ព្រឹត្តិការណ៍ - នយោបាយ ព្រឹត្តិការណ៍

18/05/2021 - 07:56

ខេត្តបាកលីវ ស្ងើចសរសើរនិងជូនរង្វាន់ដល់សមូហភាព បុគ្គលគំរូ ក្នុងការអនុវត្តបទបញ្ជាលេខ ០៥ របស់ការិយាល័យនយោបាយ

គណៈកម្មាធិការបក្សខេត្តបាកលីវ ទើបចាត់តាំងកិច្ចប្រជុំបូកសរុបបណ្តោះអាសន្ន ៥ ឆ្នាំអនុវត្តបទបញ្ជាលេខ ០៥-CT/TW ចុះថ្ងៃទី ១៥/៥/២០១៦ របស់ការិយាល័យនយោបាយ ស្តីពី”ជំរុញការរៀនសូត្រ និងធ្វើតាមឧត្តមគតិ សីលធម៌ ឥរិយាបថហូជីមិញ”។

ប្រធានគណៈកម្មាធិការប្រជាជនខេត្តបាកលីវ ផាមវ៉ាន់ថេវ ជូនប័ណ្ណសរសើរដល់បុគ្គល និងសមូហភាព ដែលមានស្នាដៃឆ្នើម។

ការរៀបចំរៀនសូត្រ ស្រាវជ្រាវ បញ្ជ្រាបនូវបទបញ្ជាលេខ ០៥ របស់ការិយាល័យនយោបាយ និងបទបញ្ជាលេខ ០៦ របស់គណៈអចិន្ត្រៃយ៍នៃគណៈកម្មាធិការបក្សខេត្តត្រូវបានគណៈកម្មាធិការបក្ស អង្គការបក្ស ស្ថាប័ន និងអង្គភាពនានាគ្រប់លំដាប់ថ្នាក់ ផ្សព្វផ្សាយអនុវត្តជាបន្តបន្ទាប់ ម៉ឺងម៉ាត់ ក្លាយជារបៀបរៀបរយ និងកាន់តែលើកកម្ពស់គុណភាព។ ឆ្លងតាមរយៈនោះ បានប្រទះឃើញនូវទម្រង់បុគ្គលគំរូជាច្រើនមានរបៀបធ្វើល្អៗ ទម្រង់ថ្មីៗ ច្នៃប្រតិដ្ឋ ប្រសិទ្ធភាព និងប្រកបដោយភាពជាក់ស្តែង មានប្រយោជន៍ដល់សង្គម ដូចជា៖ ទម្រង់ “៣ត្រូវ ៣គួរ និង៣កុំ” ទម្រង់ “ ៤ ត្រឹមត្រូវ ៥ គប្បី និង ៣ កៀក” ក្នុងការអនុវត្តភារកិច្ច ។ល។ ទន្ទឹមនឹងនោះ ភូមិភាគ អង្គភាពនានា បានផ្សារភ្ជាប់ការរៀនសូត្រ និងធ្វើតាមគំរូអ៊ំ ជាមួយនឹងការចលនាកសាងជនបទថ្មីមានប្រសិទ្ធភាព កៀរគរបានថវិកាជាង ៥,៥ ពាន់លានដុង ប្រជាជនស្ម័គ្រចិត្តបរិច្ចាគដីរាប់សិបពាន់ម៉ែត្រការ៉េ វិនិយោគជួសជុលតុបតែងផ្ទះសម្បែង បង្កទេសភាពបរិស្ថានបៃតង ជ្រះស្អាត។ល។ មកទល់ពេលនេះ ខេត្តបានសម្រេចជោគជ័យភារកិច្ចកសាងជនបទថ្មី ដោយមានអង្គភាពថ្នាក់ស្រុកចំនួន ៧/៧ និងឃុំចំនួន ៤៩/៤៩ ក្នុងនោះ មានឃុំសម្រេចបទដ្ឋានជនបទថ្មីកម្រិតខ្ពស់ចំនួន ១៣ និងឃុំសម្រេចជនបទថ្មីគំរូចំនួន ២ ។

ក្នុងឱកាសនេះ មានសមូហភាពចំនួន ៣៨ បុគ្គលចំនួន ១៤ រូប បានគណៈកម្មាធិការបក្សខេត្ត ស្ងើចសរសើរជូនប័ណ្ណសរសើរ អំពីស្នាដៃឆ្នើមក្នុងការរៀនសូត្រ និងធ្វើតាមឧត្តមគតិ សីលធម៌ ឥរិយាបថហូជីមិញ ដំណាក់កាល ២០១៦-២០២១ ៕

លីធាន-វិមាន

ចែករំលែកអត្ថបទ

ពាក្យគន្លឹះ