ព្រឹត្តិការណ៍ - នយោបាយ ព្រឹត្តិការណ៍

06/12/2021 - 08:24

នាយករដ្ឋមន្ត្រី ចង្អុលការម្ចាស់ការគ្រប់គ្រងមេរោគបំប្លែងថ្មី Omicron

(Chinhphu.vn) - ការិយាល័យរដ្ឋាភិបាល បានដាក់ចេញនូវសារាចរលេខ ៨៧០៦/VPCP-KGVX ចុះថ្ងៃទី ២៩/១១/២០២១ មតិចង្អុលការរបស់នាយករដ្ឋមន្រ្តីនៃរដ្ឋាភិបាល ផាមមិញជិញ ស្តីពីការគ្រប់គ្រងមេរោគបំប្លែងថ្មី Omicron នៃវីរុស SARS-CoV-២។

ក្នុងសារាចរបានចែងច្បាស់ ថ្មីៗនេះលើពិភពលោកបានរកឃើញមេរោគបំប្លែងថ្មី Omicron របស់វីរុស SARS-CoV-២ កំពុងឆ្លងរាលដាលយ៉ាងលឿននៅប្រទេសជាច្រើនលើពិភពលោក។ ដើម្បីម្ចាស់ការគ្រប់គ្រង បង្ការ ប្រឆាំងជំងឺរាតត្បាត នាយករដ្ឋមន្រ្តីនៃរដ្ឋាភិបាល ផាមមិញជិញ ក៏បានស្នើដល់ក្រសួងសុខាភិបាល គប្បីម្ចាស់ការតាមដានស្ថានភាពប្រែប្រួលនៃជំងឺរាតត្បាតដែលបង្កឡើងដោយមេរោគបំប្លែងថ្មី Omicron គប្បីពិភាក្សាជាមួយនឹងអង្គការសុខភាពពិភពលោក ដើម្បីធ្វើបច្ចុប្បន្នភាពព័ត៌មានទាន់ពេល ពិតប្រាកដ អំពីមេរោគបំប្លែងថ្មីនេះ ផ្អែកលើមូលដ្ឋាននោះក៏បានលើកឡើងនូវវិធានការបង្ការប្រឆាំងជំងឺរាតត្បាតទាន់ពេល សមស្រប ប្រកបដោយប្រសិទ្ធភាពចំពោះការប្រែប្រួលនៃជំងឺរាតត្បាតនេះ។

ក្រសួងសុខាភិបាល ក្រសួងការបរទេស ក្រសួងគមនាគមន៍ដឹកជញ្ជូន ក្រសួងនគរបាល ក្រសួងការពារប្រទេស និងគ្រប់ក្រសួង ស្ថាប័នពាក់ព័ន្ធ តាមមុខងារ ភារកិច្ចដែលបានប្រគល់ឱ្យ ចង្អុលការដល់អង្គភាពមានសមត្ថកិច្ច បង្កើនការត្រួតពិនិត្យអ្នកចូលមកនិងទៅកាន់ប្រទេសដែលរកឃើញករណីឆ្លងមេរោគបំប្លែងថ្មី Omicron ឆ្លងដែនចូលវៀតណាម ដើម្បីទប់ស្កាត់ ហានិភ័យការរីករាលដាលនៃមេរោគបំប្លែងថ្មីចូលមកប្រទេសយើង៕

ប្រែសម្រួល៖មុនី

ចែករំលែកអត្ថបទ

ពាក្យគន្លឹះ