ខេត្ត​សុក​ត្រាំង​ សកម្ម​ផ្សព្វ​ផ្សាយ​អនុវត្ត​នូវ​វិធាន​ការ​ជាច្រើន​ដើម្បី​បង្ការ​ប្រ​ឆាំង​ជំងឺ​ COVID – ១៩ ការ​ពារ​សុខ​ភាព​ប្រ​ជា​ជន​។​ ក្នុង​នោះ​ កម្មា​ភិបាល​ពេទ្យ​តែង​មាន​មុខ​ដើម្បី​ព្យា​បាល​អ្នក​ជំងឺ​ F0 ដែល​បាន​កំ​ណត់​ឱ្យ​ព្យា​បាល​នៅ​ផ្ទះ​។​

កម្មា​ភិបាល​ដំណាក់​សុខា​ភិបាល​ឃុំ​ថា​ញ់ភូ ចាក់​វ៉ាក់​សាំង​បង្ការ​ជំងឺ​ COVID – ១៩ ដូសទី៣ជូន​កម្មា​ភិបាល​បំ​ពេញ​ការ​ងារ​បង្ការ​ប្រ​ឆាំង​ជំងឺ​រាល​ដាល​។​

ដើម​ខែធ្នូ ឆ្នាំ​២០២១ ខេត្ត​សុក​ត្រាំង​បាន​សម្រេច​ឱ្យ​អ្នក​ជំងឺ​ F0 ព្យា​បាល​នៅ​ផ្ទះ​ ម្ល៉ោះ​ហើយ​កម្មា​ភិបាល​ពេទ្យ​មូល​ដ្ឋាន​មាន​តួនាទី​យ៉ាង​សំ​ខាន់​ក្នុង​ការ​ជួយ​ព្យា​បាល​ដល់​អ្នក​ជំងឺ​ F0។​ លោក​យ៉ីប​ក្វាង​ថាវ ប្រ​ធាន​ដំណាក់​សុខា​ភិបាល​ឃុំ​ថាញ់ភូ ស្រុក​មីស្វៀង​ ឱ្យ​ដឹង​៖ “ពេល​ឮ​ទូរ​ស័ព្ទ​ប្រាប់​ថា​មាន​ករណី​ F0 កម្មា​ភិបាល​ពេទ្យ​ក៏​ប្រ​ញាប់​ទៅ​ដល់​ផ្ទះ​យក​សំ​ណាកធ្វើ​តេស្ត​ ធ្វើ​កំ​ណត់​ហេតុ​ជំងឺ​ បែង​ប្រ​ភេទ​អ្នក​ជំងឺ​ដើម្បី​ផ្ដល់​ថ្នាំ​ព្យា​បាល​ត្រូវ​តាម​សេច​ក្ដី​កំ​ណត់​របស់​ក្រសួង​សុខា​ភិបាល​ និង​ណែនាំ​សមាជិក​គ្រួ​សារ​ចេះ​របៀប​ថែទាំ​អ្នក​ជំងឺ​ F0 ធ្វើ​ចត្តាឡីស័ក​ករណី F1 ។​ ពេល​ឮ​ទូរ​ស័ព្ទ​ប្រាប់​ថា​មាន​ករណី​ F0 កម្រិត​ធ្ងន់​ ពិបាក​ដកដង្ហើម​ កម្មា​ភិបាល​ពេទ្យ​ប្រ​ញាប់​យក​បំ​ពង់​អុក​ហ្ស៊ី​ហ្សែន​ ថ្នាំ​ និង​បរិក្ខារ​ពេទ្យ​សម្រាប់​សង្រ្គោះ​បន្ទាន់​ ឬ​បញ្ជូន​អ្នក​ជំងឺ​ទៅ​មន្ទីរ​ពេទ្យ​”។​ បង​ស្រី​យឿងធីមីលិញនៅ​សង្កាត់​ ២ ក្រុង​សុក​ត្រាំង​ ឱ្យ​ដឹង​៖ “ពេល​ធ្វើ​តេស្ត​រហ័ស​ឃើញ​វិជ្ជ​មាន​ ខ្ញុំ​ជូន​ដំណឹង​ទៅ​ដំណាក់​សុខា​ភិបាល​សង្កាត់​ រួច​បាន​ផ្ដល់​ថ្នាំ​ព្យា​បាល​ជំងឺ​ F0 កម្រិត​ស្រាល​ គ្មាន​រោគ​សញ្ញា​ និង​ណែនាំ​របៀប​ថែទាំ​ ធ្វើ​ចត្តាឡីស័ក F1 នៅ​ផ្ទះ​។​ បាន​ព្យា​បាល​ជំងឺ​នៅ​ផ្ទះ​ ខ្ញុំ​ក៏​ស្ងប់​ចិត្ត​ ហូប​ចុក ដេក​នៅ​បាន​ស្រួល​ និង​ហាត់​ប្រាណ​ស្រាល​ៗ​តាម​ការ​ណែនាំ​របស់​វេជ្ជ​បណ្ឌិត​។​ សព្វ​ថ្ងៃ​ ខ្ញុំ​និង​កូន​ស្រី​បាន​ធ្វើ​តេស្ត​អវិជ្ជ​មាន​ជំងឺ​ហើយ​”។​

