ព្រឹត្តិការណ៍ - នយោបាយ ព្រឹត្តិការណ៍

04/10/2021 - 07:20

សុកត្រាំង ទទួលពលរដ្ឋ ២៨១ នាក់ពីក្រុងហូជីមិញ មកស្រុកកំណើតដោយសុវត្ថិភាព

ប៉ូលិសចរាចរណ៍នគរបាលសុកត្រាំង នាំផ្លូវឱ្យរថយន្ត ១៦ គ្រឿងរបស់ក្រុមហ៊ុនភាគហ៊ុនរថយន្តដឹកអ្នកដំណើរភឿងត្រាង ទទួលពលរដ្ឋសុកត្រាំង ២៨១ នាក់ ដែលកំពុងសិក្សានិងប្រកបការងារនៅក្រុងហូជីមិញ ត្រឡប់មកសុកត្រាំងដោយសុវត្ថិភាព។ ពលរដ្ឋដែលបានខេត្តទទួលមកលើកនេះ ក្នុងនោះ ស្រ្តីមានផ្ទៃពោះនិងសាច់ញាតិចំនួន ៩៤ នាក់; សិស្ស និស្សិត អាណាព្យាបាលសិស្សចំនួន ១២៦ នាក់ និងប្រជាជនជួបការលំបាកចំនួន ៦១ នាក់។

 ក្បួនរថយន្តទទួលពលរដ្ឋមកដល់សុកត្រាំងដោយសុវត្ថិភាព។

យោងតាមប្រសាសន៍លោកវ៉ថាញក្វាង នាយកមន្ទីរការងារ យុទ្ធជនពិការនិងសង្គមកិច្ចខេត្តសុកត្រាំង តាមផែនការក្រុមការងារនឹងទទួលពលរដ្ឋចំនួន ៦០០ នាក់ ប៉ុន្តែតាមរយៈការធ្វើតេស្តរហ័ស មានមនុស្សមួយចំនួនវិជ្ជមានជំងឺ COVID-១៩ ត្រូវស្នាក់នៅសម្រាកព្យាបាល; មួយចំនួនទៀតដោយសារលក្ខណៈធ្វើដំណើរទៅមកពិបាក មិនអាចប្រមូលផ្តុំបាននៅកន្លែងទទួល និងមនុស្សមួយចំនួនសម្រេចចិត្តស្នាក់នៅមិនព្រមមក បន្ទាប់ពីបានចុះឈ្មោះ៕

យ្វីអាញ-មុនី

ចែករំលែកអត្ថបទ

ពាក្យគន្លឹះ