ព្រឹត្តិការណ៍ - នយោបាយ ព្រឹត្តិការណ៍

07/06/2022 - 08:59

នាយករដ្ឋមន្ត្រី ផាមមិញជិញ ជំនួបពិភាក្សាជាមួយកសិករ

នាយករដ្ឋមន្ត្រី ផាមមិញជិញ ទើបមានកិច្ចជំនួបពិភាក្សាផ្ទាល់ជាមួយកសិករវៀតណាម ក្រោមប្រធានបទ “ជំនួយកម្លាំង ឧបត្ថម្ភកសិករ ស្តារឡើងវិញ អភិវឌ្ឍន៍កសិកម្មជនបទប្រកបដោយចីរភាព” នៅក្រុងសើុងឡា ខេត្តសើុងឡា។

នាយករដ្ឋមន្ត្រី ផាមមិញជិញ ឆ្លើយសំណួរដែលមាមីងកសិករលើកឡើងក្នុងកិច្ចជំនួប
ពិភាក្សាផ្ទាល់។ រូបថត៖ VGP/ ញ៉ឹកបាក់

អញ្ជើញចូលរួមកិច្ចប្រជុំមានអ្នកតំណាងជាង ៥០០ នាក់ ដែលមានវត្តមានដោយផ្ទាល់នៅមជ្ឈមណ្ឌលសន្និបាតខេត្តសើុងឡា ក្នុងនោះ មានកសិករឆ្នើមចំនួន ២០០ នាក់ តំណាងឱ្យសមាជិកកសិករទូទាំងប្រទេសជាង ១០,២ លាននាក់ ដោយមានកសិករឆ្នើមចំនួន ២៩ នាក់ បានលើកជាសំណួរក្នុងកិច្ចជំនួប ពិភាក្សាផ្ទាល់ជាមួយនាយករដ្ឋមន្ត្រី។

នៅក្នុងឱកាសនេះដែរ រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ឱ្យដឹង៖ តំបន់ជនជាតិភាគតិចស្រូបអត្រា ៣/៤ នៃផ្ទៃដីទូទាំងប្រទេស។ នេះជាកន្លែងមានសក្តានុពលធំធេងខាងវិស័យកសិកម្ម ទេសចរណ៍។ល។ ហើយជាកន្លែងពង្រីកអត្តសញ្ញាណវប្បធម៌ជនជាតិត្រូវបានផ្សព្វផ្សាយយា៉ងខ្លាំងក្លា។ គោលនយោបាយអភិវឌ្ឍន៍ជនបទនិយាយរួម និងតំបន់ជនជាតិភាគតិចនិយាយដោយឡែក កំពុងផ្តល់ឱកាសយ៉ាងធំធេងដល់តំបន់នានា ដូចជា៖ តីបាក់ តីង្វៀង តីណាមបូ។ល។ យោងតាមប្រសាសន៍ រដ្ឋមន្ត្រី ប្រធានគណៈកម្មាធិការជនជាតិ បច្ចុប្បន្ន បក្សនិងរដ្ឋ មានគោលនយោបាយ គម្រោងផ្លាស់ប្តូរឌីជីថលជាច្រើន និងមានសសរស្តម្ភសង្គមឌីជីថល។ មានន័យថា គប្បីធ្វើឱ្យប្រជាជនមានការយល់ដឹង ហើយធ្វើឱ្យចំណេះដឹងវិទ្យាសាស្ត្របច្ចេកទេស ទៅជាចំណេះដឹងរបស់ខ្លួន។ នៅពេលខាងមុខ គណៈកម្មាធិការជនជាតិ នឹងសហការជាមួយក្រសួងវិទ្យាសាស្ត្រនិងបច្ចេកទេស ដាក់បញ្ចូលព័ត៌មានដែលពាក់ព័ន្ធដល់បរិស្ថាន អុីនធឺណិត ដើម្បីប្រជាជនទទួលបានព័ត៌មានយ៉ាងឆាប់រហ័ស។ បញ្ហាចុងក្រោយ គឺផ្លាស់ប្តូរវិធីសាស្ត្របណ្តុះបណ្តាលវិជ្ជាជីវៈ ពង្រីកទូលំទូលាយទម្រង់និងណែនាំដោយរូបភាពផ្ទាល់។

មានប្រសាសន៍បញ្ជាក់នៅក្នុងកិច្ចប្រជុំ នាយករដ្ឋមន្ត្រី ផាមមិញជិញ សំណូមពរគប្បីបន្តធ្វើការបញ្ជ្រាបច្បាស់លាស់អំពីគោលជំហរ តួនាទីយុទ្ធសាស្ត្រសំខាន់ៗរបស់កសិកម្ម កសិករ ជនបទ។ ពង្រីកឧត្តមភាព តួនាទីស្នូលរបស់កសិករក្នុងការអភិវឌ្ឍកសិកម្មជនបទ។ អនុវត្តជោគជ័យទិសដៅឧស្សាហូបនីយកម្ម និងភាវូបនីយកម្មទំនើបប្រទេសជាតិ ត្រូវផ្សារភ្ជាប់នឹងការអភិវឌ្ឍតំបន់ជនបទ និងបង្កើនចំណេះដឹងដល់កសិករ។ ទិសដៅគឺ អភិវឌ្ឍន៍កសិកម្មជីវបរិស្ថាន កសាងជនបទទំនើប កសិករស៊ីវិល័យ។ នាយករដ្ឋមន្ត្រី គូសបញ្ជាក់ សំណូមពរត្រូវលើកកម្ពស់តួនាទី គោលជំហរ សមត្ថភាពធ្វើម្ចាស់របស់កសិករ ពិសេសគឺកម្រិតវិជ្ជាតាមទិសដៅ “ធ្វើឱ្យកសិករមានចំណេះដឹង” ដើម្បីធ្វើជាម្ចាស់បច្ចេកទេស ក្នុងការផលិត ធ្វើអាជីវកម្មនិងអាចធ្វើមានពីកសិកម្ម។ល។

នាយករដ្ឋមន្ត្រី សំណូមពរគ្រប់ក្រសួង គណៈ ផ្នែក ស្ថាប័នពាក់ព័ន្ធ បូកសរុបមតិយោបល់ ធ្វើជាមូលដ្ឋានដើម្បីបន្តការស្រាវជ្រាវ ពិនិត្យពិច័យ កែប្រែ បំពេញបន្ថែម និងធ្វើឱ្យសុក្រឹត យន្តការគោលនយោបាយសម្រាប់កសិកម្ម ជនបទ កសិករ៕

យោង៖ baodantoc.vn -មុនី

ចែករំលែកអត្ថបទ

ពាក្យគន្លឹះ