ព្រឹត្តិការណ៍ - នយោបាយ ព្រឹត្តិការណ៍

19/09/2022 - 14:41

វិទ្យាល័យជនជាតិអន្តេវាសិកគៀងយ៉ាងសម្រេចបទដ្ឋានជាតិកម្រិត ១

វិទ្យាល័យជនជាតិអន្តេវាសិកគៀងយ៉ាង បានរៀបចំយ៉ាងឱឡារិកពិធីទទួលប័ណ្ណសម្រេចបទដ្ឋានជាតិកម្រិត ១ និងរៀបចំខួបអនុស្សាវរីយ៍ ៣០ ឆ្នាំ បង្កើតសាលា។

ទិដ្ឋភាពនៃពិធីទទួលប័ណ្ណសម្រេចបទដ្ឋានជាតិកម្រិត ១ ។ រូបថត៖ ហ្វិញយ៉ាវ

ផ្តើមពីសាលាសាងសង់ដោយឫស្សីប្រក់ស្លឹក ស្ថិតនៅទីប្រជុំជនមិញលឿង ស្រុកចូវថាញ់ ក្រោយរយៈពេល ៣០ ឆ្នាំឆ្លងកាត់ការពុះពាររបស់សិស្សនិងគ្រូជាច្រើនជំនាន់ មកទល់ពេលនេះ សាលាបានរុះរើ សាងសង់នៅតំបន់មាត់សមុទ្រ ក្រុងរ៉ាច់យ៉ា ហើយត្រូវបានភូមិភាគវិនិយោគកសាងថ្មីយ៉ាងសមរម្យ ។ បច្ចុប្បន្ន វិទ្យាល័យជនជាតិអន្តេវាសិកគៀងយ៉ាង មានសិស្សចាប់ពីថ្នាក់ទី ១០ ដល់ទី ១២ ប្រមាណជាង ៤០០ នាក់ និងមានកម្មាភិបាល គ្រូបង្រៀន ជាង ៤០ នាក់ ក្នុងនោះមាន ២៥% ជាអនុបណ្ឌិត។ អាស្រ័យដោយលក្ខណៈមូលដ្ឋានសម្ភារៈត្រូវបានធានា កងជួរគ្រូបង្រៀនអស់ពីចិត្តនឹងការងារ និងមានកម្រិតវិជ្ជាខ្ពស់ ម៉្លោះហើយចាប់តាំងពីឆ្នាំសិក្សា ២០០០-២០០១ មកទល់ពេលនេះ អត្រាសិស្សប្រឡងបញ្ចប់មធ្យមសិក្សាទុតិយភូមិរបស់សាលាសម្រេច ១០០% សិស្សប្រឡងចូលអនុមហាវិទ្យាល័យ មហាវិទ្យាល័យ និងមធ្យមសិក្សាជាង ៧៥% ក្រោយពីបញ្ចប់ការសិក្សា៕

ហាថាញ-លីសៀ

ចែករំលែកអត្ថបទ

ពាក្យគន្លឹះ