10/01/2022 - 08:55

ថាម​ដូង​អនុវត្ត​ល្អ​ការ​ងារ​កាត់​បន្ថយ​ភាព​ក្រី​ក្រ

មុន​នេះ​ ឃុំ​ថាម​ដូង​ ស្រុក​មីស្វៀង​ ខេត្ត​សុក​ត្រាំង​ មាន​គ្រួ​សារ​ក្រី​ក្រជាង​ ៥០%។​ អា​ស្រ័យ​មាន​គោល​នយោ​បាយ​វិនិ​យោ​គ និង​ការ​យក​ចិត្ត​ទុក​ដាក់​ចង្អុល​ការ​របស់​រដ្ឋ​អំ​ណាច​គ្រប់​លំ​ដាប់​ថ្នាក់​ ព្រម​ទាំង​ការ​ខិត​ខំ​ឈាន​ឡើង​របស់​ប្រ​ជា​ជន​ ទើប​ឃុំ​នៅ​គ្រួ​សារ​ក្រី​ក្រតែ ១,១២% ប៉ុណ្ណោះ​។​

    ​ បុល​បាន​ដើម​ទុន​ពីធនាគារ​គោល​នយោ​បាយ​សង្គម​កិច្ច​ បង​ត្រឹង​ធឿន វិនិ​យោគ​ចិញ្ចឹម​មាន់​។​

ឃុំថាម​ដូង​មាន​ជន​រួម​ជាតិ​ខ្មែរ​រស់​នៅ​ជាង​ ៧៦% ម្ល៉ោះ​ហើយ​ឃុំ​បាន​ទទួល​ផល​ពីកម្ម​វិធី​ គម្រោង​ជាច្រើន​សម្រាប់​ជន​រួម​ជាតិ​ខ្មែរ​។​ ទន្ទឹម​នឹង​ការ​ឧបត្ថម្ភ​ថវិកា​ អង្គ​ការ​មហា​ជន​នានា​ក៏​បាន​បើក​វគ្គ​ហ្វឹក​ហ្វឺន​ផ្ទេរ​ជូន​វិទ្យា​សាស្រ្ត​បច្ចេក​ទេស​ដាំ​ដុះ​ ចិញ្ចឹម​សត្វ​ជូន​សមាជិក​។​ ព្រម​ជា​មួយ​នោះ​ យក​ចិត្ត​ទុក​ដាក់​ ពិនិត្យ​តាម​ដាន​ ណែនាំ​គ្រួ​សារ​ក្រី​ក្រ គ្រួ​សារ​ប្រ​កៀក​បន្ទាត់​ក្រ ប្រើ​ប្រាស់​ប្រ​ភព​ទុន​ចំ​គោល​ដៅ​ ជ្រើស​រើស​ទម្រង់​សម​ស្រប​នឹង​លក្ខណៈ​សេដ្ឋ​កិច្ច​គ្រួ​សារ​ សម​ស្រប​ជាមួយ​នឹង​ដី​ធ្លី​។​ ផ្តើម​ពីនោះ​ ទម្រង់​នានា​ពង្រីក​បាន​ប្រ​សិទ្ធ​ភាព​ លើក​កម្ពស់​ប្រាក់​ចំ​ណូល​ រួម​ចំ​ណែក​លំ​នឹង​ជីវ​ភាព​ជូន​ប្រ​ជា​ជន​។​ លោក​ថាច់​ឌី លេខា​បក្ស​ ភូមិ​ផ្នោ​រកំ​បុត​ ឱ្យ​ដឹង​៖ “ចាប់​ពីរដ្ឋ​មាន​គោល​នយោ​បាយ​វិនិ​យោគ​ខាង​ផ្ទះ​សម្បែង​ ទុន​បុល​ ពូជ​ដំណាំ​ សត្វ​ចិញ្ចឹម​ ផ្ទេរ​ជូន​បច្ចេក​ទេស​។​ល។​ ឃើញ​ថា​មាមីង​មាន​លក្ខណៈ​ធ្វើ​ការ​រកស៊ី​ ម្ល៉ោះ​ហើយ​រកបាន​ប្រាក់​ចំ​ណូល​ មាន​ជីវ​ភាព​ធូរ​ធារ។​ ទូទាំង​ភូមិ​សុទ្ធ​តែ​ផ្ទះ​ឥដ្ឋ​រឹង​មាំ គ្មាន​នៅ​ផ្ទះ​ស្លឹក​បណ្តោះ​អា​សន្ន​ដូច​ពីមុន​”។​

