សុខភាព - អប់រំ សុខភាព

15/11/2021 - 09:34

ព្រួតដៃបង្ការប្រឆាំង ច្រានថយជំងឺ COVID-១៩

ជាមួយនឹងសារ “ព្រួតដៃបង្ការប្រឆាំង ច្រានថយជំងឺ COVID-១៩” ឃុំតឹងមី ស្រុងត្រាអូង ខេត្តវិញឡុង សកម្មអនុវត្តនូវវិធានការជាច្រើនក្នុងការបង្ការ ប្រឆាំងជំងឺរាតត្បាត។ ផ្តើមពីនោះ ជួយប្រជាជនយល់ដឹងកាន់តែច្បាស់អំពីជំងឺរាតត្បាតនិងអនុវត្តយ៉ាងម៉ឺងម៉ាត់វិធានការបង្ការ ប្រឆាំងជំងឺរាតត្បាតក្នុងសហគមន៍។

លោកថាច់តឹម (អាវខ្មៅ) ទៅដល់ផ្ទះប្រជាជនផ្សព្វផ្សាយអំពីការបង្ការប្រឆាំងជំងឺរាតត្បាត។

ឃុំតឹងមី មានជនរួមជាតិខ្មែររស់នៅចំនួន ១.៣៨១ គ្រួសារ ស្រូបអត្រា ៤៤% នៃចំនួនប្រជាជនក្នុងឃុំ។ បច្ចុប្បន្ន លើភូមិសាស្រ្តឃុំមានវត្តខ្មែរចំនួន ៤ គឺវត្តមុនីឧត្តម (ស្វាយ) វត្តសិរីមង្គល (តាធាយ) វត្តសិរីមង្គលដូនល្អ (កណ្តាល) វត្តទេពមង្គលឧត្តម (អន្ទិព)។ ដើម្បីជួយមាមីងខ្មែរយល់ច្បាស់អំពីជំងឺ COVID -១៩ ឃុំម្ចាស់ការផ្តល់ព័ត៌មានដល់ព្រះសង្ឃតាមវត្តនានា ដើម្បីរួមដំណើរផ្សព្វផ្សាយចលនា មាមីងពុទ្ធបរិស័ទភ្ញាក់រលឹកអនុវត្តយ៉ាងម៉ឺងម៉ាត់នូវសេចក្តីកំណត់អំពីការបង្ការ ប្រឆាំងជំងឺរាតត្បាត ការពារសុខភាពផ្ទាល់ខ្លួននិងសហគមន៍។ លោកង៉ោវិញត្វឹង អនុប្រធានគណៈកម្មាធិការប្រជាជនឃុំតឹងមី “ឃុំសហការជាមួយគណៈកម្មការវត្ត អ្នកមានប្រជាប្រិយភាពក្នុងសហគមន៍ជនរួមជាតិខ្មែរ ផ្សព្វផ្សាយទូលំទូលាយតាមរយៈរូបភាពជាច្រើនដល់មាមីងពុទ្ធបរិស័ទ អនុវត្តល្អការងារបង្ការ ប្រឆាំងជំងឺរាតត្បាត។ ទន្ទឹមនឹងនោះ អនុវត្តសព្វគ្រប់គោលនយោបាយសុខុមាលភាពសង្គមចំពោះករណីមកពីតំបន់ជំងឺឆ្លងរាលដាលដែលមានស្ថានភាពលំបាក ក៏ដូចជាគ្រួសារក្រីក្រ គ្រួសារប្រកៀកបន្ទាត់ក្រ ដើម្បីពួកគាត់ស្ងប់ចិត្តអនុវត្តតាមលក្ខន្តិកៈធ្វើចត្តាឡីស័កដូចដែលផ្នែកសុខាភិបាលបានកំណត់”។

លោកថាច់តឹម សមាជិកគណៈកម្មការវត្តសិរីមង្គល (តាធាយ) មានប្រសាសន៍៖ “ក្នុងនាមខ្ញុំជាសមាជិកក្រុមការងារសហគមន៍បង្ការ ប្រឆាំងជំងឺរាតត្បាតនៅភូមិភាគ ដូច្នេះ ខ្ញុំតែងរំលឹកប្រជាជនជារឿយៗឱ្យអនុវត្តត្រឹមត្រូវតាមសារ ៥K និងកាត់បន្ថយការប្រាស្រ័យនឹងអ្នកចម្លែក។ តាមរយៈការផ្សព្វផ្សាយសង្កេតឃើញថា មាមីងមានស្មារតីភ្ញាក់លឹកអនុវត្តយ៉ាងត្រឹមត្រូវ។ ខ្ញុំនឹងបន្តការសហការជាមួយប្រធានភូមិផ្សព្វផ្សាយដើម្បីរក្សាតំបន់បៃតងរបស់ភូមិភាគ”។

ក្រៅពីអនុវត្តល្អការងារផ្សព្វផ្សាយក្នុងសហគមន៍ជនរួមជាតិខ្មែរ ឃុំតឹងមីនៅទាំងយកចិត្តទុកដាក់គិតគូរដល់ការងារសុខុមាលភាពសង្គមលើភូមិសាស្រ្ត។

អាស្រ័យបានផ្សព្វផ្សាយរំលឹកជារឿយៗ ម៉្លោះហើយស្មារតីយល់ដឹងរបស់ប្រជាជនក្នុងការបង្ការ ប្រឆាំងជំងឺរាតត្បាត ត្រូវបានលើកកម្ពស់ពីមួយថ្ងៃទៅមួយថ្ងៃ។ លោកថាច់ចាង នៅភូមិតាធាយ ឱ្យដឹង៖ “គ្រួសារខ្ញុំបើកតៀមលក់ដូរកំប៉ិកកំប៉ុក បើមានអ្នកមកទិញខ្ញុំតែងរំលឹកឱ្យពាក់ម៉ាស់ រក្សាគម្លាត និងលាងដៃដោយអាល់កុលកម្ចាត់មេរោគ មិនផ្ដុំគ្នាច្រើន ដើម្បីធានាសុវត្ថិភាព បង្ការប្រឆាំងជំងឺ COVID -១៩។ ពេលមានអ្នកចម្លែកចូលមកភូមិភាគ គ្រួសារយើងខ្ញុំរាយការណ៍ជូនរដ្ឋអំណាចដើម្បីងាយស្រួលក្នុងការបង្ការប្រឆាំងជំងឺ COVID -១៩ សង្ឃឹមថាជំងឺនេះនឹងអស់ក្នុងពេលឆាប់ៗ ដើម្បីនាំមកភាពធម្មតាវិញ”៕

ត្រុកម៉ាយ-ត្រុងចឹង (មជ្ឈមណ្ឌលវប្បធម៌កីឡា និងព័ត៌មានស្រុកត្រាអូង)-មុនី

ចែករំលែកអត្ថបទ

ពាក្យគន្លឹះ