ព្រឹត្តិការណ៍ - នយោបាយ ព្រឹត្តិការណ៍ - នយោបាយ

18/04/2022 - 14:52

បង្ហាញមុខការិយាល័យសម្របសម្រួលកសិកម្ម ជនបទតំបន់វាលរាបទន្លេគឺវឡុង

នៅក្រុងកឹងធើ រដ្ឋមន្រ្តីក្រសួងកសិកម្ម និងអភិវឌ្ឍន៍ជនបទ លោកឡេមិញហ្វាង ទើបដឹកនាំកិច្ចប្រជុំនៃគណៈចង្អុលការកសិកម្ម ជនបទតំបន់វាលរាបទន្លេគឺវឡុង ដំណាក់កាល ២០២០-២០២៥ និងពិធីបង្ហាញមុខការិយាល័យសម្របសម្រួលកសិកម្ម ជនបទតំបន់វាលរាបទន្លេគឺវឡុង (ហៅកាត់ថា ការិយាល័យសម្របសម្រួល)។

រដ្ឋមន្រ្តីកសិកម្មនិងអភិវឌ្ឍន៍ជនបទ លោកឡេមិញហ្វាង ថ្លែងយោបល់
ចង្អុលការក្នុងអង្គប្រជុំ។

ការិយាល័យសម្របសម្រួល បង្កើតតាមសេចក្តីសម្រេចលេខ ១០៧២/QĐ-BNN-TCCB ចុះថ្ងៃទី ២៣ ខែមីនា ឆ្នាំ ២០២២ របស់ក្រសួងកសិកម្មនិងអភិវឌ្ឍន៍ជនបទ។ ការិយាល័យសម្របសម្រួលមានភារកិច្ចធ្វើសេនាធិការស្នើទៅគណៈចង្អុលការកសិកម្ម ជនបទតំបន់វាលរាបទន្លេគឺវឡុង និងរដ្ឋមន្រ្តី ក្រសួងកសិកម្មនិងអភិវឌ្ឍន៍ជនបទ អំពីយន្តការ គោលនយោបាយ ផែនការ កម្មវិធី ភារកិច្ចប្រកបដោយលក្ខណៈចងសម្ព័ន្ធតំបន់និងអភិវឌ្ឍន៍ដោយចីរភាពតំបន់វាលរាបទន្លេគឺវឡុង សុាំនឹងការបម្រែបម្រួលអាកាសធាតុ។ ទន្ទឹមនឹងនោះ ជួយឱ្យគណៈចង្អុលការកសិកម្ម ជនបទតំបន់វាលរាបទន្លេគឺវឡុង ចង្អុលការសម្របសម្រួល ជំរុញសកម្មភាពចងសម្ព័ន្ធតំបន់និងអនុតំបន់ផលិតកម្ម ដើម្បីជំរុញសេដ្ឋកិច្ចកសិកម្ម បង្កើនទាំងតម្លៃកសិផលនិងប្រាក់ចំណូលជូនកសិករ សហករណ៍និងអាជីវកម្មកសិកម្ម; ធ្វើសេនាធិការជូនគណៈចង្អុលការកសិកម្ម ជនបទតំបន់វាលរាបទន្លេគឺវឡុង សហការជិតស្និទ្ធជាមួយភូមិភាគសម្របសម្រួលនូវខ្លឹមសារ កម្មវិធី តាមកិច្ចចង្អុលការរបស់ក្រសួងនិងនាយករដ្ឋមន្រ្តីនៃរដ្ឋាភិបាល។ល។ ការិយាល័យសម្របសម្រួល មានទីស្នាក់ការនៅអាសយដ្ឋានលេខ ៩B ផ្លូវកាច់ម៉ាងថាងតាមខ័ណ្ឌនិញកេវ ក្រុងកឹងធើ។

យោងតាមរដ្ឋមន្រ្តី ឡេមិញហ្វាង តំបន់វាលរាបទន្លេគឺវឡុង បើចង់អភិវឌ្ឍន៍ប្រកបដោយចីរភាព ត្រូវមានការផ្លាស់ប្តូរក្នុងការរៀបចំផលិតកម្មឡើងវិញ រៀបចំទីផ្សារប្រើប្រាស់និងរៀបចំឡើងវិញប្រព័ន្ធជីវបរិស្ថាននៃមុខទំនិញជាក់ស្តែងនីមួយៗ។ ពិសេស ក្នុងប្រព័ន្ធជីវបរិស្ថានគប្បីមានការចងសម្ព័ន្ធ សហការព្រមៗគ្នា រវាងភាគីជាប់ទាក់ទិនដល់អ្នកគ្រប់គ្រង អ្នកវិទ្យាសាស្រ្ត អាជីវកររហូតដល់កសិករ និងអ្នកសារព័ត៌មាន។ល។ ដើម្បីអនុវត្តល្អការចងសម្ព័ន្ធតំបន់និងចងសម្ព័ន្ធតំបន់វាលរាបទន្លេគឺវឡុង រដ្ឋមន្រ្តី គូសបញ្ជាក់ គប្បីមានកិច្ចសហការល្អរវាងមណ្ឌលសាធារណៈនិងឯកជន បង្កើនការចងសម្ព័ន្ធបញ្ញវន្ត ពង្រីកល្អបរិយាកាសនៃការចងសម្ព័ន្ធ កម្លាំងបញ្ញវន្ត ទីផ្សារ៕

ដំណឹងនិងរូបថត៖ ខាញ់ទ្រុង-មុនី 

ចែករំលែកអត្ថបទ

ពាក្យគន្លឹះ