ព្រឹត្តិការណ៍ - នយោបាយ ព្រឹត្តិការណ៍

09/05/2022 - 14:24

វត្តសិរីមង្គល (ជ្រុងខ្មែរ) បានទទួលស្គាល់ជាកេរដំណែលថ្នាក់ខេត្ត

(កាម៉ាវ) មន្ទីរវប្បធម៌ កីឡានិងទេសចរណ៍ខេត្តកាម៉ាវ ទើបសហការជាមួយនឹងគណៈកម្មាធិការប្រជាជនស្រុកថើយប៊ិញ រៀបចំពិធីទទួលបណ្ណទទួលស្គាល់ជាកេរដំណែលប្រវត្តិសាស្ត្រថ្នាក់ខេត្ត សម្រាប់វត្តសិរីមង្គល (ជ្រុងខ្មែរ) ។

ព្រះតេជព្រះគុណ ហ៊ឺវញ៉េវ ទទួលបណ្ណទទួលស្គាល់វត្តសិរីមង្គល (ជ្រុងខ្មែរ)
ជាកេរដំណែលប្រវត្តិសាស្ត្រថ្នាក់ខេត្ត។

វត្តសិរីមង្គល (ជ្រុងខ្មែរ) មានទីតាំងនៅភូមិដឿងដាវ ឃុំហូធីកី ស្រុកថើយប៊ិញ ចម្ងាយពីក្រុងកាម៉ាវ ប្រមាណ ១៧ គីឡូម៉ែត្រ។ វត្តមានបរិវេណទំហំជិត ៣ ហិកតា ដោយមានដើមឈើធំៗជាច្រើន មានអាយុកាលជាង ១០០ ឆ្នាំ ។ ព្រះវិហារ កុដិ សាលា ត្រូវបានកសាងតាមក្បូរក្បាច់រចនាស្ថាបត្យកម្មខ្មែរ។ ផ្ទាំងគំនូរនៅលើជញ្ជាំង ព្រះវិហារល្អវិចិត្រ ត្រូវបានវិចិត្រករខ្មែររចនាពណ៌នាពីពុទ្ធប្បវត្តិ។

ក្នុងដំណើរការកសាងនិងអភិវឌ្ឍវត្តសិរីមង្គល (ជ្រុងខ្មែរ) បានរួមចំណែកដ៏សំខាន់ជាច្រើនក្នុងបុព្វហេតុតស៊ូរំដោះប្រទេសជាតិ ឯកភាពទឹកដី។ ក្នុងសម័យសង្គ្រាម វត្តនៅទាំងអនុវត្តល្អទាំងការងារសាសនា និងការងារសង្គម គឺជាមូលដ្ឋានបដិវត្តន៍ដ៏រឹងមាំ និងជាកន្លែងឃោសនាផ្សព្វផ្សាយពីគោលការណ៍ គោលមាគ៌ារបស់បក្សដល់មាមីងពុទ្ធបរិស័ទ៕

យោង៖ baodantoc.vn -មុនី

ចែករំលែកអត្ថបទ

ពាក្យគន្លឹះ