ព្រឹត្តិការណ៍ - នយោបាយ ព្រឹត្តិការណ៍

07/02/2022 - 14:20

ពង្រីកតួនាទីព្រះសង្ឃ បព្វជិតសមាគមពុទ្ធសាសនាវៀតណាម ក្នុងការកសាងធ្លុងមហាសាមគ្គីទូទាំងជនជាតិ

នៅហាណូយ គណៈប្រចាំការនៃគណៈកម្មាធិការមជ្ឈិមរណសិរ្សមាតុភូមិវៀតណាម ក្រសួងមហាផ្ទៃ និងសមាគមពុទ្ធសាសនាវៀតណាម បានសហការរៀបចំសិក្ខាសាលាវិទ្យាសាស្ត្រតាមប្រព័ន្ធអនឡាញ “ពង្រីកតួនាទីព្រះសង្ឃ បព្វជិតសមាគមពុទ្ធសាសនាវៀតណាម ក្នុងការកសាងធ្លុងមហាសាមគ្គីទូទាំងជនជាតិ”។

ទិដ្ឋភាពនៃអង្គសិក្ខាសាលាធ្វើឡើងតាមប្រព័ន្ធអនឡាញ។

យោងតាមគណៈកម្មាធិការមជ្ឈិមរណសិរ្សមាតុភូមិវៀតណាម ប៉ុន្មានឆ្នាំកន្លង ព្រះសង្ឃ បព្វជិតសមាគមពុទ្ធសាសនាវៀតណាម តែងអនុវត្តត្រូវតាមគោលលំនាំ ប្រតិបត្តិតាមគោលការណ៍នៃសមាគមពុទ្ធសាសនា នោះគឺ៖ ព្រះធម៌-ជនជាតិ-លទ្ធិសង្គមនិយម។ ដូច្នេះ ព្រះសង្ឃ បព្វជិតសមាគមពុទ្ធសាសនាវៀតណាម បានខិតខំចូលរួមជ្រោមជ្រែងក្នុងការចលនា ប្រឡងប្រណាំងស្នេហាជាតិ អាស្រ័យដោយរណសិរ្សមាតុភូមិវៀតណាមបំផុស; សកម្មចូលរួមរាល់សកម្មភាពសុខាភិបាល អប់រំ និងសប្បុរសធម៌; ចូលរួមការពារបរិស្ថាននិងទប់ស្កាត់នឹងការប្រែប្រួលអាកាសធាតុ៘ ពិសេស ក្នុងរយៈពេល ២ ឆ្នាំកន្លង សមាគមពុទ្ធសាសនា គ្រប់លំដាប់ថ្នាក់ បានសកម្មចូលរួមតាមការអំពាវនាវរបស់បក្ស រដ្ឋ និងគណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម អំពី“ទូទាំងប្រជាជន សាមគ្គីបញ្ចេញកម្លាំង បង្ការ ប្រឆាំងជំងឺ Covid-១៩” ដោយមានវិធីធ្វើល្អៗជាច្រើន គំនិតច្នៃប្រតិដ្ឋ ប្រសិទ្ធភាព ដូច៖ ចលនាអ្នកមុខអ្នកការ ព្រះសង្ឃ ពុទ្ធបរិស័ទ អនុវត្តនូវវិធានការបង្ការប្រឆាំងជំងឺរាលដាល; អ្នកមុខអ្នកការរាប់រយរូប និងបព្វជិត បានរួមដំណើរនិងស្ម័គ្រចិត្តចូលរួមការងារក្នុងតំបន់ផ្ទុះជំងឺ; ចលនាគាំទ្រទឹកប្រាក់រាប់ពាន់លានដុង និងគ្រឿងឧបភោគបរិភោគរាប់សិបពាន់តោន សម្ភារៈបរិក្ខារពេទ្យនិងអំណោយរាប់លានចំណែក និងកញ្ចប់សុខុមាលភាពដើម្បីព្រួតដៃរួមជាមួយទូទាំងបក្ស ទូទាំងប្រជាជន និងទូទាំងកងទ័ពបង្ការ ប្រឆាំងជំងឺ Covid-១៩។ “ទង្វើដែលមានប្រយោជន៍ជាតិ ប្រយោជន៍ប្រជាជន អនុវត្តល្អសង្គម ប្រតិបត្តិល្អសាសនា ត្រូវបានប្រជាជនយល់ស្រប ផ្សារភ្ជាប់ធ្លុងមហាសាមគ្គីទូទាំងជនជាតិកាន់តែរឹងមាំ” អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ង៉ោសិតថឹក សង្កត់ធ្ងន់ដូច្នេះ។

