សុខភាព - អប់រំ សុខភាព

03/01/2022 - 08:13

អាកាសធាតុប្រែរដូវ ជិតដល់បុណ្យចូលឆ្នាំវៀតណាម៖

គប្បីរកឃើញបានទាន់ពេលករណី COVID-១៩ ធ្វើការព្យាបាលកាត់បន្ថយជំងឺធ្ងន់និងស្លាប់

ក្រសួងសុខាភិបាល សំណូមពរបង្កើនវិធានការបង្ការ ប្រឆាំងជំងឺ COVID-១៩ ពិសេសគឺការពិនិត្យតាមដានរកឃើញទាន់ពេល ព្យាបាលកាត់បន្ថយជំងឺធ្ងន់និងស្លាប់ ដោយសារអាកាសធាតុប្រែពីសិសិររដូវទៅនិទាឃរដូវ ជំងឺងាយរាលដាល បំផុតគឺក្នុងឱកាសចុងឆ្នាំ និងបុណ្យចូលឆ្នាំវៀតណាម ២០២២ ជិតដល់ខាងមុខ។

ចាក់វ៉ាក់សាំងបង្ការ COVID-១៩ ដល់សិស្សថ្នាក់ទី ៨ សាលាអនុវិទ្យាល័យលឿងថេវិញ ក្រុងកឹងធើ។ រូបថត៖ ឡាងភឿង

ក្នុងសន្និបាតផ្សាយផ្ទាល់ទូទាំងប្រទេស បញ្ជ្រាបនូវភារកិច្ចមួយចំនួនពីការប្រយុទ្ធ ប្រឆាំងជំងឺ COVID-១៩ នៅមូលដ្ឋានកន្លងមក សាស្ត្រាចារ្យបណ្ឌិត ផាងត្រុងឡឹង ប្រធាននាយកដ្ឋានសុខាភិបាលបង្ការ ក្រសួងសុខាភិបាល បានបញ្ជាក់ ស្ថានភាពជំងឺ COVID-១៩ ជាសារវន្តបានគ្រប់គ្រងក្នុងទូទាំងប្រទេស ក៏បុ៉ន្តែមានករណីវិជ្ជមានក្នុងសហគមន៍និងស្លាប់មាននិន្នាការកើនរហ័សនៅភូមិភាគជាច្រើន។ មូលហេតុចម្បងគឺក្រោយពីអនុវត្តសេចក្តីសម្រេចចិត្តលេខ ១២៨/NQ-CP និងសេចក្តីសម្រេចលេខ ៤៨០០/QĐ-BYT និងរាល់សកម្មភាពសង្គមវិលមកដំណើរការជាធម្មតា។ មេរោគនៅសេសសល់ក្នុងសហគមន៍; វីរុសបំប្លែងខ្លួន Delta មានល្បឿនរាលដាលយ៉ាងរហ័ស និងមានហានិភ័យខ្ពស់វីរុសបំប្លែងខ្លួនថ្មីឆ្លងចូលប្រទេសវៀតណាម ម៉្យាងដោយខ្វះការប្រុងប្រយ័ត្ន មិនអនុវត្តតាមបទប្បញ្ញត្តិ បង្ការ ប្រឆាំងជំងឺរាតត្បាត ពិសេសមិនពាក់ម៉ាស់នៅទីសាធារណៈ; ភាពសុាំរបស់អ្នកដែលចាក់វ៉ាក់សាំងដំណាក់កាលដំបូងថយចុះ តាមពេលវេលា ខណៈពេលអ្នកដែលទើបចាក់វ៉ាក់សាំងត្រូវការពេលវេលាបង្កើតភាពសុាំ ៘ ក្រសួងសុខាភិបាល ស្នើគណៈកម្មាធិការប្រជាជនបណ្តាខេត្ត ក្រុង អនុវត្តម៉ឺងម៉ាត់កិច្ចចង្អុលការរបស់នាយករដ្ឋមន្ត្រីនៃរដ្ឋាភិបាល។ បន្តវាយតម្លៃកម្រិតជំងឺរាតត្បាត ដើម្បីមានវិធានការសមស្របនឹងការប្រែប្រួលយ៉ាងស្មុគស្មាញនៃជំងឺរាតត្បាត ធានាសកម្មភាព ស្តារផលិតកម្ម លើកកម្ពស់គុណភាពសុខាភិបាលមូលដ្ឋាន ម្ចាស់ការនិងត្រៀមលក្ខណៈបំពាក់បរិក្ខារ ធនធានមនុស្ស ឱថសព្យាបាល និងអុកស៊ីហ្សែនសុខាភិបាល ដើម្បីធានាប្រជាជនឆាប់ទទួលបានសុខាភិបាលពីដំបូង ពីចម្ងាយ។ បង្កើនការធ្វើតេស្តស្វែងរកជំងឺចំពោះមុខសញ្ញា តំបន់ដែលមានហានិភ័យខ្ពស់ សំដៅប្រទះឃើញវីរុសបំប្លែងខ្លួនថ្មីទាន់ពេល; រៀបចំការព្យាបាលឱ្យបានល្អនៅផ្ទះ នៅមូលដ្ឋាន ដល់អ្នកវិជ្ជមានជំងឺ COVID-១៩ ជៀសវាងស្ថានភាពបញ្ជូនឡើងមន្ទីរពេទ្យថ្នាក់លើបង្កឱ្យហួសចំណុះ៘

