ព្រឹត្តិការណ៍ - នយោបាយ ព្រឹត្តិការណ៍

23/05/2022 - 15:10

ក្រុងកឹងធើ រៀបចំបុណ្យវិសាខបូជាយ៉ាងមហោឡារិក

(កឹងធើ) គណៈអភិបាលសមាគមពុទ្ធសាសនាវៀតណាមក្រុងកឹងធើ បានរៀបចំបុណ្យវិសាខបូជា ព.ស ២៥៦៦ គ.ស ២០២២ យ៉ាងមហោឡារិក។

សមមិត្ត ត្រឹងថាញ់ម៉ឹង សមាជិកការិយាល័យនយោបាយ អនុប្រធានប្រចាំការនៃរដ្ឋសភា រួមជាមួយនឹងក្រុមការងារថតរូបអនុស្សាវរីយ៍នៅវិទ្យាស្ថានពុទ្ធសាសនាខ្មែរ។ រូបថត៖ អាញយ៉ុង

ក្នុងឱកាសបុណ្យវិសាខបូជា ព្រះឧបជ្ឈាយ៍ ដាវញឺ អនុប្រធានក្រុមប្រឹក្សាភិបាលសមាគមពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាក្រុង អាននូវសារលិខិតបុណ្យវិសាខបូជា ព.ស ២៥៦៦ របស់អគ្គមហាសង្ឃាធិបតីសមាគមពុទ្ធសាសនាវៀតណាម; សង្ឃឹមថា ទូទាំងសមាគមពុទ្ធសាសនា ពង្រីកឱ្យកាន់តែល្អថែមទៀតប្រវេណីការពារមាតុភូមិ ប្រជាជនរស់នៅសុខសាន្ដ រួមដំណើរជាមួយជនជាតិ។ ព្រះសង្ឃ ដូនជីគ្រប់ព្រះអង្គ លើកកម្ពស់ស្មារតីទទួលខុសត្រូវ និងបំពេញល្អតួនាទីយោងលើស្មារតីគោរពវិន័យ-ទទួលខុសត្រូវ-សាមគ្គី-រីកចម្រើន; មិនបង្អង់ធ្វើឱ្យពុទ្ធសាសនារុងរឿង កសាងសមាគមពុទ្ធសាសនារឹងមាំ បន្តរួមចំណែកយ៉ាងសំខាន់ក្នុងផែនមហាសាមគ្គីទូទាំងជនជាតិ; សកម្មក្នុងបុព្វហេតុកសាងនិងការពារមាតុភូមិ។

ព្រះតេជព្រះគុណ ថិតប៊ិញតឹម សមាជិកក្រុមប្រឹក្សាភិបាល សមាគមពុទ្ធសាសនាវៀតណាម អនុប្រធានប្រចាំការនៃគណៈអភិបាលសមាគមពុទ្ធសាសនាវៀតណាមក្រុង អានសុន្ទរកថា បុណ្យវិសាខបូជារបស់ព្រះឧបជ្ឈាយ៍ ប្រធានក្រុមប្រឹក្សាភិបាល សមាគមពុទ្ធសាសនាវៀតណាម។

ក្នុងឱកាសបុណ្យវិសាខបូជានេះដែរ លោកង្វៀងធឹកហៀង អនុប្រធានគណៈកម្មាធិការប្រជាជនក្រុងកឹងធើ បានថ្លែងអបអរសាទរបុណ្យវិសាខបូជា; ប្រសិទ្ធពរដល់ព្រះមន្រ្តីសង្ឃ ព្រះសង្ឃ ដូនជីគ្រប់ព្រះអង្គ មួយអន្លើដោយពុទ្ធបរិស័ទអំណរបុណ្យវិសាខបូជាប្រកបដោយសេចក្ដីសុខចម្រើន ការងារពុទ្ធសាសនាជោគជ័យល្អប្រសើរ។ ព្រមជាមួយនោះ ស្ងើចសរសើរចំពោះអ្នកមុខអ្នកការសាសនា ពុទ្ធបរិស័ទដែលមានស្នាដៃរួមចំណែករួមជូនដល់ក្រុង ពិសេសគឺក្នុងការងារបង្ការ ប្រឆាំងជំងឺ COVID-១៩ ធានាសុខុមាលភាពសង្គមក្នុងរយៈពេលកន្លង។ សមមិត្តសង្ឃឹមថា រយៈពេលខាងមុខ ព្រះមន្រ្តីសង្ឃ ព្រះសង្ឃ ដូនជីគ្រប់ព្រះអង្គនិងពុទ្ធបរិស័ទក្នុងក្រុង បន្តអនុវត្តល្អគោលលំនាំ “សាសនា-ជនជាតិ-លទ្ធិសង្គមនិយម”; ពង្រីកស្មារតីសាមគ្គី ប្រវេណីល្អប្រសើរនៃពុទ្ធសាសនាវៀតណាម; រួមដំណើរជាមួយបក្ខភាគ រដ្ឋអំណាចនិងប្រជាជនក្រុង អនុវត្តប្រកបដោយប្រសិទ្ធភាពរាល់ចលនាប្រឡងប្រណាំងស្នេហាជាតិ ស្ដារនិងអភិវឌ្ឍន៍សេដ្ឋកិច្ច ក្រោយពីជំងឺ COVID-១៩ រួមចំណែកកសាងក្រុងកឹងធើឱ្យកាន់តែល្អស្អាត ជឿនលឿនពីមួយថ្ងៃទៅមួយថ្ងៃ។

មុននោះ មានក្រុមការងារជាច្រើនរបស់ថ្នាក់ដឹកនាំមជ្ឈិម ក្រុងកឹងធើ អញ្ជើញទៅសួរសុខទុក្ខ អបអរសាទរព្រះសង្ឃ ដូនជី ពុទ្ធបរិស័ទក្នុងឱកាសបុណ្យវិសាខបូជាលើភូមិសាស្រ្តក្រុងផងដែរ៕

យោង៖ កាសែតកឹងធើភាសាវៀត-ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