ព្រឹត្តិការណ៍ - នយោបាយ ព្រឹត្តិការណ៍

18/07/2022 - 14:38

សមមិត្ត ហូវអាឡឺន សមាជិកមជ្ឈិមបក្ស រដ្ឋមន្ត្រី ប្រធានគណៈកម្មាធិការជនជាតិ៖

យកចិត្តទុកដាក់អនុវត្តល្អគោលនយោបាយនៅតំបន់ជនជាតិភាគតិច

(កឹងធើ) - គណៈកម្មាធិការជនជាតិ ទើបរៀបចំសន្និបាតអនឡាញក្នុងទូទាំងប្រទេស បូកសរុបការងារជនជាតិក្នុងរយៈពេល ៦ ខែដើមឆ្នាំ និងអនុវត្តភារកិច្ចសម្រាប់ ៦ ខែចុងឆ្នាំ ២០២២។

ទិដ្ឋភាពទាំងមូលនៃអ្នកតំណាងចូលរួមនៅទីតាំងបណ្តាញមជ្ឈិម ។ រូបថត៖ baodantoc.vn

ក្នុងរយៈពេល ៦ ខែកន្លង ការងារជនជាតិ និងការអនុវត្តគោលនយោបាយជនជាតិ ត្រូវបានភូមិភាគយកចិត្តទុកដាក់អនុវត្ត មានភូមិភាគចំនួន ១៩ បានផ្សព្វផ្សាយគោលនយោបាយពិសេសចំនួន ៥៥ សំខាន់គឺទាក់ទងលើវិស័យដូចជា៖ ការវិនិយោគលើការអភិវឌ្ឍហេដ្ឋារចនាសម្ព័ន្ធនៅតាមថូង បាង ដែលនៅជួបការលំបាក; អភិវឌ្ឍន៍ផលិតកម្មកសិកម្ម; អភិរក្សនិងពង្រីកអត្តសញ្ញាណវប្បធម៌ជនជាតិ; ឧបត្ថម្ភសិក្សាសម្រាប់សិស្សជនជាតិភាគតិច; ដំឡើងនាឡិកាទឹកប្រជុំជីវភាព ។ល។ បណ្តាគោលនយោបាយត្រូវបានភូមិភាគនានា ប្រកាសឱ្យប្រើប្រាស់ សំដៅលើកកម្ពស់ជីវភាពសម្ភារៈ និងស្មារតីរបស់ប្រជាជន ធានាសុខុមាលភាពសង្គម និងអភិវឌ្ឍន៍ស្មើភាពគ្នារវាងតំបន់ និងជនជាតិនៅលើភូមិសាស្រ្ត។

បញ្ចប់អង្គសន្និបាត រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន បានស្នើស្ថាប័នដែលបម្រើការងារជនជាតិ គ្រប់ថ្នាក់ ផ្តោតការបញ្ជ្រាបនិងផ្សព្វផ្សាយ អនុវត្តឱ្យបានល្អនូវគោលការណ៍របស់បក្ស រដ្ឋសភា រដ្ឋាភិបាល នាយករដ្ឋមន្ត្រី គណៈកម្មាធិការជនជាតិ ដែលទាក់ទងដល់ការងារជនជាតិ គោលនយោបាយជនជាតិ។ ក្តាប់ច្បាស់លាស់នូវស្ថានភាពរស់នៅរបស់ប្រជាជននៅតំបន់ជនជាតិភាគតិច ដើម្បីធ្វើសេនាធិការបានទាន់ពេលជូនគណៈកម្មាធិការបក្ស រដ្ឋអំណាចភូមិភាគដោះស្រាយ ធានាភាពសុខដុមប្រជាជន។ យកចិត្តទុកដាក់ ពង្រឹងអង្គការចាត់តាំង ធានាបាននូវបរិមាណ និងរចនាសម្ព័ន្ធអង្គភាពផ្សារភ្ជាប់នឹងការបណ្តុះបណ្តាល បំប៉ន លើកកម្ពស់សមត្ថភាព និងទំនួលខុសត្រូវក្នុងកងជួរកម្មាភិបាល។ ពង្រឹងបានល្អនូវតួនាទីរបស់ព្រឹទ្ធាចារ្យភូមិស្រុក និងអ្នកមានប្រជាប្រិយ ដើម្បីពង្រឹងទំនាក់ទំនងជិតស្និទ្ធរវាងប្រជាជនជាមួយនឹងបក្ស រដ្ឋអំណាច។ បង្កើនកិច្ចសហការ លើកកម្ពស់តួនាទីគ្រប់ថ្នាក់ គ្រប់ផ្នែក អំពីស្ថានភាពការងារជនជាតិ និងការអនុវត្តគោលនយោបាយជនជាតិនៅភូមិភាគ។ រដ្ឋមន្ត្រី ប្រធានគណៈកម្មាធិការជនជាតិ ក៏បានស្នើកម្មាភិបាលទទួលបន្ទុកកិច្ចការជនជាតិ គ្រប់លំដាប់ថ្នាក់ គប្បីរៀបចំប្រព័ន្ធភាវូបនីយកម្មអំពីការផ្លាស់ប្តូរឌីជីថល។ យល់ត្រឹមត្រូវនិងពេញលេញ បន្តស្រាវជ្រាវ និងអនុវត្តឱ្យបានល្អនូវសង្គមឌីជីថល ដើម្បីបំពេញការងារសេនាធិការក្នុងការអនុវត្តជាក់ស្តែង ដើម្បីបម្រើជូនជនជាតិភាគតិចបានល្អជាង...៕

ង៉ុកក្វៀង ប្រែសម្រួល៖ វ៉ាន់តឹន

ចែករំលែកអត្ថបទ

ពាក្យគន្លឹះ