ឧបនាយករដ្ឋមន្ត្រី វ៉ូវឌឹកដាម សង្កត់ធ្ងន់ចំពោះការប្រែប្រួលរីករាលដាលនៃវីរុសបំប្លែងខ្លួនថ្មី Omicron លើពិភពលោកនិងប្រទេសមួយចំនួនក្នុងតំបន់ យើងត្រូវត្រៀមចិត្តគំនិតថា វីរុសបំប្លែងខ្លួនថ្មីនេះ បានកើតមាននៅវៀតណាម ៘ ក្រសួងសុខាភិបាល ធានាផ្គត់ផ្គង់ ឱ្យបានគ្រប់គ្រាន់ប្រភេទថ្នាំប្រឆាំងវីរុស (ថង់ថ្នាំC) ដល់ភូមិភាគនានា ដើម្បីធ្វើការចែកចាយថ្នាំដល់អ្នកដែលឆ្លងវីរុសមានតម្រូវការផឹកថ្នាំបានឆាប់បំផុត។ ដាច់ខាតមិនត្រូវឱ្យកើតមានស្ថានភាពខ្វះថ្នាំ។ ក្រសួងសុខាភិបាល គណៈកម្មាធិការ បណ្តាខេត្ត ក្រុងចង្អុលការ ណែនាំ ហ្វឹកហ្វឺនបង្កើនការរៀបចំធ្វើចត្តាឡីស័ក ស្វ័យព្យាបាលនៅផ្ទះ និងនៅមូលដ្ឋាន; ជៀសវាងស្ថានភាពបញ្ជូនឡើងមន្ទីរពេទ្យថ្នាក់លើបង្កឱ្យហួសចំណុះ។ ប្រព័ន្ធសុខាភិបាលមូលដ្ឋាន ត្រូវតែគ្រប់គ្រងអ្នកដែលមានជំងឺ៘ ឧបនាយករដ្ឋមន្ត្រី បញ្ជាក់៖ ក្នុងឱកាសបុណ្យចូលឆ្នាំថ្មីវៀតណាម ក្រុមការងារ COVID-១៩ សហគមន៍ នគរបាល កងប្រជាស្វ័យត្រាណសុខាភិបាលនិងកងកម្លាំងទាំងអស់ គប្បីបន្ត ”ដើរគ្រប់ច្រក គោះទ្វារគ្រប់ផ្ទះ ពិនិត្យគ្រប់រូប” ក្នុងការចាក់វ៉ាក់សាំងដែលនៅឆ្លៀតឆ្លក រកឃើញជំនួយអ្នកជំងឺ មិនទុកឱ្យនរណាម្នាក់កំពុងធ្វើចត្តាឡីស័ក ស្វ័យព្យាបាលនៅផ្ទះ មិនបានទទួលអំណរបុណ្យចូលឆ្នាំថ្មីនោះឡើយ៕

តាម៖ moh.gov.vn - លេងមី

ចែករំលែកអត្ថបទ

ពាក្យគន្លឹះ