ព្រឹត្តិការណ៍ - នយោបាយ ព្រឹត្តិការណ៍

27/09/2022 - 09:45

ប្រ​ធាន​រដ្ឋ​សភា​កម្ពុជា​ បញ្ចប់​ដោយ​ជោគ​ជ័យ​ដំណើរ​ទស្សន​កិច្ច​ជា​ផ្លូវ​ការ​នៅ​វៀត​ណាម​

សម្ដេច​ពញាចក្រី​ ហេង​សំ​រិន ប្រ​ធាន​រដ្ឋ​សភា​ រួម​ជា​មួយ​គណៈ​ប្រតិ​ភូ​ជាន់​ខ្ពស់​នៃ​ព្រះ​រាជា​ណាច​ក្រ​កម្ពុជា​ ទើប​បញ្ចប់​ដោយ​ជោគ​ជ័យ​ដំណើរ​បំ​ពេញ​ទស្សន​កិច្ច​ជា​ផ្លូវ​ការ​នៅ​វៀត​ណាម​ តប​តាម​ការ​អញ្ជើញ​របស់​ប្រ​ធាន​រដ្ឋ​សភា​វៀត​ណាម​ វឿងឌិញ​ហ្វែ។​

សម្ដេច​ពញា​ចក្រី​ ហេង​សំ​រិន ប្រ​ធាន​រដ្ឋ​សភា​នៃ​ព្រះ​រាជា​ណា​ចក្រ​កម្ពុជា​ ជួប​សម្ដែង​ការ​គួរ​សម​ លោក​អគ្គ​លេខា​ ង្វៀង​ភូត្រុង។​ (រូប​ថតៈ ច្រក​ទ្វារ​ព័ត៌​មាន​អេឡិច​ត្រូនិក​រដ្ឋ​សភា​)

​​  ប្រធាន​រដ្ឋ​សភា វឿង​ឌិញ​ហ្វែ និង​ប្រធាន​រដ្ឋ​សភា​នៃព្រះ​រាជា​ណា​ចក្រ​កម្ពុជា សម្ដេច​ពញាចក្រី ហេង​សំរិន។  (រូបថតៈ ច្រក​ទ្វារ​ព័ត៌​មាន​អេឡិច​ត្រូនិក​រដ្ឋ​សភា)

ក្នុង​ក្រប​ខ័ណ្ឌ​នៃ​ដំណើរ​ទស្សន​កិច្ច​នេះ​ អគ្គ​លេខា​ ង្វៀង​ភូត្រុង ប្រ​ធាន​រដ្ឋ​ ង្វៀង​ស្វឹង​ភុក នាយក​រដ្ឋ​មន្រ្តី​នៃ​រដ្ឋា​ភិបាល​ ផាម​មិញ​ជិញ បាន​ទទួល​ជួប​គណៈ​ប្រតិ​ភូ​ ប្រ​ធាន​រដ្ឋ​សភា​ វឿង​ឌិញ​ហ្វែ ទទួល​បដិ​សណ្ឋារ​កិច្ច​ និង​ជួប​ពិភាក្សា​ការ​ងារ​ជា​មួយ​ប្រ​ធាន​រដ្ឋ​សភា​នៃ​ព្រះ​រាជា​ណា​ចក្រ​កម្ពុជា​ សម្ដេច​ពញាចក្រី​ ហេង​សំ​រិន ។​