ក្នុង​ការ​ងារ​ព្យា​បាល​ជំងឺ​ F0 នៅ​ផ្ទះ​ កម្មា​ភិបាល​ពេទ្យ​ត្រូវ​ចុះ​ទៅ​ដល់​ផ្ទះ​ពិនិត្យ​  ផ្ដល់​ថ្នាំ​  និង​ណែនាំ​របៀប​ព្យា​បាល  ជំងឺ​។​ លោក​ឡឹម​ផល្លា ប្រ​ធាន​ដំណាក់​សុខា​ភិបាល​ឃុំ​វៀង​អាង​ ស្រុក​ត្រឹង​ដេ ឱ្យ​ដឹង​៖ “សព្វ​ថ្ងៃ​ ដំណាក់​សុខា​ភិបាល​ មាន​បុគ្គ​លិកត្រឹម​ ៩ នាក់​ប៉ុណ្ណោះ​ ប៉ុន្តែ​ចំ​នួន​អ្នក​ជំងឺ​ F0 ក្នុង​សហគមន៍​កើន​ជាលំ​ដាប់​ បាន​ជាយើង​ខ្ញុំ​ចាត់​កម្លាំង​ប្រ​ចាំ​ការ​ ២៤/២៤ ម៉ោង​ ដើម្បី​វិនិ​ច្ឆ័យ​ករណី​អ្នក​ជំងឺ​ F0។​ ដំណាក់​សុខា​ភិបាល​នៅ​ទាំង​សហកា​រជាមួយ​នឹង​សហកា​រី​សុខា​ភិបាល​ និង​សមាជិក​អង្គ​ការ​មហា​ជន​នៅ​តាម​ភូមិ​ ដើម្បី​ជួយ​ចែក​ជូន​ថ្នាំ​ដល់​អ្នក​ជំងឺ​ F0 នៅ​ផ្ទះ​។​ ចូល​រួម​ព្យា​បាល​ដល់​អ្នក​ជំងឺ​ F0 ចាក់​វ៉ាក់​សាំង​បង្ការ​ជំងឺ​ COVID – ១៩ ជូន​ប្រ​ជា​ជន​បណ្តើរ​ និង​អនុ​វត្ត​ភារកិច្ច​ពិនិត្យ​ ព្យា​បាល​ជំងឺ​ផ្សេង​ៗ​ទៀត​ ម្ល៉ោះ​ហើយ​មាន​ការ​នឿយ​ហត់​ខ្លាំង​ណាស់​។​ ហេតុ​នោះ​ ខ្ញុំ​តែង​លើក​ទឹក​ចិត្ត​មិត្ត​រួម​អា​ជីព​ត្រូវ​រួម​គ្នា​ជម្នះ​លំ​បាក​ ដើម្បី​អនុវត្ត​ល្អ​ភារកិច្ច​ថែទាំ​សុខ​ភាព​ប្រ​ជា​ជន​និង​ឆ្លង​ផុត​ជំងឺ​រាតត្បាត​”។​

ដើម្បី​កាត់​បន្ថយ​ការ​ហួស​ចំ​ណុះ​ដល់​កម្មា​ភិបាល​ពេទ្យ​នៅ​មូល​ដ្ឋាន​ ការ​ពារ​សុខ​ភាព​ផ្ទាល់​ខ្លួន​ គ្រួ​សារ​និង​សហគមន៍ ផ្នែក​សុខា​ភិបាល​ខេត្ត​ ក្រើន​រំលឹក​ដល់​ប្រ​ជា​ជន​គប្បី​អនុ​វត្ត​ឱ្យ​បាន​ល្អ​សារ​ ៥K; ចុះ​ឈ្មោះ​ចាក់​វ៉ាក់​សាំង​បង្ការ​ជំងឺ​ COVID – ១៩ គ្រប់​ដូស; ត្រៀម​បម្រុង​កញ្ចប់​ថ្នាំ​សម្រាប់​ F1, F0  និង​ចេញ​ទៅ​ក្រៅ​លុះ​ត្រាតែ​មាន​កិច្ច​ការ​ចាំ​បាច់​៕​ 

                                      យ្វីអាញ - ថាច់​ធី