ព្រឹត្តិការណ៍ - នយោបាយ ព្រឹត្តិការណ៍

29/06/2021 - 09:06

ជូនលិខិតសរសើររបស់ប្រធានរដ្ឋ ង្វៀងស្វឹងភុក ដល់លោកតាត្រឹងកាង

គណៈកម្មាធិការប្រជាជនខេត្តសុកត្រាំង ទើបធ្វើពិធីជូនលិខិតសរសើររបស់លោកប្រធានរដ្ឋនៃសាធារណរដ្ឋសង្គមនិយមវៀតណាម ង្វៀងស្វឹងភុក និងប័ណ្ណសរសើររបស់គណៈកម្មាធិការប្រជាជនខេត្ត ដល់លោកតាត្រឹងកាង នៅឃុំភូតឹម ស្រុកចូវថាញ ដោយមានស្នាដៃរួមចំណែកក្នុងការងារសប្បុរសធម៌សង្គម។

អ្នកស្រី ហ្វិញធីយីមង៉ុក អនុប្រធានគណៈកម្មាធិការប្រជាជនខេត្តសុកត្រាំង ជូនលិខិតសរសើររបស់ប្រធានរដ្ឋដល់លោកតាត្រឹងកាង។

ឆ្នាំនេះ លោកតាត្រឹងកាង មានអាយុ ៩៨ ឆ្នាំ។ លោកតា គឺអ្នកមានប្រជាប្រិយក្នុងជនរួមជាតិភាគតិច ដោយបានចលនាទឹកប្រាក់ជាង ១៧ ពាន់លានដុង និងម្ចាស់ការសហការជាមួយនឹងគណៈកម្មាធិការរណសិរ្សមាតុភូមិវៀតណាម សមាគមកាកបាទក្រហម សមាគមជំរុញការសិក្សានិងរដ្ឋអំណាចភូមិភាគ ជួយផ្ចុងផ្ដើម ឧបត្ថម្ភដល់មនុស្សចាស់អនាថា អ្នកក្រ អ្នកមានជំងឺប្រចាំកាយជួបលំបាក គ្រួសាររងគ្រោះធម្មជាតិ អគ្គិភ័យ សិស្សក្រីក្រសង្វាតរៀនសូត្រ សរុបជាង ៤.៥៨២ លើកនាក់។ ពិសេស ជួយដល់គ្រួសារជួបលំបាកជាង ២.០០០ គ្រួសារ និងមនុស្សវ័យចាស់បកភ្នែកចំនួន ៥០០ នាក់ ចិញ្ចឹមមនុស្សចាស់អនាថា ជាង ១០០ នាក់ ព្រមជាមួយនឹងទង្វើប្រកបដោយអត្ថន័យជាច្រើនទៀត។

ក្នុងលិខិត លោកប្រធានរដ្ឋបានបញ្ជាក់ទង្វើរបស់លោកតា ត្រឹងកាង តំណាងឱ្យទង្វើល្អរាប់មិនអស់របស់មនុស្សវ័យចាស់ទូទាំងប្រទេស។ ផ្ដើមពីនោះ រួមចំណែកពង្រឹងមាំផែនមហាសាមគ្គីទូទាំងជនជាតិ ធ្វើឱ្យកាន់តែល្អប្រសើរជាងទៀតនូវរូបភាពមនុស្សវ័យចាស់វៀតណាម ជាគំរូល្អសម្រាប់ជំនាន់ក្រោយ រៀនសូត្រយកតម្រាប់តាម៕

លីធាន - ថាច់ធី

ចែករំលែកអត្ថបទ

ពាក្យគន្លឹះ