ព្រឹត្តិការណ៍ - នយោបាយ ព្រឹត្តិការណ៍

11/04/2022 - 16:59

ក្រុង​កឹង​ធើ ប្រារព្ធ​ពិធី​សម្ពោធ​វិហារ​សក្ការ​បូជា​ ក្សត្រ​ហ៊ុង យ៉ាង​មហោឡារិក​

(កឹង​ធើ) កាល​ពី​រាត្រី​ថ្ងៃ​ទី ៦ ខែមេសា​ នៅ​សង្កាត់​ប៊ិញ​ធ្វី ខណ្ឌ​ប៊ិញ​ធ្វី ក្រុង​កឹង​ធើ គណៈ​កម្មា​ធិការ​ប្រ​ជា​ជន​ក្រុង​កឹង​ធើ បាន​ប្រារព្ធ​ពិធី​សម្ពោធ​វិហារ​សក្ការ​បូជា​ក្សត្រ​ហ៊ុង យ៉ាង​មហោ​ឡា​រិក​។​

ទិដ្ឋ​ភាព​ជ្រុង​ម្ខាង​នៅ​វិហារ​សក្ការ​បូជា​ក្សត្រ​ហ៊ុង។​  រូប​ថត​៖ យ្វីខូយ

វិហារ​សក្ការ​បូជា​ក្សត្រ​ហ៊ុង ​នៅ​ក្រុង​កឹង​ធើ ​ចាប់​ផ្ដើម​កសាង​កាល​ពី​ថ្ងៃ​ទី ​១៨ ​ខែមិថុនា​ ឆ្នាំ​ ២០១៩។​ សំ​ណង់​ត្រូវ​បាន​សាង​សង់​លើ​ផ្ទៃ​ដី​ ៤ ហិក​តា​ មាន​ទីតាំង​ស្ថិត​នៅ​មណ្ឌល​ ៧ សង្កាត់​ប៊ិញ​ធ្វី ខណ្ឌ​ប៊ិញ​ធ្វី ជា​ទីតាំង​មួយ​ ប្រ​កប​ដោយ​ភាព​សម​រម្យ​ ងាយ​ស្រួល​សម្រាប់​ប្រ​ជា​ជន​ និង​ភ្ញៀវ​ទេស​ចរ​មក​ទស្សនា​កម្សាន្ត​ អុជ​ធូប​គោ​រព​បូជា​។​ សំ​ណង់​វិហារ​សក្ការ​បូជា​ ក្សត្រ​ហ៊ុង មាន​ផ្នែក​សំ​ណង់​សំ​ខាន់​ៗ​ជាច្រើន​ ដូច​ជា​៖ ខ្លោង​ទ្វារ​វិហារ​សក្ការ​បូជា​ អគារ​ សិលា​ចារឹក​ អគារ​ទីចាត់​ការ​ទីធ្លា ផ្លូវ​ដើរ​ ដើម​ឈើ​ កម្រាល​ស្មៅ​។​ល។​ សំ​ណង់​វិហារ​សក្ការ​បូជា​ មាន​ខឿន​សណ្ឋាន​ ៤ ជ្រុង​អម​ដោយ​កស្សិណ​ទឹក​មូល​ព័ទ្ធ​ជុំ​វិញ​ តំ​ណាង​ឱ្យ​ទ្រឹស្ដី​ “មេឃ​មូល​ ដី​បួន​ជ្រុង​ស្មើ​” បន្ទះ​ដងធ្នូ ១៨ ផ្ទាំង​ព័ទ្ធ​ជុំ​វិញ​ តំ​ណាង​រជ្ជ​កាល​ក្សត្រ​ហ៊ុង ១៨ ជំ​នាន់​។​ ខាង​ក្នុង​ស្រះ​ទឹក​មាន​បង្គោល​ថ្ម ៥៤ ដើម​ តំ​ណាង​ឱ្យ​សហ​គមន៍​ជន​ជាតិ​បង​ប្អូន​ទាំង​ ៥៤ នៅ​លើ​ទឹក​ដី​វៀត​ណាម​ ព្រម​ជា​មួយ​នោះ​ ក៏​បង្ហាញ​នូវ​ការ​គួប​ផ្សំ​វប្ប​ធម៌​ព្រែក​ទន្លេ​តំ​បន់​វាល​ទំ​នាប។​ ការ​សម្ពោធ​សំ​ណង់​ វិហារ​សក្ការ​បូជា​ក្សត្រ​ហ៊ុង​នៅ​ក្រុង​កឹង​ធើ ជា​ការ​នាំ​មក​នូវ​ក្ដី​រីក​រាយ​ កិត្តិ​យស និង​មោទន​ភាព​យ៉ាង​ក្រៃ​លែង​ ដោយ​សារ​សំ​ណង់​វប្ប​ធម៌​ ជំនឿ​ដ៏​ពិសេស​នេះ​ បាន​កសាង​រួច​រាល់​និង​ឆ្លើយ​តប​តាម​ការ​ទន្ទឹង​រង់​ចាំ​ តម្រូវ​ការ​គោរព​ជំនឿ​របស់​ប្រ​ជា​ជន​នៅ​កឹង​ធើ​និយាយ​ដោយ​ឡែក​ និង​បណ្ដាខេត្ត​ ក្រុង​តំ​បន់​វាល​រាប​ទន្លេ​គឺ​វឡុង​និយាយ​រួម​៕​

                              វ៉ាន់​យ៉ុង - ថាច់​ធី

ចែករំលែកអត្ថបទ