ព្រឹត្តិការណ៍ - នយោបាយ ព្រឹត្តិការណ៍

06/09/2021 - 07:36

ចាត់តាំងមានប្រសិទ្ធភាពការបង្រៀនតាមអនឡាញ និងតាមកញ្ចក់ទូរទស្សន៍

ក្រុងកឹងធើ៖ ចាត់តាំងពិធីបើកបវេសនកាលឆ្នាំសិក្សាថ្មី តាមប្រព័ន្ធអនឡាញ

អេក្រង់នៃមូលដ្ឋាន Youtube ពិធីបើកបវេសនកាលឆ្នាំសិក្សាថ្មីរបស់ក្រុងកឹងធើ។

សប្តាហ៍កន្លង រដ្ឋមន្ត្រីក្រសួងអប់រំនិងបណ្ដុះបណ្តាល ផ្ញើសារទូរលេខជូនប្រធានគណៈកម្មាធិការប្រជាជនខេត្ត ក្រុងក្រោមឱវាទមជ្ឈិម ស្តីពីការចាត់តាំងពិធីបើកបវេសនកាល ត្រៀមឱ្យឆ្នាំសិក្សាថ្មី ២០២១-២០២២ ក្នុងស្ថានភាពជំងឺរាតត្បាតប្រែប្រួលយ៉ាងស្មុគស្មាញ។

ក្រសួងអប់រំនិងបណ្ដុះបណ្ដាល ស្នើប្រធានគណៈកម្មាធិការប្រជាជនខេត្ត ពន្លឿនកិច្ចចង្អុលការដល់មន្ទីរអប់រំនិងបណ្ដុះបណ្តាល ត្រៀមជាស្រេចផែនការបង្ហាត់បង្រៀន បង្កើនវិធានការបង្ការប្រឆាំងជំងឺរាតត្បាតក្នុងសាលារៀន ។ល។ នៅតាមភូមិភាគដែលមានជំងឺ COVID-១៩ ប្រែប្រួលស្មុគស្មាញ ប្រធានគណៈកម្មាធិការប្រជាជនខេត្ត សម្រេចពន្យាពេលចាប់ផ្តើមឆ្នាំសិក្សាថ្មីរហូតដល់ស្ថានភាពជំងឺរាតត្បាតគ្រប់គ្រងបាន; លើកទឹកចិត្តលោកគ្រូ អ្នកគ្រូចូលរួមបង្ការប្រឆាំងរោគឆ្លងតាមការបែងចែកការងារផង និងត្រៀមផ្សព្វផ្សាយឆ្នាំសិក្សាថ្មីផង នៅពេលស្ថានភាពអនុញ្ញាត; ចង្អុលការមន្ទីរអប់រំនិងបណ្តុះបណ្ដាល ណែនាំមូលដ្ឋានកសាងផែនការអប់រំដើម្បីម្ចាស់ការ រវៀសរវៃ ត្រៀមលក្ខណៈជាស្រេចទប់ទល់ជាមួយនឹងសភាពការណ៍ប្រែប្រួលនៃជំងឺ COVID-១៩ នៅភូមិភាគ; បង្កើនហេដ្ឋារចនាសម្ព័ន្ធបច្ចេកវិទ្យាព័ត៌មាននិងលក្ខណៈចាំបាច់ ដើម្បីចាត់តាំងមានប្រសិទ្ធភាពការបង្រៀនតាមអនឡាញ និងតាមកញ្ចក់ទូរទស្សន៍។ល។ អនុវត្តបានទាន់ពេល ការមិនបង់កម្រៃ កាត់បន្ថយកម្រៃសិក្សាចំពោះមុខសញ្ញាសិស្សានុសិស្ស តាមសេចក្តីកំណត់នៃអនុក្រឹត្យ លេខ ៨១/២០២១/NĐ-CP របស់រដ្ឋាភិបាល។

*សាលានានានៅលើភូមិសាស្រ្តក្រុងកឹងធើ ចាត់តាំងពិធីបើកបវេសនកាលនៅថ្ងៃទី ៥ ខែកញ្ញា តាមប្រព័ន្ធអន ឡាញ។

យោងតាមក្របខណ្ឌផែនការឆ្នាំសិក្សា ២០២១-២០២២ នៅក្រុងកឹងធើ កម្រិតមធ្យមសិក្សា (ថ្នាក់ទី ៩ និងថ្នាក់ទី ១២ ) ចាប់ផ្តើមចូលរៀនឆមាសទី ១ ចាប់ពីថ្ងៃទី ៦ ខែកញ្ញា ចំណែកថ្នាក់ក្រៅពីនោះ ចាប់ពីថ្ងៃទី ១៣ ខែកញ្ញា; ផ្នែកអប់រំអចិន្ត្រៃយ៍ចាប់ផ្តើមចូលរៀនពីថ្ងៃទី ២០ ខែកញ្ញា។ មូលដ្ឋានអប់រំមធ្យមសិក្សា អប់រំអចិន្ត្រៃយ៍ចាត់តាំងបង្រៀននិងរៀនតាមអនឡាញ ចាប់ពីថ្ងៃចូលរៀនឆមាសទី ១ រហូតដល់ពេលមានសេចក្តីប្រកាសថ្មី។ ដោយឡែកកម្រិតមតេ្តយ្យ កម្រិតបឋមសិក្សា តាមការគ្រោងទុកចាប់ផ្តើមចូលរៀនឆមាសទី ១ នៅថ្ងៃទី ២០ ខែកញ្ញា។ យោងតាមការប្រែប្រួលនៃជំងឺ COVID-១៩ ក្រុង អាចលៃលកពេល ចាប់ផ្តើមចូលរៀននៃឆមាសនេះ; ចំពោះមុខមិនទាន់ផ្សព្វផ្សាយបង្រៀនតាមអនឡាញដល់កម្រិតបឋមសិក្សា និងមតេ្តយ្យ។ មកដល់ដំណាក់កាលនេះ ក្រុងកឹងធើ មានកុមារ និងសិស្សានុសិស្សជិត ២៤៧.០០០ នាក់ បានចុះឈ្មោះចូលរៀនក្នុងឆ្នាំសិក្សាថ្មី៕

ប៊ិចង៉ុក-វិមាន

ចែករំលែកអត្ថបទ

ពាក្យគន្លឹះ