ព្រឹត្តិការណ៍ - នយោបាយ ព្រឹត្តិការណ៍

22/08/2022 - 15:28

ដោះស្រាយបញ្ហាជាប់ជំពាក់ក្នុងការកសាងយន្តការ គោលនយោបាយអនុវត្តកម្មវិធីទិសដៅជាតិ

នៅទីស្នាក់ការគណៈកម្មាធិការជនជាតិ រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ទើបដឹកនាំកិច្ចប្រជុំពិភាក្សាស្ដីពីបញ្ហាជាប់ជំពាក់មួយចំនួនក្នុងការកសាងយន្តការ គោលនយោបាយផ្សព្វផ្សាយអនុវត្តកម្មវិធីទិសដៅជាតិ អភិវឌ្ឍន៍សេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១–២០៣០ ដំណាក់កាលទី I ចាប់ពីឆ្នាំ ២០២១- ២០២៥។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ដឹកនាំកិច្ចប្រជុំ។

ក្នុងរយៈពេលកន្លង គណៈកម្មាធិការជនជាតិ បានដឹកនាំ សហការជាមួយក្រសួង ផ្នែក ស្ថាប័នមជ្ឈិមនិងភូមិភាគនានា ធ្វើការត្រួតពិនិត្យ សរុបរាល់ការលំបាក បញ្ហាជាប់ជំពាក់ក្នុងដំណើរផ្សព្វផ្សាយអនុវត្តកម្មវិធី។ ថ្វីបើដូច្នោះក្ដី រហូតមកទល់ពេលនេះ ការផ្សព្វផ្សាយអនុវត្តកម្មវិធីនៅជួបការលំបាកបញ្ហាជាប់ជំពាក់ជាច្រើន អំពីដែនសមត្ថកិច្ចចែងនូវភាគកម្រិតមួយចំនួនក្នុងការប្រើប្រាស់ប្រភពទុនវិនិយោគអភិវឌ្ឍន៍; អំពីគោលនយោបាយជំនួយវិនិយោគមានការប្រមូលយកវិញ; កំណត់ច្បាស់ភូមិសាស្រ្តអនុវត្តគោលនយោបាយចំពោះជនជាតិភាគតិចដែលមានការលំបាកដាច់ដោយឡែក; អំពីការផ្ដល់ជូននូវកាសែត ទស្សនាវដ្តីមួយចំនួន និងការស្រាវជ្រាវផ្លាស់ថ្មីរូបភាពផ្តល់ព័ត៌មាន សមស្របទៅនឹងលក្ខណៈពិសេសរបស់តំបន់ជនជាតិភាគតិចនិងតំបន់ភ្នំ តាមសេចក្តីសម្រេចលេខ ៤៥/QĐ-TTg ចុះថ្ងៃទី ៩ ខែមករា ឆ្នាំ ២០១៩ របស់នាយករដ្ឋមន្ត្រីនៃរដ្ឋាភិបាល។ល។

កិច្ចពិភាក្សាក្នុងអង្គប្រជុំ អ្នកតំណាងចូលរួមក៏បានលើកឡើងវិធានការដំណោះស្រាយសម្រាប់ខ្លឹមសារដែលនៅជាប់ជំពាក់ក្នុងការកសាងយន្តការ គោលនយោបាយអនុវត្តកម្មវិធីទិសដៅជាតិ។

ថ្លែងសរុបសេចក្ដីក្នុងអង្គប្រជុំ រដ្ឋមន្ត្រី ប្រធានគណៈកម្មាធិកាជនជាតិ ហូវអាឡឺន បានកត់សម្គាល់នូវមតិយោបល់ និងសំណើវិធានការដោះស្រាយនូវបញ្ហាលំបាករបស់នាយកដ្ឋាន អង្គភាព។ រដ្ឋមន្ត្រី ប្រធានគណៈកម្មាធិកាជនជាតិ សំណូមពរដល់ការិយាល័យសម្របសម្រួលកម្មវិធីទិសដៅជាតិ អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ គប្បីបង្កើនកិច្ចសហការជាមួយនឹងក្រសួង ផ្នែកនានា ដើម្បីជំរុញល្បឿនដំណើរការ; ដឹកនាំ សហការជាមួយនឹងនាយកដ្ឋាន អង្គភាពពាក់ព័ន្ធ ធ្វើការត្រួតពិនិត្យឡើងវិញរាល់បញ្ហាជាប់ជំពាក់ ពិនិត្យពិច័យ គិតគូរឱ្យបានហ្មត់ចត់អំពីបទដ្ឋាន ភាគកម្រិត មុខសញ្ញា ភូមិសាស្រ្ត ឈរលើស្មារតី ស្របតាមច្បាប់ ត្រឹមត្រូវតាមដែនសមត្ថកិច្ច សមស្របនឹងស្ថានភាពជាក់ស្ដែង៕

យោង៖ ubdt.gov.vn -ថាច់ធី

ចែករំលែកអត្ថបទ

ពាក្យគន្លឹះ