ក្នុង​កិច្ច​ជំនួប​ជាន់​ខ្ពស់​នេះ​ ភាគី​ទាំង​ពីរ​បាន​វាយ​តម្លៃ​ដំណើរ​ទស្សន​កិច្ច​របស់​ប្រ​ធាន​រដ្ឋ​សភា​នៃ​ព្រះ​រាជា​ណា​ចក្រ​កម្ពុជា​ គឺ​ជា​ព្រឹត្តិ​ការណ៍​ដ៏​មាន​សារៈ​សំ​ខាន់​ក្នុង​ឆ្នាំ​មិត្ត​ភាព​វៀត​ណាម​-កម្ពុជា​ កម្ពុជា​-វៀត​ណាម​ ឆ្នាំ​ ២០២២ និង​អប​អរ​សាទរ​ខួប​ ៥៥ ឆ្នាំ​នៃ​ការ​បង្កើត​ទំ​នាក់​ទំ​នង​ការ​ទូត​រវាង​ប្រ​ទេស​ទាំង​ពីរ។​ បង្ហាញ​ពី​ភាព​ជឿ​ជាក់​នៃ​ដំណើរ​ទស្សន​កិច្ច​ រួម​ចំ​ណែក​ក្នុង​ការ​ពង្រឹង​និង​ពង្រីក​ថែម​ទៀត​ទំ​នាក់​ទំ​នង​មិត្ត​ភាព​ជា​ប្រ​វេណី​រវាង​ប្រ​ទេស​ទាំង​ពីរ ជំរុញ​ទំ​នាក់​ទំ​នង​នៃ​កិច្ច​សហ​ប្រតិ​បត្តិ​ការ​រវាង​ស្ថាប័ន​រដ្ឋ​សភា​នៃ​ប្រ​ទេស​ទាំង​ពីរ កាន់​តែ​ស៊ី​ជម្រៅ​ ជាក់​ស្ដែង​និង​ប្រ​សិទ្ធ​ភាព​។​

ថ្នាក់​ដឹក​នាំ​នៃ​ប្រ​ទេស​ទាំង​ពីរ បាន​ឯក​ភាព​រក្សា​កិច្ច​ជំនួប​នៃ​គណៈ​ប្រតិភូ​ជាន់​ខ្ពស់​ គ្រប់​ថ្នាក់​ និង​ដោះ​ដូរ​ជា​មួយ​ប្រ​ជា​ជន​ ដើម្បី​បង្កើន​ការ​ផ្សា​រភ្ជាប់​ទំ​នុក​ចិត្ត​នយោ​បាយ​រវាង​ប្រ​ទេស​ទាំង​ពីរ; អនុវត្ត​ប្រ​កប​ដោយ​ប្រ​សិទ្ធ​ភាព​រាល់​អនុ​ស្សារណៈ​យោគ​យល់​ ផែន​ការ​សហ​ប្រតិ​បត្តិ​ការ​ការ​ពារ​ប្រ​ទេស​ សន្តិ​សុខ​ដែល​បាន​ចុះ​ហត្ថ​លេខា​; កិច្ច​សហប្រតិ​បត្តិ​ការ​គ្រប់​គ្រង​ ប្រ​កប​ដោយ​ប្រ​សិទ្ធ​ភាព​អំ​ពី​ការ​រក្សា​សន្តិ​សុខ​ព្រំ​ដែន​ ត្រួត​ពិនិត្យ​យ៉ាង​ហ្មត់​ចត់​ ដើម្បី​ទប់​ស្កាត់​ឧក្រិដ្ឋ​កម្ម​ឆ្លង​ដែន​ និង​ឆ្លង​ដែន​ខុស​ច្បាប់​កសាង​បន្ទាត់​ព្រំ​ដែន​សន្តិ​ភាព​ មិត្ត​ភាព​ សាម​គ្គី​ភាព​។​

ក្នុង​ក្រប​ខ័ណ្ឌ​នៃ​ដំណើរ​ទស្សន​កិច្ច​ជា​ផ្លូវ​ការ​នៅ​វៀត​ណាម​ ប្រ​ធាន​រដ្ឋ​សភា​កម្ពុជា​ សម្ដេច​ពញាច​ក្រី​ ហេងសំ​រិន និង​គណៈ​ប្រ​តិភូ​ជាន់​ខ្ពស់​នៃ​ព្រះ​រាជា​ណា​ចក្រ​កម្ពុជា​ អញ្ជើញ​ដាក់​​កម្រងផ្កា​ គោ​រព​វិញ្ញា​ណក្ខ័ន្ធ​នៅ​វិមាន​តម្កល់​សព​លោក​ប្រ​ធាន​ហូជី​មិញ​ និង​ទទួល​ជួប​សម្ដែង​ការ​គួរ​សម​ ក្រុម​សមា​ជិក​សភា​មិត្ត​ភាព​វៀត​ណាម​-កម្ពុជា​៕​            

     ប្រ​ភពៈ កាសែត​ប្រ​ជា​ជន​ - ប្រែ​សម្រួលៈ ពេជ្រ​សឿន​

ចែករំលែកអត្ថបទ