ព្រឹត្តិការណ៍ - នយោបាយ ព្រឹត្តិការណ៍

25/10/2021 - 08:57

គណៈកម្មាធិការជនជាតិធ្វើការជាមួយតំណាងអង្គការយូនីសេហ្វ ប្រចាំនៅវៀតណាម

នៅទីស្នាក់ការគណៈកម្មាធិការជនជាតិ រដ្ឋមន្រ្តី ប្រធានគណៈកម្មាធិការជនជាតិ លោកហូវអាឡឺន បានដឹកនាំកិច្ចប្រជុំជាមួយលោកស្រី Esley Miller អនុប្រធានតំណាងនិងអ្នកជំនាញទាំងឡាយក្នុងអង្គការយូនីសេហ្វ។

បណ្តាអ្នកតំណាងចូលរួមកិច្ចប្រជុំ ថតរូបអនុស្សាវរីយ៍។

នៅក្នុងកិច្ចប្រជុំ រដ្ឋមន្ត្រី ប្រធានគណៈកម្មាធិការជនជាតិបានផ្តល់ព័ត៌មាន គណៈកម្មាធិការជនជាតិកំពុងដំណើរការ សហការជាមួយក្រសួង ផ្នែកនានា ដើម្បីអនុវត្តកម្មវិធីទិសដៅជាតិសម្រាប់ការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ ។ គម្រោងសមាសភាគនៃកម្មវិធីទិសដៅជាតិ គឺមានទិសដៅនិងខ្លឹមសារទាក់ទងទៅនឹងទិសដៅនៃកម្មវិធីសហប្រតិបត្តិការជាតិរវាងវៀតណាមនិងយូនីសេហ្វ ក្នុងដំណាក់កាល ២០២២-២០២៦ រួមមាន៖ គម្រោងទី ៥ “អភិវឌ្ឍន៍ការអប់រំ បណ្តុះបណ្តាល ពង្រឹងគុណភាពធនធានមនុស្ស”; គម្រោងទី ៧ “ថែទាំសុខភាពប្រជាជន បង្កើនសព៌ាង្គ មាឌកម្ពស់ជនជាតិភាគតិច។ បង្ការប្រឆាំងការខ្វះអាហារូបត្ថម្ភលើកុមារ”; គម្រោងទី ៨ “ការអនុវត្តសមភាពយេនឌ័រនិងដោះស្រាយបញ្ហាបន្ទាន់សម្រាប់ស្ត្រីនិងកុមារ” ។ល។ រដ្ឋមន្រ្តី ប្រធានគណៈកម្មាធិការជនជាតិ ហូវអាឡឺន បានផ្ញើនូវក្តីសង្ឃឹមយូនីសេហ្វនឹងបន្តការគាំទ្ររដ្ឋាភិបាលវៀតណាម ក្នុងការបង្ការ ប្រឆាំងជំងឺរាតត្បាត Covid-១៩ ស្តារខឿនសេដ្ឋកិច្ច រួមដំណើរជាមួយគណៈកម្មាធិការជនជាតិ ក្នុងសកម្មភាពនានាសម្រាប់កុមារជនជាតិភាគតិច តាមរយៈការអនុវត្តប្រកបដោយប្រសិទ្ធភាពនៃកម្មវិធីទិសដៅជាតិ។

នៅក្នុងកិច្ចប្រជុំ លោកស្រី Rana Flowers ប្រធានតំណាងអង្គការយូនីសេហ្វ ប្រចាំនៅវៀតណាម បានវាយតម្លៃខ្ពស់ចំពោះការខិតខំប្រឹងប្រែងរបស់គណៈកម្មាធិការជនជាតិ ក្នុងការកសាង អនុវត្តកម្មវិធីទិសដៅជាតិ និងសហការអនុវត្តការត្រួតពិនិត្យស្ថានភាពសេដ្ឋកិច្ច-សង្គម ទាំង ៥៣ ជនជាតិភាគតិច ។ លោកស្រី Rana Flowers បានសង្កត់ធ្ងន់លើបញ្ហាសំខាន់ៗមួយចំនួនដែលយូនីសេហ្វនឹងអនុវត្តក្នុងពេលខាងមុខមានដូច ៖ បន្តជំរុញការដោះស្រាយបញ្ហាកង្វះអាហារូបត្ថម្ភលើកុមារ ពិសេសគឺកុមារនៅតំបន់ជនជាតិភាគតិចនិងតំបន់ភ្នំ; អនុវត្តគម្រោងអប់រំទ្វេភាសា ដោយផ្អែកលើភាសាកំណើត; ធានាបានខិតជិតនឹងទឹកស្អាតសម្រាប់ជនជាតិភាគតិចនិងតំបន់ភ្នំ; បណ្តាខ្លឹមសារទាក់ទងនឹងការប្រែប្រួលអាកាសធាតុដូចជាការដំឡើងប្រព័ន្ធថាមពលពន្លឺព្រះអាទិត្យ ប្រព័ន្ធបន្សុទ្ធខ្យល់នៅតាមសាលារៀនតំបន់ជនជាតិភាគតិចនិងតំបន់ភ្នំ; បន្តការអនុវត្តរបាយការណ៍ត្រួតពិនិត្យ វាយតម្លៃបណ្តាទិសដៅកុមារនិងស្ត្រី (MICS) និងអនុវត្តកញ្ចប់ជំនួយដោយផ្ទាល់ដល់កុមារដែលរងផលប៉ះពាល់នៃជំងឺរាតត្បាត Covid-១៩ ...៕

យោងតាមគណៈកម្មាធិការជនជាតិ

ចែករំលែកអត្ថបទ

ពាក្យគន្លឹះ