដុះបណ្ដាល។

អ្នកតំណាងចូលរួមបានស្វែងយល់ទិដ្ឋភាពរួម អំពីកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ បំណិនឌីជីថលសហគមន៍ វិជ្ជាជីវៈត្រួតពិនិត្យការវិនិយោគសហគមន៍ បំណិនបង្កើតផែនការអភិវឌ្ឍសេដ្ឋកិច្ច-សង្គម ប្រចាំឆ្នាំថ្នាក់ឃុំ ដោយមានការចូលរួមពីសហគមន៍ក្នុងការអភិវឌ្ឍសេដ្ឋកិច្ច-សង្គម លុបបំបាត់ភាពអត់ឃ្លាន កាត់បន្ថយភាពក្រីក្រ ប្រព័ន្ធឯកសារគ្រប់គ្រង ណែនាំផ្សព្វផ្សាយអនុវត្តកម្មវិធីទិសដៅជាតិ ដំណាក់កាល ២០២១-២០៣០។ បន្ទាប់ពីការហ្វឹកហ្វឺន អ្នកតំណាងទាំងឡាយនឹងបានទៅទស្សនាដោយផ្ទាល់នូវទម្រង់ផលិតកម្មនានានៅតំបន់ជនរួមជាតិភាគតិច ដូចជា៖ ដាំបន្លែសុវត្ថិភាពតាមបទដ្ឋាន Vietgrap ផលិតស្រូវគួបផ្សំនឹងចិញ្ចឹមបង្កងសាវទាវ ដាំបន្លែភ្លៅកង្កែប ចិញ្ចឹមសត្វប្រវឹក ចិញ្ចឹមត្រីប្រខឿ។ល។ នៅខេត្តបាកលីវ៕

យឿងថាច់-ធី

ចែករំលែកអត្ថបទ

ពាក្យគន្លឹះ