ព្រឹត្តិការណ៍ - នយោបាយ ព្រឹត្តិការណ៍

26/04/2022 - 08:33

សិក្ខាសាលាពិគ្រោះយោបល់គម្រោង “កំណត់សមាសភាគ ឈ្មោះហៅជនជាតិមួយចំនួន និងកសាងបញ្ជីឈ្មោះបណ្ដាជនជាតិវៀតណាម”

នៅក្រុងឡាវកាយ គណៈកម្មាធិការជនជាតិ សហការជាមួយនឹងគណៈកម្មាធិការប្រជាជនខេត្តឡាវកាយ ទើបរៀបចំសិក្ខាសាលាពិគ្រោះយោបល់គម្រោង “កំណត់សមាសភាគ ឈ្មោះហៅជនជាតិមួយចំនួន និងកសាងបញ្ជីឈ្មោះបណ្ដាជនជាតិវៀតណាម”។

 ទិដ្ឋភាពនៃអង្គសិក្ខាសាលា។

ឆ្នាំ ១៩៧៩ ផ្អែកលើមូលដ្ឋានធ្វើអង្កេត ស្រាវជ្រាវរបស់វិទ្យាស្ថានជនជាតិវិទ្យាសភា បណ្ឌិតវិទ្យាសាស្រ្តសង្គមវៀតណាម ឯកភាពជាមួយនឹងគណៈកម្មាធិការជនជាតិ លើកជូនរដ្ឋាភិបាល និងបានរដ្ឋាភិបាលប្រគល់សិទ្ធិឱ្យអគ្គនាយកដ្ឋានស្ថិតិ ចុះហត្ថលេខាអនុញ្ញាតឱ្យប្រើប្រាស់ “បញ្ជីឈ្មោះបណ្ដាជនជាតិវៀតណាម”។ ទោះបីដូច្នោះក៏ដោយ ផ្អែកលើភាពជាក់ស្ដែងនៃការផ្សព្វផ្សាយអនុវត្តនៅមូលដ្ឋាន គណៈកម្មាធិការជនជាតិទទួលបានមតិយោបល់ជាច្រើន លិខិតបទដ្ឋានរបស់ក្រសួង គណៈ ផ្នែក និងភូមិភាគនានា។ល។ អំពីបញ្ហាប្រឈមដែលជាប់ពាក់ព័ន្ធនឹងឈ្មោះហៅ របៀបសរសេរសមាសភាគជនជាតិក្នុងលិខិតសម្គាល់ខ្លួនរបស់ពលរដ្ឋ។

ខេត្ត ក្រុងជាច្រើន បានប្រើប្រាស់ឈ្មោះហៅ សមាសភាគជនជាតិក្នុងឯកសាររដ្ឋបាល ដែលមិនទាន់មានការឯកភាពជាមួយស្ថាប័នមជ្ឈិម។ល។ ចំពោះមុខបញ្ហាខ្វះចន្លោះនេះ កាលពីថ្ងៃទី ១/១/២០១៨ រដ្ឋាភិបាលបានប្រកាសដាក់ចេញសេចក្ដីសម្រេចលេខ ០១/NQ-CP ប្រគល់ឱ្យគណៈកម្មាធិការជនជាតិដឹកនាំ សហការជាមួយនឹងស្ថាប័នដែលជាប់ពាក់ព័ន្ធ កសាងគម្រោង “កំណត់សមាសភាគ ឈ្មោះហៅជនជាតិមួយចំនួននិងកសាងបញ្ជីឈ្មោះបណ្ដាជនជាតិវៀតណាម” ដាក់ជូនថ្នាក់មានសមត្ថកិច្ចតាមសេចក្ដីកំណត់។ ដើម្បីបំពេញបន្ថែមមូលដ្ឋានជាក់ស្ដែង បន្តអនុវត្តឱ្យបានរួចរាល់ សំណុំបែបបទរបស់គម្រោង គណៈកម្មាធិការជនជាតិ បានកំពុងនិងបន្តទទួលយកយោបល់របស់ក្រុមអ្នកវិទ្យាសាស្រ្ត អ្នកមានប្រជាប្រិយ ព្រឹទ្ធាចារ្យភូមិ ប្រធានភូមិ។ល។ ហើយផ្ដើមពីនោះ ដើម្បីមានការឯកភាពក្នុងការសរសេរ ឈ្មោះហៅជនជាតិមួយចំនួន។

ក្នុងអង្គសិក្ខាសាលា អ្នកតំណាងទាំងឡាយបានធ្វើបទអន្តរាគមន៍ មានយោបល់ជុំវិញប្រវត្តិនៃឈ្មោះហៅ របៀបសរសេររបស់ជនជាតិមួយចំនួនក្នុងសហគមន៍ និងមូលដ្ឋានវិទ្យាសាស្រ្តអំពីឈ្មោះហៅ របៀបសរសេរនេះ។

មានប្រសាសន៍ក្នុងសិក្ខាសាលា អនុរដ្ឋមន្រ្តី អនុប្រធានគណៈកម្មាធិការជនជាតិ ហ្វាងធីហាញ់ វាយតម្លៃខ្ពស់ចំពោះមតិយោបល់ដែលបានចូលរួម ពិគ្រោះយោបល់របស់អ្នកតំណាងទាំងឡាយដែលបានចូលរួមក្នុងសិក្ខាសាលា។ ទន្ទឹមនឹងនោះ មានការអះអាងរាល់មតិយោបល់នេះបង្ហាញ់ច្បាស់ពីការអស់ពីចិត្ត ស្រាវជ្រាវយ៉ាងផ្ចិតផ្ចង់អំពីភាសា អក្សរសាស្រ្ត ឈ្មោះហៅរបស់ជនជាតិមួយចំនួន។ នេះគឺជាមូលដ្ឋានដ៏សំខាន់ ជួយដល់គណៈចង្អុលការកសាងគម្រោង ស្រាវជ្រាវ កែសម្រួលឱ្យសមស្របដើម្បីដាក់ជូនគណៈលេខា ការិយាល័យនយោបាយក្នុងពេលខាងមុខ ជាមួយនឹងទិសដៅឈានដល់ការឯកភាពរួមក្នុងការសរសេរ ឈ្មោះហៅ ចំពោះជនជាតិមួយចំនួនក្នុងរយៈពេលខាងមុខ៕

ប្រភពៈ baodantoc.vn - ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