ព្រឹត្តិការណ៍ - នយោបាយ ព្រឹត្តិការណ៍

29/06/2021 - 09:06

សម្ពោធសំណង់រឹតបន្តឹងចំណងមិត្តភាពវៀតណាម - កម្ពុជា

(Chinhphu.vn) - ខេត្តប៊ិញភឿក ទើបធ្វើពិធីសម្ពោធយ៉ាងមហោឡារិកបណ្ដុំសំណង់អនុស្សាវរីយ៍នៃដំណើរឆ្ពោះទៅរកការសង្រ្គោះជាតិរបស់សម្ដេចអគ្គមហាសេនាបតីតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា នៅភូមិថាញតី ឃុំឡុកតឹង ស្រុកឡុកនិញ ។

ឧត្តមសេនីយ៍ឯកបម្រុង ផាងវ៉ាន់យ៉ាង និងសម្តេចពិជ័យសេនា ទៀបាញ់ រួមជាមួយតំណាងទាំងឡាយកាត់ខ្សែបូសម្ពោធបណ្ដុំសំណង់។

មុននេះ ៤៤ ឆ្នាំ ថ្ងៃទី ២០ ខែមិថុនា ឆ្នាំ ១៩៧៧ វរសេនីយ៍ទោ ហ៊ុនសែន ប្រធានកងវរៈសេនាធំ តំបន់ ២១ ភូមិភាគបូពា៌នៃព្រះរាជាណាចក្រកម្ពុជា (សព្វថ្ងៃជាប្រធានគណៈបក្សប្រជាជន នាយករដ្ឋមន្រ្តីនៃព្រះរាជាណាចក្រកម្ពុជា) ព្រមជាមួយនឹងសហការី ក្រោយពីឆ្លងផុតព្រំដែនកម្ពុជា - វៀតណាម ក៏បានសម្រេចចិត្តស្វែងរកការជំនួយសង្រ្គោះពីវៀតណាម ដើម្បីផ្ដួលរំលំរបបប្រល័យពូជសាសន៍ប៉ុលពត នាំមកសន្តិភាពជូនប្រទេសកម្ពុជា។

ជាមួយនឹងការជួយឧបត្ថម្ភរបស់បក្ស រដ្ឋនិងប្រជាជនវៀតណាម លោកហ៊ុនសែន និងសហការី ជាជំហានៗក៏បង្កើតបានរណសិរ្សសាមគ្គីសង្រ្គោះជាតិកម្ពុជា ព្រមជាមួយកងទ័ពស្ម័គ្រចិត្តវៀតណាម បានផ្ដួលរំលំរបបប្រល័យពូជសាសន៍ប៉ុលពត នៅថ្ងៃទី ៧ ខែមករា ឆ្នាំ ១៩៧៩ សង្រ្គោះប្រជាជនកម្ពុជារាប់លាននាក់ រួចផុតពីគ្រោះមហន្តរាយប្រល័យពូជសាសន៍ ។ល។ ដើម្បីចងចាំព្រឹត្តិការណ៍នេះ ថ្នាក់ដឹកនាំរដ្ឋនៃប្រទេសទាំងពីរវៀតណាមនិងកម្ពុជា បានប្រគល់ខេត្តប៊ិញភឿកកសាង “បណ្ដុំសំណង់អនុស្សាវរីយ៍នៃដំណើរឆ្ពោះទៅរកការសង្រ្គោះជាតិរបស់សម្ដេចអគ្គមហាសេនាបតីតេជោហ៊ុនសែន” នៅខេត្តប៊ិញភឿក។

បណ្ដុំសំណង់បានផ្ដើមកសាងនៅថ្ងៃទី ៨ ខែឧសភា ឆ្នាំ ២០២១ រួមមានផ្នែកសំណង់ដូចជា៖ ផ្ទាំងសិលារំលឹកអនុស្សាវរីយ៍នៅទីតាំងសំចត X១៦ កន្លែងលាក់គ្រឿងអាវុធ កន្លែងជួបជាមួយកងទ័ពនិងប្រជាជនវៀតណាម។ អាគារដាក់តាំងពិព័រណ៍រូបភាព វត្ថុតាំងពាក់ព័ន្ធដំណើរឆ្ពោះទៅរកការសង្រ្គោះជាតិរបស់នាយករដ្ឋមន្រ្តី ហ៊ុនសែន។ល។ នៅពេលដាក់ឱ្យដំណើរការ បណ្ដុំសំណង់នេះគឺជាកន្លែងទស្សនាកម្សាន្ត ស្វែងយល់ពីប្រវត្តិសាស្រ្ត រួមចំណែកផ្សព្វផ្សាយអប់រំដល់យុវជនជំនាន់ក្រោយនិងប្រជាជនកម្ពុជា យល់កាន់តែច្បាស់អំពីស្នាដៃរបស់បុព្វបុរសក្នុងដំណើរការស្វែងរកមាគ៌ាសង្រ្គោះជាតិ ផ្តួលរំលំរបបប្រល័យពូជសាសន៍ ប៉ុលពត ក៏ដូចជាស្មារតី អន្តរជាតិដ៏ឧត្តុង្គឧត្តមរបស់បក្ស រដ្ឋ និងប្រជាជនវៀតណាម។ នេះជាចំណុចសំខាន់នៃប្រវត្តិសាស្រ្ត រួមចំណែករឹតបន្តឹង ចំណងសាមគ្គី មិត្តភាព សហប្រតិបត្តិការ និងជួយគ្នាទៅវិញទៅមកនៃប្រទេសទាំងពីរនិយាយរួម ខេត្តប៊ិញភឿកនិងបណ្តាខេត្តនានានៅជាប់ព្រំដែនរបស់កម្ពុជានិយាយដោយឡែក៕

ចែករំលែកអត្ថបទ

ពាក្យគន្លឹះ