ព្រឹត្តិការណ៍ - នយោបាយ ព្រឹត្តិការណ៍

24/01/2022 - 08:40

នាយករដ្ឋមន្ត្រី ចង្អុលការគណៈកម្មាធិការជនជាតិ អនុវត្តបណ្តាគោលនយោបាយចំពោះជនជាតិភាគតិចក្នុងឱកាសបុណ្យចូលឆ្នាំថ្មីញ៉ឹមយឹង

ឧបនាយករដ្ឋមន្ត្រីប្រចាំការនៃរដ្ឋាភិបាល ផាមប៊ិញមិញ ទើបបានចុះហត្ថលេខា ចែងជាធរមានបទបញ្ជាលេខ ៣៥/CT-TTg ចុះថ្ងៃទី ៣១ ខែធ្នូ ឆ្នាំ ២០២១ របស់នាយករដ្ឋមន្ត្រី ស្តីពីការពង្រឹងវិធានការធានាការទទួលអំណរបុណ្យចូលឆ្នាំថ្មីញ៉ឹមយឹង ឆ្នាំ ២០២២ ប្រកបដោយភាពសប្បាយរីករាយ មានប្រយោជន៍ សុវត្ថិភាពនិងប្រិតសំចៃ។

អនុរដ្ឋមន្ត្រី ឡេសើុងហាយ ជូនអំណោយ និងជូនពរឆ្នាំថ្មីដល់អ្នកមានប្រជាប្រិយនៅទីក្រុងហូជីមិញ។

តាមនោះ នាយករដ្ឋមន្ត្រីបានប្រគល់ឱ្យគណៈកម្មាធិការជនជាតិធ្វើជាអធិបតី សហការជាមួយក្រសួង ផ្នែក និងភូមិភាគនានា រៀបចំទទួលបដិសណ្ឋារៈ អញ្ជើញទៅសួរសុខទុក្ខ ស្វែងយល់ពីស្ថានភាព និងជូនអំណោយដល់សមូហភាព គ្រួសារក្រីក្រ និងគ្រួសារគោលនយោបាយជាជនជាតិភាគតិច ទៅតាមរបប និងគោលនយោបាយដែលបានកំណត់។ ផ្សព្វផ្សាយ ចលនាជនរួមជាតិជាជនជាតិភាគតិច អនុវត្តគោលការណ៍ ណែនាំគោលនយោបាយរបស់បក្ស និងច្បាប់របស់រដ្ឋ ពង្រីកនូវទំនៀមទំលាប់ប្រពៃណីដ៏ល្អរបស់ជនជាតិ; បង្កើនព័ត៌មានអំពីវិធានការធានាសុវត្ថិភាពក្នុងការបង្ការ ប្រឆាំងជំងឺ Covid -១៩។

បណ្តាក្រសួង ស្ថាប័ន អង្គភាព និងភូមិភាគ គប្បីយល់ឱ្យបានហ្មត់ចត់និងអនុវត្តយ៉ាងម៉ឺងម៉ាត់នូវបទបញ្ជាលេខ ១១-CT/TW ចុះថ្ងៃទី ៨ ខែធ្នូ ឆ្នាំ ២០២១ របស់គណៈលេខានិងបទបញ្ជានេះ; ផ្តោតការយកចិត្តទុកដាក់ ខិតខំប្រឹងប្រែងឱ្យអស់ពីសមត្ថភាពក្នុងការបង្ការ ប្រឆាំងជំងឺ Covid-១៩; ដាច់ខាតមិនត្រូវព្រងើយកន្តើយ ធ្វេសប្រហែស បាត់បង់ការប្រុងប្រយ័ត្ន; អនុវត្តយ៉ាងតឹងរ៉ឹងនូវសារ ៥K; លើកកម្ពស់ការទទួលខុសត្រូវរបស់អ្នកដឹកនាំ ត្រៀមខ្លួនដើម្បីទប់ទល់រាល់ស្ថានការណ៍; ចង្អុលការប្តូរផ្តាច់ព្រមៗគ្នា ប្រកបដោយប្រសិទ្ធភាពបណ្តាដំណោះស្រាយ ធានាបានទាំងការបង្ការប្រឆាំងជំងឺ Covid-19 ផង ទាំងការស្តារនិងអភិវឌ្ឍសេដ្ឋកិច្ច-សង្គមផង។ គ្រប់ស្ថាប័ននៅក្នុងប្រព័ន្ធរដ្ឋបាលរដ្ឋ អនុវត្តយ៉ាងតឹងរ៉ឹង ដោយមិនរៀបចំទៅសួរសុខទុក្ខ ជូនពរឆ្នាំថ្មីដល់ថ្នាក់លើនិងថ្នាក់ដឹកនាំ គ្រប់ជាន់ថ្នាក់; មិនរៀបចំគណៈប្រតិភូមជ្ឈិម ទៅសួរសុខទុក្ខ និងជូនពរឆ្នាំថ្មីដល់គណៈកម្មាធិការបក្ស និងរដ្ឋអំណាចខេត្ត ក្រុងនានា។ ហាមជាកំហិតការជូនអំណោយដល់ថ្នាក់ដឹកនាំគ្រប់លំដាប់ថ្នាក់ដោយរូបភាពណាមួយ; មិនប្រើប្រាស់ថវិការដ្ឋ យានយន្ត និងទ្រព្យសម្បត្តិសាធារណៈសម្រាប់សកម្មភាពខុសនឹងបទកំណត់; មិនចូលរួមក្នុងសកម្មភាពអបិយជំនឿ; ចំណាយពេលទៅសួរសុខទុក្ខគ្រួសារគោលនយោបាយ គ្រួសារក្រីក្រ គ្រួសារដែលរងផលប៉ះពាល់ដោយជំងឺរាតត្បាត គ្រោះធម្មជាតិ ព្យុះសង្ឃរានិងទឹកជំនន់៕

យោងតាម baodantoc.vn ប្រែសម្រួល៖ វ៉ាន់តឹន

ចែករំលែកអត្ថបទ

ពាក្យគន្លឹះ