នៅអង្គសិក្ខាសាលា រាល់បទអន្តរាគមន៍ បានផ្តោតសំខាន់លើការឆ្លុះបញ្ចាំងពីតថភាព ជាក់ស្ដែងដែលព្រះសង្ឃ បព្វជិត សមាគមពុទ្ធសាសនាវៀតណាម; បង្ហាញច្បាស់ពីឋានៈ តួនាទីរបស់ព្រះសង្ឃ បព្វជិតនិងសមាគមពុទ្ធសាសនាវៀតណាមគ្រប់លំដាប់ថ្នាក់ក្នុងការកសាងធ្លុងមហាសាមគ្គីទូទាំងជនជាតិ។ រាល់មតិយោបល់ក៏បានលើកឡើងពីកាលានុវត្តភាព បញ្ហាប្រឈមរបស់សមាគមពុទ្ធសាសនា ចំពោះនិន្នាការនៃភាពអសកម្មដែលសាសនា កំពុងប្រឈមយ៉ាងខ្លាំងនាបច្ចុប្បន្ន។ ផ្តើមពីនោះ បានដាក់ស្នើនូវដំណោះស្រាយ សំដៅពង្រីកតួនាទីរបស់ព្រះសង្ឃ បព្វជិតសមាគមពុទ្ធសាសនាវៀតណាម ក្នុងការកសាងធ្លុងមហាសាមគ្គីទូទាំងជនជាតិកាន់តែរឹងមាំ។

ព្រះឧបជ្ឈាយ៍ ធឹតថៀងញើង ប្រធានក្រុមប្រឹក្សាភិបាលនៃសមាគមពុទ្ធសាសនាវៀតណាម គូសបញ្ជាក់៖ គ្រប់ដំណាក់កាលនៃប្រវត្តិសាស្ត្រ រាល់ស្ថានភាពនៃការបត់បែនរបស់ប្រទេសជាតិ ស្មារតីសាមគ្គីជនជាតិ-សាសនា បានពង្រីកយ៉ាងច្បាស់និងខ្ពស់បំផុត ក្លាយជាប្រភពកម្លាំង ដើម្បីព្រះពុទ្ធសាសនារួមជាមួយជនជាតិយើងឆ្លងកាត់រាល់ការលំបាក សាកល្បង។ យុគៈសម័យហូជីមិញ ក្នុងដំណើរការសកម្មភាពរយៈពេល ៤០ ឆ្នាំនៃសមាគមពុទ្ធសាសនាវៀតណាម ជាមួយគោលលំនាំគឺ៖ “ព្រះធម៌-ជនជាតិ-លទ្ធិសង្គមនិយម” ប្រៀបបានដូចខ្សែអំបោះក្រហមជាប់ហូរហែ បង្ហាញពីស្មារតីនៃការចូលរួមរបស់ព្រះពុទ្ធសាសនាវៀតណាម ជាងអ្វីៗទាំងអស់ កម្លាំងទាំងនោះ ត្រូវបានជាសាក្សីរស់ ប្រត្យក្សក្នុងការងារសប្បុរសធម៌ សុខុមាលភាពសង្គម ពេលមានគ្រោះទឹកជំនន់ឬគ្រោះធម្មជាតិម្តងៗ។ ជាពិសេស គឺនៅពេលដែលទូទាំងប្រទេសព្រួតដៃបង្ការ ប្រឆាំងនឹងជំងឺ COVID-១៩៘ ព្រះឧបជ្ឈាយ៍ ធឹតថៀងញើង មានថេរដីកា៖ រាល់មតិយោបល់នៅក្នុងអង្គសិក្ខាសាលា នឹងជួយសមាគមពុទ្ធសាសនាវៀតណាមជាថ្មីម្តងទៀត អំណះអំណាងពីស្មារតី “សាមគ្គី-បង្រួបបង្រួម-បម្រើ ប្រទេសជាតិ-ការពារសន្តិភាព”; ពង្រឹងទិសដៅបង្កើនការចលនា កសាងធ្លុងមហាសាមគ្គីក្នុងព្រះសង្ឃ បព្វជិត ពុទ្ធសាសនិកក្នុងនិងក្រៅប្រទេស បន្តការខិតខំកសាងប្រទេសជាតិកាន់តែសម្បូរសប្បាយ អភិវឌ្ឍជីវភាពវប្បធម៌ សីលធម៌ជឿនលឿន។ នេះគឺជាកម្លាំងចលករពង្រីកតួនាទីរបស់ព្រះសង្ឃ បព្វជិត ពុទ្ធសាសនិកនៃពុទ្ធសាសនាវៀតណាម ក្នុងការកសាងនិងការពារមាតុប្រទេសវៀតណាម។

អង្គសិក្ខាសាលាវិទ្យាសាស្ត្រ “ពង្រីកតួនាទីរបស់ព្រះសង្ឃ បព្វជិតសមាគមពុទ្ធសាសនាវៀតណាម ក្នុងការកសាងធ្លុងមហាសាមគ្គីទូទាំងជនជាតិ” ដើម្បីផ្សព្វផ្សាយកម្មវិធីសហការ និងឯកភាពការងាររបស់រណសិរ្សមាតុភូមិវៀតណាម អនុវត្តសេចក្តីសម្រេចចិត្តទូទាំងប្រទេស លើកទី VIII និងឆ្ពោះទៅអបអរសាទរមហាសន្និបាតតំណាងពុទ្ធសាសនាទូទាំងប្រទេស លើកទី IX អាណត្តិកាល ២០២២-២០២៧៕

កាសែតកឹងធើភាសាខ្មែរ - ប្រែសម្រួល៖លីសៀ

ចែករំលែកអត្ថបទ

ពាក្យគន្លឹះ