កីឡា - ទេសចរណ៍ កីឡា

07/06/2022 - 09:29

ទិដ្ឋភាពដ៏អស្ចារ្យ

ភាពជោគជ័យនៃស៊ីហ្គេមលើកទី ៣១ ដែលរៀបចំនៅប្រទេសវៀតណាម ក្រុមកីឡាប្រទេសម្ចាស់ផ្ទះមិនត្រឹមតែជាប់ចំណាត់ថ្នាក់លេខ ១ ប៉ុណ្ណោះទេ ជាងនេះទៅទៀត នៅទាំងមានទិដ្ឋភាពដ៏អស្ចារ្យបង្កើតជាទំព័រប្រវត្តិសាស្ត្រសម្រាប់អត្តពលិកគ្រប់រូប និងភាពពុះពោររបស់អ្នកគាំទ្រ។

កីឡាការិនីមាស ២ រូបនៃអត្តពលកម្មវៀតណាម។ រូបថត៖ អីុនធឺណិត

នៅទីលានកឹមផា ខេត្តក្វាងនិញ ពណ៌ក្រហមច្រាលចេញពីអ្នកគាំទ្រ ដែលចូលទស្សនាណែនណានតាន់តាប់លើវេទិកាដោយអាវពណ៌ក្រហម ផ្កាលឿង។ កាមេរ៉ារេដល់កន្លែងណាក៏ឃើញអ្នកគាំទ្រមានភាពតានតឹង ខ្សែភ្នែកផ្តោតតាមបាល់របស់នារីមាស ពេលក្រុមបាល់ទាត់នារីវៀតណាមប្រកួតនឹងក្រុមបាល់ទាត់នារីថៃក្នុងវគ្គផ្តាច់ព្រ័ត្រស៊ីហ្គេមលើកទី ៣១។ កីឡាករខ្សែប្រយុទ្ធ ប្រធានក្រុមហ្វិញញ៉ឺ ស៊ុតបាល់បញ្ចូលទីបានមួយគ្រាប់យ៉ាងអស្ចារ្យ ជួយឱ្យក្រុមបាល់ទាត់នារីវៀតណាម លើកទី ២ ឈ្នះមេដាយមាសបីដងជាប់គ្នា។ “អាវពណ៌ក្រហម” ពុះកញ្ជ្រោលពេញទីលានកឹមផា។ រួចដល់ថ្ងៃបន្ទាប់ ភាពពុះកញ្ជ្រោលបានកើតឡើងនៅទីលានមីឌិញ ខណៈពេលក្រុមបាល់ទាត់បុរស U២៣ វៀតណាម បន្តផ្តួលក្រុមបាល់ទាត់បុរស U២៣ ថៃ ដើម្បីទទួលមេដាយមាសផងដែរ។

ង្វៀងឌឹកត្វឹង រំភើបចិត្តពេលសម្រេចពិន្ទុនៅវគ្គចុងក្រោយ ទទួលបានមេដាយមាស។
រូបថត៖ អីុនធឺណិត

ប្រការគួរឱ្យចាប់អារម្មណ៍នោះគឺ ទិដ្ឋភាពដ៏អស្ចារ្យនេះ ត្រូវបានអត្តពលិកនិងអ្នកគាំទ្របង្កើតឡើងនៅគ្រប់កីឡដ្ឋានជាបន្តបន្ទាប់។ មុននោះ គឺទិដ្ឋភាពពុះកញ្ជ្រោលបានកើតឡើងនៅវគ្គពាក់កណ្តាលផ្តាច់ព្រ័ត្រ ពេលក្រុមជម្រើសបាល់ទះបុរសវៀតណាម ផ្តួលក្រុមបាល់ទះថៃ ដោយលទ្ធផល ៣-២ ដើម្បីឈានទៅប្រកួតវគ្គផ្តាច់ព្រ័ត្រ។ ឬទិដ្ឋភាពប្រកួតកីឡាវាយកូនឃ្លីលើតុអត្តពលិក ង្វៀងឌឹកត្វឹង ឈ្នះមេដាយមាសនៅវគ្គផ្តាច់ព្រ័ត្រលើអត្តពលិកថៃ។ ទស្សនិកជនអង្គុយមិនជាប់កៅអីនៅពេលត្វឹងបាត់ ២ ពិន្ទុដើម្បីឈ្នះការប្រកួត ខណៈពេលកំពុងនាំមុខដោយពិន្ទុ១០-៨។ មិនតែប៉ុណ្ណោះ កីឡាករជើងខ្លាំង Phakphoom ក៏ទទួលបាន ៣ ពិន្ទុដើម្បីនាំមុខឡើងវិញ ដោយពិន្ទុ ១១-១០។ ទិដ្ឋភាពដ៏អស្ចារ្យ គឺត្វឹងក្រឡះស្ថានភាពឈ្នះគូប្រកួតដោយពិន្ទុ ១៣-១១ នៅសិតចុងក្រោយ នាំមកមេដាយមាសឯកត្តជន បុរសជូនកីឡាវាយកូនឃ្លីលីតុវៀតណាម បន្ទាប់ពីរង់ចាំអស់រយៈកាល ១៩ ឆ្នាំ។

មេដាយមាសរបស់អត្តពលិកម្នាក់ៗ គឺជាទិដ្ឋភាពដ៏អស្ចារ្យ ដោយសារតែពួកគេប្រឹងហាត់ឥតឈប់ឈរ ធ្វើឱ្យអ្នកគាំទ្រពេញចិត្ត។ ទន្ទឹមនឹងទិដ្ឋភាពទាំងនេះដែរ នៅមានរូបភាពផ្សេងៗ ជាច្រើនទៀតធ្វើឱ្យអ្នកគាំទ្ររឹតតែរំភើបចិត្ត នោះគឺក្រុមជម្រើសកីឡា Taekwondo វៀតណាម បាននាំមកមេដាយមាសចំនួន ៤ គ្រឿងជូនគ្រូបង្វឹកង្វៀងថាញហ្វី ដើម្បីសម្តែងនូវការដឹងគុណ។ ហើយនោះក៏ជារូបភាព ដែលគណៈកម្មការរៀបចំជូនប័ណ្ណសរសើរដល់អត្តពលិកវៀតណាម ២ រូប នោះគឺកីឡាការិនី ង្វៀងធីហ្វៀង នាំមកមេដាយមាសចំនួន ១០ គ្រឿង និងកីឡាការិនីង្វៀងធីវ៉ាន់ នាំមកមេដាយមាសចំនួន ៨ គ្រឿង បន្ទាប់ពីចូលរួមប្រកួតនៅរាល់លើកស៊ីហ្គេម។ ប្រសិនបើតាមដានការប្រកួតនៅពានរង្វាន់ធំៗថ្នាក់តំបន់ ទស្សនិកជនអាចនឹងជួបប្រទះនូវទិដ្ឋភាពដ៏អស្ចារ្យជាងនេះទៅទៀត...៕

ហាថាញ-មុនី

ចែករំលែកអត្ថបទ

ពាក្យគន្លឹះ