ព្រឹត្តិការណ៍ - នយោបាយ ព្រឹត្តិការណ៍

19/12/2022 - 15:16

សុកត្រាំង ផ្សព្វផ្សាយអប់រំច្បាប់និងឃោសនា ចលនាជនរួមជាតិភាគតិច

គណៈជនជាតិខេត្តសុកត្រាំង ទើបរៀបចំកិច្ចប្រជុំផ្សព្វផ្សាយ អប់រំច្បាប់ និងឃោសនា ចលនាជនរួមជាតិភាគតិចដល់កម្មាភិបាល អ្នកមានប្រជាប្រិយ និងជនរួមជាតិភាគតិចជាង ១.៨២០ អង្គ និងរូប ចំណុះស្រុក ទីរួមខេត្ត ក្រុងចំនួន ១១ នៅលើភូមិសាស្រ្តខេត្ត។

ទិដ្ឋភាពនៃកិច្ចប្រជុំផ្សព្វផ្សាយអប់រំច្បាប់ និងឃោសនា ចលនាជនរួមជាតិភាគតិច។

តាមរយៈនោះ កិច្ចប្រជុំផ្ដោតសំខាន់ទៅលើការផ្សព្វផ្សាយនូវខ្លឹមសារនានាដូចជា៖ សេចក្តីសម្រេចចិត្តលេខ ៨៨/២០១៩/QH១៤ ចុះថ្ងៃទី ១៨ ខែវិច្ឆិកា ឆ្នាំ ២០១៩ របស់រដ្ឋសភា ផ្តល់សច្ចានុមតិលើគម្រោងមេ អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០; សេចក្តីសម្រេចចិត្តលេខ ០៤-NQ/TU ចុះថ្ងៃទី ០៩ ខែកក្កដា ឆ្នាំ ២០២១ របស់គណៈកម្មាធិការបក្សខេត្តសុកត្រាំង ស្តីពីការដឹកនាំអនុវត្តកម្មវិធី ទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច ដំណាក់កាល ២០២១-២០២៥ និងកំណត់ទិសដល់ឆ្នាំ ២០៣០ នៅលើភូមិសាស្រ្តខេត្តសុកត្រាំង; ផែនការលេខ ១៤៧/KH-UBND ចុះថ្ងៃទី ១៣ ខែតុលា ឆ្នាំ ២០២២ របស់គណៈកម្មាធិការប្រជាជនខេត្តសុកត្រាំង អនុវត្តកម្មវិធីទិសដៅជាតិចំនួន ៣ អភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច ដំណាក់កាល ២០២១ -២០២៥ លើភូមិសាស្រ្តខេត្ត និងផែនការលេខ ១៦៤/KH-UBND ចុះថ្ងៃទី ១៥ ខែវិច្ឆិកា ឆ្នាំ ២០២២ របស់គណៈកម្មាធិការប្រជាជនខេត្តសុកត្រាំង ឃោសនា អប់រំអំពីកម្មវិធីទិសដៅជាតិចំនួន ៤ អភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិច ដំណាក់កាល ២០២១-២០២៥ លើភូមិសាស្រ្តខេត្ត។ល។ ឆ្លងតាមរយៈការហ្វឹកហ្វឺននេះ ជួយដល់កម្មាភិបាលមូលដ្ឋាន អ្នកមានប្រជាប្រិយ ក្តាប់ច្បាស់នូវកម្មវិធី គម្រោងនានា ដើម្បីផ្សព្វផ្សាយដល់ប្រជាជនកាន់តែមានប្រសិទ្ធភាពជាងទៀត៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