លោក​ផាម​វ៉ាន់​តៀង​ នៅ​ភូមិ​ផ្នោរ​កំ​បុត​ ឱ្យ​ដឹង​៖ “ខ្ញុំ​បាន​បុល​ទុន​អា​ទិភាព​ ៥០ លាន​ដុង​ ដើម្បី​វិនិ​យោគ​ដាំ​ដំណាំ​រួម​ផ្សំ​ ចំ​ណែក​ប្រ​ពន្ធ​ទិញ​បន្លែ​បង្ការ​លក់​នៅ​ផ្សារ​សុក​ត្រាំង​។​ ច្រើន​ឆ្នាំ​មក​នេះ​ រកស៊ី​មាន​ប្រ​សិ​ទ្ធភាព​ ខ្ញុំ​ទិញ​ដី​ដាំ​ដំណាំ​បន្ថែម​បាន​ ៥ កុង​ និង​ទិញ​រទេះ​សណ្តោង​សម្រាប់​ដឹក​បន្លែ​ទៅ​លក់​នៅ​ផ្សារ។​ អា​ស្រ័យ​ហេតុ​នោះ​ ទើប​ជីវ​ភាព​បាន​ធូរ​ធារ​ឡើង​ ខ្ញុំ​បម្រុង​សង់​ផ្ទះ​ដោយ​តម្លៃ​ជាង​ ៥០០ លាន​ដុង​”។​ បង​ត្រឹង​ធឿន នៅ​ភូមិ​ផ្នោរ​កំ​បុត​ ឱ្យ​ដឹង​៖ “ដោយ​សារ​បាន​រៀន​បច្ចេក​ទេស​ចិញ្ចឹម​សត្វ​ ហេតុ​នោះ​ពេល​រដ្ឋ​ឱ្យ​គោ​ទឹក​ដោះ​ចិញ្ចឹម​ និង​ឱ្យ​បុល​ ៥០ លាន​ដុង​ ខ្ញុំ​ទិញ​មាន់​ព្រលែង​ចិញ្ចឹម​ក្នុង​ចម្ការ​។​ សព្វ​ថ្ងៃ​ ក្នុង​ចំ​ណោម​គោ ៦ ក្បាល ​មាន​ ២ ក្បាល​ផ្តល់​ទឹក​ដោះ​។​ មាន់​ដែល​ព្រលែង​ចិញ្ចឹម​ក្នុង​ចម្ការ​ជាង​ ៣០០ ក្បាល​បម្រុង​នឹង​លក់​។​ ដោយ​សារ​ចិញ្ចឹម​គោទឹក​ដោះ​ មាន់​ទើប​ខ្ញុំ​មាន​ជីវ​ភាព​ធូរ​ធារ”។​

លោក​ឡឹម​វ៉ាន់​តឹង​ អនុ​ប្រ​ធាន​គណៈ​កម្មា​ធិការ​ប្រ​ជា​ជន​ឃុំ​ថាម​ដូង​ ឱ្យ​ដឹង​៖ “គ្រួ​សារ​ក្រី​ក្រ គ្រួ​សារ​ប្រ​កៀក​បន្ទាត់​ក្រជា​ច្រើន​ នៅ​លើ​ភូមិ​សាស្រ្ត​ឃុំ​បាន​ទទួល​ផល​ពីកម្ម​វិធី​ គម្រោង​ និង​គោល​នយោ​បាយ​ជន​ជាតិ​ក្នុង​ការ​អភិវឌ្ឍ​សេដ្ឋកិច្ច។​ អា​ស្រ័យ​ការ​ពិនិត្យ​តាម​ដាន​ជិត​ដិតរបស់​អង្គ​ការ​មហា​ជន​ ទើប​គ្រួ​សារ​ទាំង​នេះ​ ប្រើ​ប្រាស់​ប្រ​ភព​ទុន​ចំ​គោល​ដៅ​ ពង្រីក​បាន​ប្រ​សិទ្ធ​ភាព​ទម្រង់​វិនិ​យោគ រួមចំ​ណែក​យ៉ាង​ធំ​ធេង​ក្នុង​ការ​បំ​បាត់​ភាព​ក្រី​ក្រ។​ មក​ទល់​ពេល​នេះ​ ទូទាំង​ឃុំ​នៅ​មាន​គ្រួ​សារ​ក្រី​ក្រតែ ៥៨ គ្រួ​សារ​ប៉ុណ្ណោះ​”៕​

                                       លីធាន​-វិមាន​ 

ចែករំលែកអត្ថបទ